2 Samuel 22:51 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵¹ Kɨ Devit, Ikiavɨra Itir God atrivimɨn ikiasa na ginabagha na mɨsefe. A nan akurvazima, kɨ uan apanibav sogha me abɨri. A zurara nan apangkuva mamaghɨra iti. A nan gɨn otivamin ovavir boriba, a kamaghɨra me damu mangɨvɨra ikiam.

2 Samuel 22:51 ပူးပေါင်းရင်းမြစ်များ

Onger Akaba 144:10

Nɨ atrivibar akurvazi me mɨsogha uan apaniba abɨri. Kɨ nɨn ingangarir gumazim Devit, nɨ nan akuragha nan apaniba da uam na ini.

Onger Akaba 89:29

Dughiabar zurara an ovavir boribar aven, men gumazitam atrivimɨn ikiam. Atrivir kaba me Israelia gativagh men gan ikɨ mangɨtɨ, overiar kam gɨvagham.

Onger Akaba 89:20

Kɨ uan ingangarir gumazim Devit, an apigha anemɨsevegha uan borem a ginge. A ian atrivimɨn ikiam.

Onger Akaba 18:50

Kɨ Devit, Ikiavɨra Itir God atrivimɨn ikiasa na ginabagha na amɨsefe. A nan akurvazima, kɨ uan apanibav sogha me abɨri. A zurara nan apangkuva mamaghɨra iti. Nan gɨn otivamin ovavir boriba, a kamaghɨra me damu mangɨvɨra ikiam.

Akar Mogomem 11:15

Ezɨ enselɨn namba 7 uan sɨgham givima, Godɨn Nguibamɨn itir darazi tiariba akara ghaze: “En Ekiam ko an Gumazir a Gumazamiziba Ua Me Iniasa Mɨsevezim, aning datɨrɨghɨn nguazir kam gativagha an gari. Egh aning atrivimɨn ikɨ mamaghɨra ikiam.”

Jeremaia 30:9

Kɨ Ikiavɨra Itir God, men God, me nan apengan ikiam. Eghtɨ kɨ me bagh Atrivim Devitɨn ovavir boribar tav amɨseveghtɨ, a me gativagh men ganam. Eghtɨ me an apengan ikiam.”

Onger Akaba 91:2

Gumazir kam Ikiavɨra Godɨn mɨkɨm suam, “Nɨ nan dɨvazir gavgavimɨn mɨn itima, kɨ nɨn aven uabɨ moga deravɨra iti. Nɨ nan God. Kɨ nɨghnɨzir gavgavim nɨrara iti.”

Onger Akaba 89:36

An ovavir boriba ikɨ mamaghɨra ikiam. An adarazi gumazamizibagh ativagh men ganam, mati aruem isiragha mamaghɨra iti.

Onger Akaba 89:26

A kamagh na mɨkɨm suam, Nɨ nan God nan afeziam. Nɨ dagɨamɨn mɨn ikia na moga nan akurvasi.

Onger Akaba 48:3

God nguibar kamɨn ikia, mɨdorozibar dughiabar uan gumazamizibagh eghuva men akurvazima, me deravɨra iti.

Onger Akaba 21:1

O Ikiavɨra Itir God, nɨ gavgavim isa atrivim ganɨngizɨ, a bizir kam bagha bar akonge. Nɨ a gamizɨ, a uan apanibav sogha me abɨra, bizir kam bagha a guizbangɨra bar akonge.

Onger Akaba 3:3

Ezɨ men akar me mɨgeir kam a guizbangɨra puvatɨ. Ikiavɨra Itir God, nɨrara nan mɨdorozir oramɨn mɨn iti, ezɨ kɨ nɨn uabɨ modi. Nɨrara nan akurvazima kɨ uan apaniba abɨri. Nɨ nan osɨmtɨziba agevima, kɨ tugha gavgavighavɨra iti.

2 Samuel 22:2

Ighiar kamɨn mɨgɨrɨgɨaba kamakɨn: Ikiavɨra Itir God, a nan dɨvazir bar gavgavimɨn mɨn iti. A nan dagɨar kɨ an aven uabɨ modimɨn mɨn ikia, nan akuragha nan apaniba da ua na ini. Nan God, a dagɨar ekiamɨn mɨn iti, ezɨ kɨ uan apanibar ara ghua an modi. A nan oramɨn mɨn ikia na avara, ezɨ kɨ an uabɨ modi. A nan akuragh deragh nan ganamin gavgavim iti, egha nan dɨvazir bar gavgavimɨn mɨn iti.

Onger Akaba 89:24

Nan apangkuvim a ko ikɨtɨ, kɨ zurara deraghvɨra a damu, egh dughiatamɨn aneteghan kogham. Kɨ uan gavgavim a danightɨ a bar gavgavigham.

2 Samuel 7:16

Eghtɨ nɨn adarazi gɨvaghan kogham. Kɨ nɨn ikɨzimɨn aven gumazibar amutɨ, me atrivibar otiv mamaghɨra ikiam.”

2 Samuel 23:1

Kar Devitɨn akar abuananaba: Kɨ Jesin otarim Devit, kar kɨ mɨgeir mɨgɨrɨgɨaba. Kɨ gumazir, Jekopɨn God atrivimɨn ikiasa na mɨsevezim. God gumazamizibar damazimɨn ziar ekiam na ganɨngi. Ezɨ kɨ ighiar aghuir avɨriba osirigha Israelia ganɨngi, ezɨ me bar dagh ifuegha da bange.