2 Samuel 22:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ikiavɨra Itir God, mɨgharim an atinimɨn otivaghiri, ezɨ avim an akamɨn otivaghira bizir avɨribar isi. Egha mɨzariaba ira tintinibar zui.

2 Samuel 22:9 ပူးပေါင်းရင်းမြစ်များ

Habakuk 3:5

An arɨmariar igharagha garir avɨriba amadazɨ, da an faragha ghue. Eghtɨ arɨmariar bar ekiar gumazamizibar amutɨ me arɨmɨghiramiba, da an gɨn izam.

Jeremaia 15:14

Egh kɨ ian apanibar amightɨ me ia inightɨ ia pura men ingangarir gumazir kɨnibar ikɨ, nguazir ia fozir puvatɨzimɨn mangam. Nan anɨngagharir ian itim, kɨ a damightɨ an avim mɨn bar puvɨra ian isi ikɨ kamaghɨra ikiam.”

Jeremaia 5:14

Gumazamizir kaba akar kamagh garir mabav keme, kamaghɨn amizɨ, Ikiavɨra Itir Godɨn Gavgaviba Bar Itim, kamaghɨn na mɨgɨa ghaze, “Jeremaia, mɨgɨrɨgɨar kɨ nɨ ganɨdiba nɨ darara Israelia mɨkɨm. Mɨgɨrɨgɨar nɨn aka torimɨn otivamin kaba, da avimɨn mɨn otiv mangɨ. Eghtɨ gumazamizir kaba dazibar mɨn ikɨtɨ, nan akam me girɨ, mati avim men isi moghɨn, bar men isigham.”

Aisaia 30:27

Ia gan! Ikiavɨra Itir God nguibar saghon itimɨn ikia dɨkavigha uan gavgavir ekiam sara izi. A bar puvɨrama atarima, avim ko avir mɨturim an anɨngagharim akakasi. A mɨgeir dughiamɨn, avir biziba bar da isiamim an akatorimɨn otifi.

Onger Akaba 18:15

O Ikiavɨra Itir God, nɨ men atarir adarir kam, mati amɨnir ekiam nɨn atinimɨn otogha me gɨva me munamadi. Nɨn adarir kam ongarim gamizɨ, a bar mɨsɨngi, ezɨ bizir nguazir mɨngarimɨn suiraziba bar azenim gire.

Onger Akaba 18:8

Mɨgharim Ikiavɨra Itir Godɨn atinimɨn otivaghiri, ezɨ avim an akamɨn otivaghira bizir avɨribar isi. Egha mɨzariaba ira tintinibar zui.

Jopɨn Akɨnafarim 4:9

Gumazir arazir kurabagh amiba, God men anɨngagha me gasɨghasɨgha bar me a gefi, mati amɨnir gavgavim ivaima, avim ruarimɨn itir temebar isia bar da gɨfa.

2 Samuel 22:16

O Ikiavɨra Itir God, nɨ men atarir adarir kam, mati amɨnir ekiam nɨn atinimɨn otogha me gɨva me munamadi. Nɨn adarir kam ongarim gamizɨ, a bar mɨsɨngi, ezɨ bizir nguazir mɨngarimɨn suiraziba, bar azenim gire.

2 Samuel 22:13

A ghuariar pɨzibagh amizɨ, an angazangarim bar da avarazɨ, onɨmarim ghuariar pɨzir kam abɨgha azenim giri.

Godɨn Araziba 32:22

Eghtɨ nan anɨngagharim dughiar kamɨn avimɨn mɨn isiva, nguazir kamɨn itir biziba bar adar isigham. Egh avim Gumazamizir Oveaghuezibar Nguibamɨn bar nguazimɨn apengan magɨrɨgh, dagɨar bar ekiar mɨghsɨaba dagh isɨn apiaghav itibar isigham.

Ua Me Ini 19:18

Ezɨ Ikiavɨra Itir God avimɨn aven ikia, egha izaghira Sainain Mɨghsɨamɨn iti, ezɨ mɨgharir ekiam mɨghsɨam bar anevara. Mɨgharir kam ghuavanaga, mati avir ekiamɨn mɨgharim ghuavanadi. Ezɨ mɨkɨmkɨzir ekiam mɨghsɨamɨn oto.

Aisaia 30:33

Me Asirian atrivimɨn kuam tuasa avim arɨghasa mozir mam gɨkuigha gɨfa. Egha me mozir kam gɨtuima a bar vɨn mar iraghugha bar aroke, ezɨ me dazir avɨribar kuegha dar pozim mɨkɨni. Eghtɨ Ikiavɨra Itir God, an anɨngagharim pamtem otogh, mati amɨnim pamtemɨn avim giveraghtɨ, a bar puvɨra isigham.