2 Samuel 23:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ A kamaghɨn amua mati, aruem mɨzaraghara ghuariaba puvatɨzir overiamɨn anaga isira, mati amozir avɨrim grazibagh izezɨma, aruemɨn angazangarim dagh isirazɨ da taghtasi.”

2 Samuel 23:4 ပူးပေါင်းရင်းမြစ်များ

Gumazir Dapaniba 5:31

O Ikiavɨra Itir God, kamaghɨra nɨn apaniba mar oveng. Eghtɨ nɨn namakaba mar angazangarimɨn mɨn isiragh, mati aruer angazangarim otogha pamten nguazim gisira. Ezɨ dughiar kamɨn gɨn, Israelian nguazim 40plan azenibar mɨdoroziba puvatɨgha avughse.

Onger Akaba 72:6

Nɨ atrivim damightɨ a gumazir aghuimɨn mɨn ikɨtɨ, an arazir aghuiba, amozim azenibagh izi, dagheba dar aghui moghɨn ikiam.

Hosea 6:5

Kamaghɨn amizɨ, kɨ uan akam akunasa, akam inigha izir gumaziba amangi. Eghtɨ me akam ia mɨkɨntɨ, akar kaba ian arazir kuraba tuisɨgh osɨmtɨzir ekiam ia danɨngam. Bizir ia damuasa kɨ ifongezim, ia a baregha a gɨfogha gɨfa. Bizir kam, azenimra ikia kamaghɨn iti:

Onger Akaba 89:36

An ovavir boriba ikɨ mamaghɨra ikiam. An adarazi gumazamizibagh ativagh men ganam, mati aruem isiragha mamaghɨra iti.

Jon Osirizir Akar Aghuim 1:7

An akam akunasa ize. An angazangarir kamɨn akamɨn gun mɨkɨmtɨma, gumazamiziba bar moghɨra a baraghɨva nɨghnɨzir gavgavim an ikiam. A ingangarir kam damuasa ize.

Malakai 4:2

Eghtɨ dughiar kamɨn, ia gumazamizir nan ziam fa nan atiatia nan apengan itiba, ia bagh amɨnim tiraghtɨ, aruem anang ia gisiragh, ian arazir aghuiba akakagham. Mati aruem ia gisiragha gara fefem ian mɨkarzibagh anɨdi moghɨn, a ia damutɨ ian arɨmariaba gɨvaghtɨ ia ghuamaghegham. Egh ia mati bulmakaun nguziba bar akuegha uari akura dɨvazim ategha ivemara azenan zui moghɨn, ia bar akuegh mangɨ.

Maika 5:7

Eghtɨ Jekopɨn ovavir boribar ikiavɨra itir varazira, me kantrin igharazir avɨribar gumazamizibar tongɨn ikɨ, men akurvaghamin gumazibar mɨn ikiam. Mati dɨmagaribar grazibagh irir ghuariaba, ko, temebagh izir amoziba, Ikiavɨra Itir God da amadagha dagh amizɨ, da deraghavɨram otifi. Bizir kaba me Godɨn gavgavimra dar amuam, men gavgaviba puvatɨ.

Hosea 6:3

E Ikiavɨra Itir God gɨfoghsɨ, bar puvɨra ingaram. E fo, mɨzarazibar, aruem zuraram anadi. E fo, aruem garir dughiaba gɨvaghtɨ, amozir dughiabar, amoziba nguazim giri. Kamaghɨra, e fo, Ikiavɨra Itir God izɨva deravɨra e damuam.”

Aisaia 60:3

Eghtɨ Kantrin Igharazibar Gumazamiziba nɨn angazangarir kamɨn ganigh, nɨ bagh izam. Eghtɨ atriviba uaghan nɨn angazangarir ekiar kamɨn ganigh, dɨkavigh nɨ bagh izam.

Aisaia 60:1

Ikiavɨra Itir God kamaghɨn mɨgɨa ghaze, “O Jerusalem, kɨ Ikiavɨra Itir God, nan gavgavir ekiam otogha angazangarimɨn mɨn nɨ gisira. Nan ziar ekiam otogha, mati amɨnim tirazɨ aruem anadi. Kamaghɨn amizɨ, nɨ dɨkavigh aruemɨn mɨn isiragh.

Aisaia 4:2

Dughiatam gɨn otoghtɨ, Ikiavɨra Itir God Ter Aguam damightɨ, a ua ghuzir igiam otogham. Eghtɨ a nguazim damutɨ dagher aghuiba otivam. Eghtɨ Israelian ikiavɨra itir varazira, me bizir kabar gantɨ, da bar deraghtɨ, me bar akuegham.

Aghuzir Akaba 4:18

Gumazir kurabar tuavim mɨtarmer bar ekiamɨn mɨn iti. Gumazir kaba tuavir kamɨn ghua irava fozir puvatɨ, bizir manam men dagaribav tifi. Ezɨ gumazir aghuibar tuavim mati aruem anaga isiragha, angazangarim bar ekevegha ghua aruer arɨzimɨn tu.

Onger Akaba 110:3

Nɨ uan apanibav soghamin dughiam, nɨn gumazamiziba uaghan nɨ ko mangɨ nɨn akurvagham, egh ia Godɨn mɨghsɨamɨn ghuavanangam. E gari ghuariabar amariba dɨmagaribar ira azenibagh iri da aghua dagher avɨriba iti. Kamaghɨra, nɨ dughiabar zurara gavgavim ini mamaghɨra ikɨ, egh gumazir igiamɨn mɨn otogham.

Godɨn Araziba 32:2

O Israelia, kɨ kamaghsua, kɨ uan akamɨn ian sure damuam. Mati, amozim deraghavɨra ira grazibagh izima, da otifi. Egha mati mɨzarazimɨn ghuariam ira daghebagh amima, da otiva aghua gavgafi.

Aisaia 18:4

Ikiavɨra Itir God kamaghɨn na mɨkeme, “Kɨ uan Nguibamɨn ikiava, gumazamizibar arazibar gara, puram aghumra ikia men gari. Egha kɨ me gasɨghasɨghasa navim dɨkavir puvatɨ. Kɨ me mɨzua pura nɨmɨra iti, mati aruem nguazim gisirazɨma, an fefem ghuavanadi. Egha kɨ mati dagheba iniamin dughiam roghɨra izima, ghuariaba dɨmagaribar iza azenibagh iri moghɨn, kɨ nɨmɨra ikia me mɨzuavɨra iti.”