2 Samuel 5:24 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁴ Ia oraghtɨma nɨgɨnim mati, gumaziba temer kabar ghuabagh isɨn daruam. Eghtɨ ia fogh suam, kɨ uabɨ Filistiabav soghsɨ ian faragh mangam. Ia nɨgɨnir kam baraghamin dughiamɨn, ia maghɨra ivemar mangɨ me mɨsogh.”

2 Samuel 5:24 ပူးပေါင်းရင်းမြစ်များ

2 Atriviba 7:6

Bar guizbangɨra, Sirian mɨdorozir gumaziba bar aregha gɨfa. Guaratɨzir kamɨn, Ekiam Sirian mɨdorozir gumazibagh amima, me nɨgɨnir ekiam barasi, mati mɨdorozir gumazir avɨrim uan hoziaba ko karisba ko izi. Egha Sirian mɨdorozir gumaziba ghaze, “Ia gan! Israelian atrivim ti Hitian atrivim ko Isipɨn atrivim givezezɨ, aning uan mɨdorozir gumaziba inigha e mɨsoghasa izi.” Sirian mɨdorozir gumaziba kamaghɨn mɨkemegha, dɨkavigha zuamɨra danganim ategha arav ghue. Me uan averpeniba ko hoziaba, ko donkiba ataghizɨ da iti, egha me are. Me bizitam inigha ghuzir puvatɨ.

Gumazir Dapaniba 4:14

Ezɨ Debora kamaghɨn Barak mɨgei, “Aria, nɨ dɨkavigh, e mangam. Ikiavɨra Itir God nɨn faragh mangam. Datɨrɨghɨn dughiar kamɨn Ikiavɨra Itir God nɨn akuragh, Sisera isɨ nɨn agharim datɨgham.” Ezɨ Barak zuamɨra 10,000plan mɨdorozir gumaziba inigha Taborɨn Mɨghsɨam ategha uaghiri.

Gumazir Dapaniba 7:15

Ezɨ Gideon irebar kamɨn eghaghanim baregha uaghan an mɨngarim baregha, maghɨra itevimning apɨrigha Ikiavɨra Itir Godɨn ziam fe. Egha uamategha Israelian averpeniba iti naghɨn ghugha kamaghɨn Israelian dei, “Ia dɨkav! E mangam! Ikiavɨra Itir God datɨrɨghɨn en akuraghtɨma, e mɨdorozimɨn Midiania dɨkabɨragham.”

1 Eghaghaniba 14:15

Ia oraghtɨma nɨgɨnim otogham, mati gumaziba temer kabar ghuabagh isɨn daruam. Eghtɨ ia fogh suam, kɨ uabɨ Filistiabav soghsɨ ian faragh mangam. Ia nɨgɨnir kam baraghamin dughiamɨn, ia maghɨra ivemar mangɨ me mɨsogh.”

2 Samuel 5:23

Ezɨ Devit kamaghɨn Ikiavɨra Itir Godɨn azara, “Kɨ manmaghɨn damuam?” Ezɨ Ikiavɨra Itir God kamaghɨn a ikaragha ghaze, “Ia me mɨsoghsɨ mangɨva, men guabar moghɨn mangan markɨ. Ia modogh men gɨrakɨrangɨn moghɨn mangɨ, egh temer balsamba tuivighav iti naghɨn, mɨsoghsɨvɨra gan ikɨ.