2 Samuel 23:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Gumazir arazir kurabagh amiba, me mati benir dɨkonir ataghatariba, gumaziba da makuri. Eghtɨ gumazamiziba uan dafaribar dar suighan kogham.

2 Samuel 23:6 ပူးပေါင်းရင်းမြစ်များ

Esekiel 2:6

“Ezɨ nguazir kamɨn gumazim, nɨ men mɨgɨrɨgɨar me nɨ gamibar atiatingan markɨ. Me nɨn akaba dɨkabɨragh nɨ abɨnam, mati nɨ benir ataghataribar torimɨn iti moghɨn ikiam. Egh uaghan mati nɨ tuighakabagh isɨn aperaghav iti. Eghtɨ nɨ gavgafigh. Me akaba batozir adarasi. Kamaghɨn amizɨ, nɨ men akabar atiatingan markɨ.

Aisaia 33:12

Egh ia mati me gumazibar aghariba tuezɨ, da arinimɨn otozɨ moghɨn, ia otivigham. Egha mati me benir ataghatarim tuazɨma an averenimɨn otozɨ moghɨn, ia otivigham.

Solomon 2:2

Kɨ garima, nan dughorir amizim, an amizir igiar igharazibar tongɨn ikia mati akɨmarir dirim dɨkoniba itir ikarɨzibar tongɨn iti.

2 Samuel 20:1

Dughiar kamɨn gumazir kurar mam iti, an ziam Seba. A Bikrin otarim, a Benjaminɨn anabamɨn gumazir mam. Egha Seba sɨgham givia dɨa ghaze, “Devit markɨ, e an anabamɨn gumazamiziba puvatɨ. E Jesin otarimɨn adarazi puvatɨ, e an gɨn mangan kogham. Aria, e Israelian gumazamiziba uamategh uan nguibabar mangam.”

1 Samuel 2:12

Elin otarimning, Hopni ko Finias, aning gumazir bar kuramning. Aning ofa gamir gumazimning, egha aning ghaze, Ikiavɨra Itir God a pura bizim, egha aning arazir kurar guar avɨrir igharagha garibagh ami.

Jenesis 3:18

Eghtɨ benir ataghatariba ko benir kuraba otiv, nɨn azenimɨn aghung anevaragham. Egh nɨ dagheba inisɨ, ingangarir ekiabar amutɨ, doriba nɨn agham. Egh nɨ zurara kamaghɨra puvɨra ingar mangɨ, ovegh uamategh nguazimɨn mangam. Guizbangɨra, kɨ nguazimɨn nɨn ingari, ezɨ nɨ uamategh nguazimɨn mangam.”

Matyu 13:41

Gumazamizibar Otarim uan enselba amadaghtɨ, me God Bizibagh Ativamin Dughiamɨn aven itir gumazamiziba, men tongɨn itir gumazir arazir kurabagh amiba ko gumazir nɨghnɨzir gavgavibagh asɨghasɨziba, enselba bar me batuegham.

Aisaia 27:4

Kɨ datɨrɨghɨn uan wainɨn azenir kamɨn atarir puvatɨ. Egh kɨ gantɨ, ogher ataghatariba itiba ko, ogher kurataba a bativightɨ, kɨ, mati mɨdorozir gumazim uan apanibav sozi moghɨn, kɨ dagh asɨghasɨgham. Kɨ avim daborogh, ogher kaba bar dar aboroghtɨ da isigham.

Nahum 1:10

Ia mati gumazim dɨpar onganim amegha bar ongani, eghtɨ a bar ia agɨvagham, mati avim benir dɨkoniba ko, grazir bar mɨsɨngizibar isi.

1 Samuel 25:17

Nɨ deraghvɨra fogh, Devit uan gumaziba ko izɨ, en gumazir ekiam ko an gumazamizir a ko itibagh asɨghasɨghasa nɨghnɨsi. Kamaghɨn amizɨ, e nɨ bagha izi. E nɨn azai, nɨ deraghvɨra nɨghnɨgh, nɨ manmaghɨn osɨmtɨzir kam akɨram? E bar Nabal gɨfo, a gumazir bar kuram, a ifaghata, akaba barazir puvatɨzir gumazim.”

Maika 7:4

Ezɨ gumazir igharaziba ghaze me deragha arazir aghuibagh ami, ezɨ God men gari, me ikuvigha mati grazir ataghatariba ko, benir dɨkoniba itiba. Dughiam otogha gɨfa, ezɨ God uan gumazamizibagh asɨghasɨghasa, mati an akam inigha izir gumazim mɨkemezɨ mokɨn. God kamaghɨn damutɨ, an gumazamiziba okam nɨghnɨgh onganigh tintinibar nɨghnɨgham.