2 Samuel 22:49 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴⁹ A nan apaniba da ua na ini. Bar guizbangɨra, Ikiavɨra Itir God, nɨ nan apanibar damazibar ziar ekiam na ganɨngi. Nɨ nan akurazɨ, mɨdorozir gumaziba na mɨsoghezɨ kɨ aremezir puvatɨ.

2 Samuel 22:49 ပူးပေါင်းရင်းမြစ်များ

Onger Akaba 140:1

O Ikiavɨra Itir God, nɨ nan akuraghtɨ, gumazir kuraba ko mɨdorozibagh amir gumaziba, na gasɨghasɨghan kogham.

Onger Akaba 140:4

O Ikiavɨra Itir God, nɨ deragh nan gantɨ, gumazir kurabar gavgavim na abɨraghan kogham. Nɨ uan dafarimɨn na avaraghtɨ gumazir mɨsoziba na gasɨghasɨghan kogham.

Onger Akaba 52:1

O gumazir ekiam, nɨ manmaghsua uabɨ fa, arazir kurar nɨ Godɨn gumazamizibagh amiziba bagha bar akonge? Godɨn apangkuvim men ikia mamaghɨra iti.

Onger Akaba 18:48

A nan apaniba da ua na ini. Bar guizbangɨra, Ikiavɨra Itir God, nɨ nan apanibar damazibar ziar ekiam na ganɨngi. Nɨ nan akurazɨ, mɨdorozir gumaziba na mɨsoghezɨ kɨ aremezir puvatɨ.

2 Samuel 5:12

Devit bizir kabar gari, da a bagha izima a kamaghɨn fo, Ikiavɨra Itir God guizbangɨra Israelian atrivimɨn ikiasa a ginaba. A uaghan kamaghɨn fo, Ikiavɨra Itir God uan gumazamiziba bar men akurvaghasa, kamaghɨn amizɨ, a kantri Israel gamima, a bar dera.

1 Samuel 2:8

Nguazir kamɨn suizir bizir gavgaviba da Ikiavɨra Itir Godɨn biziba, a uabɨ bizir kabagh isɨn nguazimɨn ingari. Kamaghɨn amizɨ, gumazamizir onganarazibagh amua nguazir mɨnemeniam gɨpogha a gureba, a me ghufa men akurvasi. A me gamima, me uan kantrin gumazir ekiabar otifi, ezɨ gumazamiziba ziar ekiam me ganɨdi.

Dɨboboniba 24:7

Amozir avɨriba Israelian nguazim gizam. Eghtɨ Israelian gumazamiziba uan dagheba nguazir aghuimɨn da oparam. Israelian atrivim, an gavgavim ko ziar ekiam, Atrivim Agakɨn gavgavim ko ziar ekiam gafiragham. Eghtɨ Israelian atrivim gumazamizir avɨribagh ativagh men ganam.

Onger Akaba 44:5

E nɨn gavgavimɨn amodoghɨn e uan apanibav sogha me abɨra.

2 Samuel 18:31

Ezɨ Itiopian gumazir kam iza kamaghɨn atrivim mɨgei, “Atrivim, nɨ nan gumazir ekiam, kɨ eghaghanir aghuim nɨ danɨngasa izi. Gumazir nɨ ko mɨsoghava nɨ batoziba, datɨrɨghɨn dughiar kamɨn, Ikiavɨra Itir God nɨn akurazɨ, me uam arazir kuratamɨn nɨ damuan kogham.”