2 Samuel 24:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

^11-12 Ezɨ dughiar kamra, Ikiavɨra Itir God, kamaghɨn Devitɨn akaba inigha izir gumazim Gat, a Devitɨn gɨn otivamin bizibar garir gumazim, a mɨgɨa ghaze, “Nɨ mangɨ Devit mɨkemegh, ‘Kɨ Ikiavɨra God, kɨ guizbangɨra mɨgei, kɨ 3plan tuaviba nɨ ganɨdi. Eghtɨ nɨ dar tam ginabaghtɨ, kɨ anarɨra gɨn mangɨva, a isɨ nɨ danɨngam.’ ” Amɨmzaraghan mɨzaraghara Devit osegha dɨkavigha gɨvazɨ,

2 Samuel 24:11 ပူးပေါင်းရင်းမြစ်များ

1 Samuel 22:5

Ezɨ Godɨn akam inigha izir gumazir mam, an ziam Gat, a iza kamaghɨn Devit mɨgei, “Nɨ ua danganir kamɨn ikian markɨ. Nɨ datɨrɨghɨra dɨkavigh Judan anabamɨn nguazimɨn mangɨ.” Ezɨ Devit danganir kam ategha, Judan nguazimɨn ghua an ruarir ekiar me kamaghɨn dɨborim Heretɨn ghugha an iti.

1 Samuel 9:9

(Fomɨra, Godɨn akam inigha izir gumaziba, Israelia kamaghɨn me dɨbori, “Kukunir gumaziba.” Eghtɨ gumazitaba bizitam bagh Godɨn azangsɨghsɨ, kamaghɨn mɨkɨm suam, “E kukunir gumazimɨn ganasa.” Kamaghɨn amizɨ, Sol kukunir gumazim bagha azai.)

1 Eghaghaniba 29:29

Atrivim Devit uan igiamɨn atrivimɨn ikia ghua ghurigha aremezɨ dughiamɨn amizɨ bizibar eghaghaniba, da akɨnafarir mabar iti. Akɨnafarir kaba, me kamaghɨn dar bori, Godɨn Akam Inigha Izir Gumazim Samuelɨn Eghaghaniba, ko Godɨn Akam Inigha Izir Gumazim Natanɨn Eghaghaniba, ko Godɨn Akam Inigha Izir Gumazim Gatɨn Eghaghaniba.

1 Eghaghaniba 2:19

Ezɨ Asuba aremezɨ, Kalep Efrata inigha an itima, an otarir mam bate, an ziam Hur.

1 Eghaghaniba 21:9

Ezɨ Gat, a gumazir Devit bagha Godɨn akam inigha izim, Ikiavɨra Itir God kamaghɨn a mɨgɨa ghaze, “Nɨ mangɨ Devit mɨkemegh, ‘Kɨ Ikiavɨra Itir God, kɨ guizbangɨra mɨgei, kɨ 3plan tuaviba nɨ ganɨdi. Eghtɨ nɨ dar tam ginabaghtɨ, kɨ anarɨra gɨn mangɨva, a isɨ nɨ danɨngam.’ ”

1 Eghaghaniba 25:5

Heman, a Godɨn akam isɨ atrivimɨn mɨkɨmamin ingangarim iti. God faragha ziar ekiam isɨ Heman danɨngasa akam akɨri. Kamaghɨn amizɨ, an otarir 14pla ko guivir 3pla a ganɨngi.

2 Eghaghaniba 29:25

Atrivim Hesekia, Ikiavɨra Itir God fomɨra uan akam inigha izir gumazimning, Gat ko, Natan ko, Atrivim Devit ganɨngizir Akar Gavgavimɨn gɨntɨgha, Livaibav kemezɨ, me gitaba ko, tambarinba ko, buaba inigha ghua, Ikiavɨra Itir Godɨn Dɨpenimɨn aven tuivighav iti.

2 Samuel 12:1

Egha Ikiavɨra Itir God, Devit bagha uan akam inigha izir gumazim Natan amada. Ezɨ Natan iza a batogha kamaghɨn Devit geghari, “Dughiar mam gumazir pumuning nguibar ekiar mamɨn iti. Aningɨn mav bizir avɨriba iti, ezɨ mav onganarazibagh amua bizir avɨriba puvatɨ.