2 Samuel 6:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Me ghua gumazir mamɨn nguazir asɨzimɨn oto, gumazir kamɨn ziam Nakon. Kar me witɨn ovɨzibar iniba kua dar dagheba isir danganim. Danganir kamɨn bulmakauba daghdazima, Akar Dɨkɨrɨzir Gavgavimɨn Boksiam irasava ami. Kamaghɨn amizɨ, Usa uan agharim amadagha Boksiamɨn suira.

2 Samuel 6:6 ပူးပေါင်းရင်းမြစ်များ

1 Eghaghaniba 13:9

Me ghua gumazir mamɨn nguazir asɨzimɨn oto, gumazir kamɨn ziam Kidon. Kar me witɨn ovɨzibar iniba kua dar dagheba isir danganim. Danganir kamɨn bulmakauba daghdazima, Akar Dɨkɨrɨzir Gavgavimɨn Boksiam irasava ami. Kamaghɨn amizɨ, Usa uan agharim amadagha Boksiamɨn suira.

Dɨboboniba 4:15

“Israelia dɨkavigh danganir igharazimɨn mangɨsɨ damutɨ, Aron uan otariba ko Purirpenimɨn aven itir biziba bar da noeghtɨ, Kohatɨn adarazi izɨ bizir kaba ateram. Arazir kamɨn, me bizir bar zuruzibar suighan kogham. Puvatɨghtɨ, me arɨghiregham. Kohatɨn adarasi, God bativamin Purirpenimɨn biziba ateramin ingangarir kam iti.

Jenesis 50:10

Egha me ghua Atatɨn nguibamɨn otifi, Jordanɨn Fanemɨn aruem anadi nakɨn. Kar me witɨn iniba kua dar dagheba isir danganim. Ezɨ Josep aghuimazir arazim gamua azia ghua 7plan dughiaba gɨfa. Dughiar kam, me bar, azirakar dafam gamua pamtemɨn azi.

Dɨboboniba 4:18

“Gua oragh. Livain anabamɨn adarazir tongɨn itir Kohatɨn ikɨzimɨn gumaziba, me nan bizir zuruzir kabar boroghɨn izɨtɨ, gua bar deraghvɨra men gan. Bar guizbangɨra, Kohatɨn ikɨzimɨn adarazi arazir kuratam damightɨ, kɨ me mɨsueghtɨ me arɨmɨghiregham. Kamaghɨn, Aron uan otariba ko, men ikɨzim faragh Purirpenimɨn aven mangɨ, bizir me damuamiba deraghvɨra vaghvagh men akakagh, me ateramin bizibar me mɨkɨm.