2 Samuel 23:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Israelia en God, a mati dagɨar ekiar e modim, a kamaghɨn na mɨgei, “Atrivim Godɨn apengan ikɨva, guizɨn araziba ko Godɨn atiatim sara gumazamizibagh eghuv men gan.

2 Samuel 23:3 ပူးပေါင်းရင်းမြစ်များ

2 Samuel 22:32

Ikiavɨra Itir God, a bar uabɨra guizbangɨra God. A bar uabɨra dagɨar ekiamɨn mɨn ikia e apasa.

Godɨn Araziba 32:4

En God zurara kamaghɨra iti. A zurara guizɨn arazibaram ami. A mati dagɨar ekiar mamɨn mɨn gavgavigha kamaghɨra iti. A zurara uan akamɨn gɨn ghua egha ifarir puvatɨ. Ezɨ an araziba bar deragha egha voroghɨra iti. A guizɨn arazimɨn gɨn ghua biziba tuisɨgha egha ifarir puvatɨ.

Ua Me Ini 18:21

Egh nɨ uaghan fofozir gumazir aghuitaba mɨseveghtɨ, me gumazamizibar dapanibar ikiam. Eghtɨ tarazi 1,000plan gumazamizibar gantɨma, tarazi 100plan gumazamizibar gantɨma, tarazi 50plan gantɨma, tarazi 10plan ganam. Gumazir kaba uari abɨnigh guizbangɨra Godɨn atiatingɨva an apengan ikɨ, egh gumazir e nɨghnɨzir gavgavim men itibar, mɨn ikɨ. Gumazamiziba dagɨaba me danɨng, me gekutɨ, me arazir kurabar amuan kogham.

Hibru 1:8

Egha Otarim gɨnɨghnɨgha kamaghɨn mɨgei: “Nɨn atrivir dabirabir God nɨ ganɨngizim, a zurara ikɨ mamaghɨra ikiam. Eghtɨ nɨ guizɨn arazimɨn uan gumazamizibagh ativagh men ganam.

Sekaraia 9:9

Ia Saionɨn nguibar ekiamɨn itir gumazamiziba, ia bar akongegh! Ia Jerusalemɨn itir gumazamiziba, ia bar tiariba akar pamtemɨn dɨm. Ia gan, ian atrivim mara ia bagha izi! A ziar ekiam ikiava mɨdorozim gamuava uan apaniba abɨri. Egha a uabɨ uan ziam fer puvatɨ. A gumazir kɨnir ziaba puvatɨzir mamɨn mɨn donkin mam gaperagha izi. Kar donkin amebamɨn nguzir asem.

Onger Akaba 72:2

Eghtɨ a nɨn gumazamiziba ko gumazir onganarazibagh amiba, an arazir aghuimra me gativagh, guizɨn arazimɨn gɨn mangɨ men araziba tuisɨgham.

Onger Akaba 42:9

God, a dagɨar ekiamɨn mɨn gavgavim na ganɨdi, ezɨ kɨ kamaghɨn a mɨgei, “Nɨ manmaghsua na gɨnɨghnɨzir puvatɨ? Nɨ manmaghsua nan apaniba ataghizɨ me na abɨrazɨ, nan navir averiam bar na baseme?”

Jenesis 33:20

Egha Jekop ofa gamir dakozir mam danganir kamɨn an ingarigha, ofa gamir dakozir kam dɨbora ghaze, “El, a Israelɨn God.”

Jeremaia 23:5

“Kɨ Ikiavɨra Itir God, kɨ kamaghɨn mɨgɨa ghaze, Dughiam izɨtɨ, kɨ Atrivim Devitɨn adarazir tongɨn, gumazir aghui tam amɨsevegham. Eghtɨ a Temer Ghuzir Igiam temer dakamɨn otogha aghui moghɨn ikiam. Gumazir kam atrivimɨn ikɨ, nɨghnɨzir aghuim ikɨ, ingangarim damuam. Egh guizɨn arazimɨn gɨn mangɨ nguazir kamɨn gumazamiziba arazir aghuibar me damuam.

Aisaia 32:1

Ia oragh! Atrivitam otivam! Atrivir kam, arazir aghuimɨn gɨn mangɨ, kantrin kam gativagham. Eghtɨ kantrin gumazir dapaniba, me guizɨn arazimɨn gɨn mangɨ, gumazamizibagh ativagh men ganam.

Aghuzir Akaba 31:9

Egh nɨ uabɨ kotiam baragh, arazir aghuimra damu. Egh onganarazibagh amir gumazamiziba ko biziba puvatɨzir gumazamizibar akurvagh.

Onger Akaba 110:2

Ikiavɨra Itir God nɨ damightɨ, nɨ Saionɨn nguibamɨn ikɨ gavgavir ekiam ikɨ nguibar avɨribagh ativagh dar ganam. God ghaze, nɨ uan apanibagh ativagham.

Nehemia 5:14

Kɨ 12plan azenibar Judan gavmanɨn faragha zuir gumazir dapanimɨn iti. Ezɨ dughiar kamɨn, Atrivim Artaserksis 20plan azenibar atrivimɨn ikia ghua, 32plan azenibar oto. Ezɨ azenir kabar kɨ uan adarazi ko e dagɨar atrivim daghebagh ivezasa anɨngiziba inizir puvatɨ.

Ua Me Ini 20:2

Kɨ uabɨ, kɨ Ikiavɨra Itir God, ian God. Kɨrara Isipɨn kantrin ia inigha ian akua azenan ize. Kar danganir ia ingangarir gumazamizir kɨnibar ikezim.

Ua Me Ini 3:15

Egha God ua kamaghɨn Moses mɨgei, “Nɨ kamaghɨn Israelian gumazamizibav kɨm, ‘Ikiavɨra Itir God, a ian inazir afeziabar God, an Abraham ko Aisak ko Jekopɨn God, a na amadazɨ, kɨ ia bagha izi.’ Ziar kam, Ikiavɨra Itir God, a zurazurara nan ziam, ezɨ gɨn otivamin boriba ziar kamra na dɨpon.

1 Atriviba 10:9

Kɨ Ikiavɨra Itir God, nɨn Godɨn ziam fe. A navir aghuim nɨn ikia nɨ gamizɨ, nɨ Israelian atrivimɨn iti. A bar Israelia ia gifongegha, an ifongiar kam ian ikiavɨra iti. Nɨ guizɨn arazim ko arazir aghuimɨn deraghvɨra Israelian gan me geghuvam. A kamaghsua nɨ gamizɨ, nɨ atrivimɨn oto.”

Jopɨn Akɨnafarim 34:17

Nɨ manmaghɨn nɨghnɨsi, Godɨn Gavgavim Itim, a ti deravɨra nguazir kamɨn gumazamizibagh ativagh men ganan kogham o? Ezɨ manmaghsua, nɨ akam arazir aghuibagh amir God gasa ghaze, a ti arazir kuram gamigha guizɨn arazimɨn gɨn mangan aghua?

Onger Akaba 72:1

O God, nɨ uan arazir aghuiba deravɨra atrivim geghan. Eghtɨ a kotɨn aven deragh gumazamiziba tuisɨgham. Nɨn kotiar araziba, da bar guizbangɨra zui, egh nɨ atrivir kamɨn akuraghtɨ an kotiar araziba guizbangɨra mangɨ.

2 Samuel 8:15

Devit Israelia bar me gativagha, guizɨn arazibar deraghavɨra uan gumazamizibagh ami.