2 Samuel 7:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Dughiar maba gɨvazɨma, Ikiavɨra Itir God, Atrivim Devit gamizɨ, apanir an okariziba ua izava a ko mɨsozir puvatɨ. Kamaghɨn amizɨ, a uan dɨpenimɨn bar deravɨram aperaghav ikia avughsi.

2 Samuel 7:1 ပူးပေါင်းရင်းမြစ်များ

Aghuzir Akaba 16:7

Gumazim Ikiavɨra Itir God, ifongezir arazir kamagh garibar amutɨ, Ikiavɨra Itir God an akurvaghtɨ, a gumazamiziba bar deraghvɨra me ko ikɨva, uaghan uan apaniba deraghvɨra me ko ikiam.

1 Atriviba 5:4

Ezɨ datɨrɨghɨn, Ikiavɨra Itir God, nan God, kantrin igharazibagh amizɨma, me e ko deraghavɨram apia. Kantrin kaba datɨrɨghɨn uam en apanim gamir puvatɨzɨ, arazir kuratam e batozir puvatɨ.

2 Eghaghaniba 14:6

Egha Atrivim Asa kamaghɨn Judabav gei, “E uan nguibar ekiataba avɨnsɨ, dɨvazir mɨtiar ekiar gavgavitabar ingarigham. Egh mɨdorozir gumaziba tuiv ikɨ apanibar gansɨ, tauan ruaritaba, dɨvazir gavgavir kabagh isɨn dar ingarigham. E uaghan tiar akar gavgavibar ingarigh, ainɨn iguguniba kunigham. E Ikiavɨra Itir God, en Godɨn ifongiamɨn gɨntɨghasa gavgafi, kamaghɨn amizɨ e bar deravɨra uan kantrin iti. Ezɨ Ikiavɨra Itir God deravɨra en kantrin garima, osɨmtɨzitam e batozir puvatɨ.” Egha Atrivim Asa ingangarir gumazir maba amangizɨ, me ghua Judan nguibar ekiar mabar, dɨvazir mɨtiar bar gavgavibar da avɨni. Me ingangarir kam gamir dughiamɨn, Ikiavɨra Itir God me mɨsoghasa apanibar amamangatɨzir puvatɨ, kamaghɨn amizɨ, mɨdorozir tam otozir puvatɨ. Ezɨ ingangarir Judaba amir kaba, bar deravɨram oto.

Onger Akaba 18:1

O Ikiavɨra Itir God, nɨ gavgavim na ganɨdi, ezɨ kɨ nɨ bagha bar ifonge.

Josua 23:1

Azenir avɨriba zuima, Ikiavɨra Itir God dughiar aghuim isava Israelia ganɨngizɨ, me avughsa deragha ikiava, uan apaniba ko mɨsozir puvatɨ. Ezɨ bar gɨn Josua ghua bar ghuri.

Josua 21:44

Egha Ikiavɨra Itir God, uan akar dɨkɨrɨzim gɨnɨghnɨgha Israelian akurazɨ, me uan apanibav sogha bar me abɨnizɨ, men apanitam me abɨrazir puvatɨ.

Aposel 7:46

Ezɨ Devit Godɨn damazimɨn derazɨ God deravɨram a gami. Egha a kamaghɨn Godɨn azara, ‘Kɨ Jekopɨn God bagh Dɨpenimɨn ingaram, o?’ Ezɨ God ghaze, ‘Puvatɨ.’

2 Samuel 6:23

Ezɨ bizir kam bangɨn, Solɨn guivim Mikal, a borir tam batezir puvatɨgha ikia ghuava areme.

2 Samuel 5:11

Tairɨn nguibar ekiamɨn Atrivim Hiram, a uan gavmanɨn ingangarir gumazir dapaniba Devit bagha me amada. A uaghan Atrivim Devitɨn dɨpenimɨn ingarasa, temer sidaba ko, dɨpenibar ingarir gumaziba ko gumazir dagɨabar ingariba, a me amangi. Ezɨ me Devit bagha atrivir dɨpenimɨn ingari.

1 Eghaghaniba 22:6

Egha Devit uan otarim Solomon mɨkemeghtɨ a Ikiavɨra Itir God, Israelian God bagh Dɨpenimɨn ingarasa, Solomonɨn diazɨ a izi.

1 Eghaghaniba 22:7

Egha David kamaghɨn Solomon mɨgei, “Nan otarim, kɨ uabɨ Ikiavɨra Itir God, uan God bagh Dɨpenir tamɨn ingarasa nɨghnɨsi, eghtɨ gumazamiziba Godɨn boroghɨn izɨ an ziam fam.

1 Eghaghaniba 28:2

Ezɨ Atrivim Devit dɨkavigha mɨtɨgha kamaghɨn me mɨgei, “Ia nan aveghbuaba ko nan gumazamiziba, kɨ amir mɨgɨrɨgɨam ia a baragh. Kɨ Ikiavɨra Itir Godɨn Akar Dɨkɨrɨzir Gavgavimɨn Boksiam arɨghasa a bagh Dɨpenir aghuitamɨn ingarasa uan navir averiamɨn pamten nɨghnɨsi. Eghtɨ Boksiar kam kagh avughsɨ, en Godɨn dagarimning arɨzir danganimɨn mɨn ikiam. Kɨ Dɨpenir kamɨn ingarasa nɨghnigha, a bagha biziba bar da akuvagha gɨfa.

2 Eghaghaniba 20:30

Ikiavɨra Itir God bar deraghavɨra Jehosafatɨn kantrin gari, kamaghɨn amizɨ, mɨdorozitam uam otozir puvatɨzɨ, Jehosafat uan gumazamiziba ko avughsi.

Onger Akaba 132:5

Kɨ kamaghɨra deragh dakuan kogh mangɨ, kɨ Ikiavɨra Itir God bagh Dɨpenimɨn ingarsɨ danganitam batoghvɨra gɨvagham. A Jekopɨn God, Godɨn Bar Gavgavir Ekiam Itim.”

Matyu 25:16

A ghuzɨma, gumazir 5,000 kina inizim maghɨra an ingara, 5,000 kinan mam a dagh isɨn uam a ini.