2 Samuel 4:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ezɨ Devit kamaghɨn aningɨn akam ikaragha ghaze, “Ikiavɨra Itir God zurara ikia, an arazir kurar kamaghɨn garibar aven ua na ini. Ezɨ an ziamɨn kɨ kamaghɨn guizbangɨra gua mɨkɨmam.

2 Samuel 4:9 ပူးပေါင်းရင်းမြစ်များ

Onger Akaba 107:2

Ia, Ikiavɨra Itir God ua inizir gumazamiziba, ia bar a mɨnabɨ. Guizbangɨra, a ian akuragha en apanibar dafariba da ia inis.

Onger Akaba 34:17

Ikiavɨra Itir Godɨn damazimɨn derazir gumazamiziba, me Godɨn deima a me barasi. A men akurvazima osɨmtɨziba me abɨrir puvatɨ.

1 Atriviba 1:29

Ezɨ atrivim a ko akam akɨra ghaze, “Ikiavɨra Itir God zurara ikia, egha nan akuragha nan osɨmtɨzir guar avɨribar aven ua na ini.

Jenesis 48:16

Egha nɨ enselɨn mamɨn mɨn na bato, egha kɨ ikuvasava amima, nɨ nan akura. Ezɨ kɨ datɨrɨghɨn nɨn azai, nɨ deravɨra borir kamning damu. Egh nɨ aningɨn ovavir boribar amutɨ, me nguazir kamɨn bar avɨrasemegham. Eghtɨ aning bangɨn, gumazamiziba nan ziam ko, Abraham ko Aisakɨn ziamning sara okɨnɨghnɨghan kogham.”

Onger Akaba 103:4

A nan akuragha ua na inizɨ, kɨ ovengezir puvatɨ. A bar na gifongegha nan apangkufi.

Onger Akaba 71:23

Kɨ ighiam bangɨ bar akongegh dɨmam. Kɨ nɨn ighiaba bangɨ, egh uan akamra da bangan kogham. Puvatɨ. Nɨ ua na inizir bizir kam bagh, kɨ uan navim ko, nɨghnɨzim sara nɨn ighiaba bangam.

Onger Akaba 34:22

Ikiavɨra Itir Godɨn ingangarir gumazamiziba, a ua me iniam. Egh gumazamizir a bagha ghua an aven modiba, a deragh men gantɨ, me ovengan kogham.

Onger Akaba 106:10

A gumazamizir kabar apanibar dafaribar ua me ini. A men akuragha men apanibar gavgavim dɨkabɨra, ezɨ me me gasɨghasɨghizir puvatɨ.

2 Samuel 4:2

Ezɨ Isbosetɨn mɨdorozir gumazir pumuning, aning mɨdorozir gumazibar dapanimɨn ikia ghua apaniba ko mɨsosi. Aningɨn ziamning, Bana ko Rekap, aning Rimonɨn otarimning. Rimon, a Berotɨn nguibar ekiamɨn gumazir mam. Gumazamiziba Benjaminɨn adarazi bagha Berotɨn nguibar ekiam ginaba, kamaghɨn amizɨ, gumazir kamning aning Benjaminɨn anabamɨn adarazir aven iti.

Onger Akaba 69:18

Nɨ nan boroghɨn izɨ egh nan akuragh. Nɨ nan apanibar dafaribar ua na inigh.

1 Samuel 26:24

Kɨ kamaghɨn nɨghnɨsi, nɨn angamɨra itir ikɨrɨmɨrim, a bizir bar ekiam. Ezɨ kɨ nɨ ataghizɨ nɨ deraghavɨra iti. Ezɨ datɨrɨghɨn kɨ kamaghsua, Ikiavɨra Itir God kamaghɨra nan angamɨra itir ikɨrɨmɨrim gɨnɨghnɨgh deraghvɨra na damuva, nan osɨmtɨziba agɨvaghtɨ kɨ deraghvɨra ikiam.”