2 Samuel 23:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Kar Devitɨn akar abuananaba: Kɨ Jesin otarim Devit, kar kɨ mɨgeir mɨgɨrɨgɨaba. Kɨ gumazir, Jekopɨn God atrivimɨn ikiasa na mɨsevezim. God gumazamizibar damazimɨn ziar ekiam na ganɨngi. Ezɨ kɨ ighiar aghuir avɨriba osirigha Israelia ganɨngi, ezɨ me bar dagh ifuegha da bange.

2 Samuel 23:1 ပူးပေါင်းရင်းမြစ်များ

Onger Akaba 89:20

Kɨ uan ingangarir gumazim Devit, an apigha anemɨsevegha uan borem a ginge. A ian atrivimɨn ikiam.

Kolosi 3:16

Egh Kraisɨn akam ian navir averiabar ikɨ gavgafigh. Eghtɨ ia vaghvagh nɨghnɨzir aghuiba ko fofozibar gɨn mangɨva uarira uarir sure damuva akurvazir akam uari danɨng. Egh Onger Akabar Akɨnafarimɨn aven ighiabar amuva, Iesusɨn ziam fer ighiabar amuva, Godɨn Duam ian navir averiabagh atɨzir ighiabar amu. Dughiar ia ighiabar amuamim, ia uan navir averiabar God mɨnabɨ.

Luk Osirizir Akar Aghuim 24:44

Egha a kamaghɨn me mɨgei, “Fomɨra Moses Osirizir Araziba, ko Godɨn akam inigha izir gumazibar osiziriba, ko Onger Akabar Akɨnafarim, da nan gun mɨkemezir biziba, da bar moghɨra guizɨn otivam. Kar bizir kɨ ia ko ikia ia mɨkemeziba.”

Amos 6:5

Ia Devit ami moghɨn, ighiar igiaba osira, da bangasa gitabav sosi.

Onger Akaba 72:20

Kar Jesin otarim Devit, an azangsɨziba kamaghɨra tu.

Onger Akaba 2:6

“Kɨ uabɨ gumazir atrivimɨn ikiamin kam amɨsevegha gɨfa. Kɨ uabɨ a isa Saionɨn Mɨghsɨar ua bagha inabazimra anefazɨ, an aperaghav iti.”

1 Eghaghaniba 16:9

E Ikiavɨra Itir God bagh ighiaba bangɨ egh an ziam fam. Egh bizir aghuir an amizibar gun mɨkɨmam.

1 Eghaghaniba 16:7

Aruer kam, a faragha zuir dughiar Devit Ikiavɨra Itir God mɨnabaghamin onger akabar amuamin ingangarim isa Asap ko an adarazigh anɨngizim.

1 Samuel 2:10

“Ikiavɨra Itir God uan apaniba bar me gasɨghasigham. A uan Nguibamɨn ikia arariba dagarvazi moghɨn a me dagarvasi. Ikiavɨra Itir God nguazimɨn mɨkebaba bar dar itir gumazamiziba, a bar me akuvagh kotiamɨn men araziba tuisɨgham. Egh a gavgavim isɨ uan atrivir a inabazim danigham, eghtɨ gumazamiziba bar, men tongɨn, atrivir kam ziar ekiam iniam.”

Jems 5:13

Ezɨ ian tav ti osɨmtɨzim ateri? Kamaghɨn a God ko mɨkɨm. Ezɨ ian tav ti bar akonge? An Ekiamɨn ziam fer ighiabar amu.

Luk Osirizir Akar Aghuim 20:42

Ezɨ Devit uabɨ Onger Akabar Akɨnafarimɨn aven kamaghɨn mɨkeme: “ ‘Ekiam, nan Ekiam mɨgɨa ghaze, “Nɨ nan agharir guvimɨn daperagh ikɨ mangɨtɨ,

Godɨn Araziba 33:1

Gumazir God baghavɨra itir kam Moses, an ovengamin dughiam roghɨra ize. Ezɨ God deragh Israelia damuasa, a me bagha Godɨn azangsɨsi.

Jenesis 49:1

Egha Jekop uan boribar diazɨ, me izima, a kamaghɨn me mɨgei, “Ia nan boroghɨra izɨtɨ, kɨ bizir gɨn ia bativamibar gun ia mɨkɨmam.

1 Samuel 17:12

Devitɨn ikɨzimɨn eghaghanim kamakɨn, Devit a Jesin otarim. Jesi a Efratan nguibar ekiamɨn gumazir mam. A Betlehemɨn nguibar ekiamɨn iti. Betlehem, a Judan anabamɨn nguazimɨn iti. Ezɨ Jesi otarir 8pla iti, ezɨ Sol atrivimɨn itir dughiamɨn, Jesi ghurigha gɨfa.

1 Samuel 18:7

Egha me kamaghɨn ighiam bange: “ ‘Sol 1,000plan apanibav sosi. Ezɨ Devit 10,000plan apanibav sosi.’ ”

2 Samuel 22:34

A nan suemning gamizɨ, kɨ asɨzir atiabar mɨn, mɨghsɨabar pɨn mar deravɨram arui.

2 Samuel 22:51

Kɨ Devit, Ikiavɨra Itir God atrivimɨn ikiasa na ginabagha na mɨsefe. A nan akurvazima, kɨ uan apanibav sogha me abɨri. A zurara nan apangkuva mamaghɨra iti. A nan gɨn otivamin ovavir boriba, a kamaghɨra me damu mangɨvɨra ikiam.

Onger Akaba 89:21

Nan gavgavim zurarama a ko ikɨ, mamaghɨra ikiam. Nan gavgavim zurara a ko ikɨ gavgavighvɨra ikiam.