2 Samuel 22:44 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴⁴ Nɨ gumazir na gasɨghasɨzibar dafarimɨn uam nan akura. Nɨ na gamizɨ, kɨ Kantrin Igharazibar Gumazamizibar dapanimɨn oto. Gumazamizir kɨ fozir puvatɨziba, nɨ men kantriba na ganɨngizɨ, kɨ dagh ativagha men gari.

2 Samuel 22:44 ပူးပေါင်းရင်းမြစ်များ

Aisaia 55:5

Ia fomɨra kantrin igharazir maba, ia me gɨfozir puvatɨ, ezɨ me uaghan ia gɨfozir puvatɨ. Eghtɨ ia men dɨmam. Kɨ Ikiavɨra Itir God, ian God, kɨ Israelian Godɨn Bar Zuezim, kɨ datɨrɨghɨn ziar ekiam isa ia ganɨngigha gɨfa. Kamaghɨn amizɨ, ia kantrin kabar amightɨ, me zuamɨra ivegh ia bagh izegham.”

2 Samuel 3:1

Dughiar kamɨn gɨn, mɨdorozim dughiar bar ruarimɨn Devit ko Solɨn adarazir tongɨn iti. Devitɨn adarazi bar gavgavigha ghuavanaga Solɨn adarazigh amima, me bar amɨragha uaghiri.

2 Samuel 19:14

Ezɨ Devitɨn akaba, Judan gumazamizibar nɨghnɨzibagh ekuizɨ, me nɨghnɨzir vamɨram amigha kamaghɨn a bagha akam amadagha ghaze, “E ifonge, nɨ uan adarazi ko, ia bar uamategh Jerusalemɨn izɨ.”

2 Samuel 19:9

Israelian gumazamiziba bar, uari adoghodogha marazi ghaze, “Atrivim Devit en akurazɨma, Filistiaba ko apanir igharaziba e gasɨghasɨzir puvatɨ. Egha a datɨrɨghɨn, Apsalomɨn atiatigha arav ghugha en kantri ataki.

Godɨn Araziba 28:13

Egh ia zurara deraghvɨra Ikiavɨra Itir God, ian Godɨn Akar Gavgavir kɨ datɨrɨghɨn ia ganɨdibar gɨn mangɨtɨ, Ikiavɨra Itir God, ia damightɨ, ia ikɨzir igharazibar gumazamiziba gativagh men gantɨ, me ian apengan ikiam, mati ia men dapanimɨn ikɨtɨ, me ian puemɨn ikiam. Egh ia zurara bizir avɨriba ikɨva, bizitamɨn oteveghan kogham, mati ia ikɨzir igharaziba bar dar pɨn iti.

Akar Mogomem 11:15

Ezɨ enselɨn namba 7 uan sɨgham givima, Godɨn Nguibamɨn itir darazi tiariba akara ghaze: “En Ekiam ko an Gumazir a Gumazamiziba Ua Me Iniasa Mɨsevezim, aning datɨrɨghɨn nguazir kam gativagha an gari. Egh aning atrivimɨn ikɨ mamaghɨra ikiam.”

Akɨnafarir Pol Romɨn Nguibar Ekiamɨn Itir Sios Bagha Osirizim 15:12

Ezɨ Aisaia uaghan kamaghɨn mɨkeme: “Atrivir igiam, Jesin ovavir boribar tongɨn otogh, mati temer ghuzir igiam, temer dakar kamɨn oto. God gumazir kam amɨseveghtɨ, an atrivimɨn otogh izɨva Kantrin Igharazibar Gumazamizibar ganam. Egh a me damutɨ, me bizir aghuir a me danɨngamiba bagh mɨzuam ikiam.”

Akɨnafarir Pol Romɨn Nguibar Ekiamɨn Itir Sios Bagha Osirizim 9:25

Ezɨ Hosean akɨnafarimɨn, God kamaghɨn mɨgei: “Gumazamizir fomɨra nan adarazi puvatɨziba, datɨrɨghɨn kɨ me dɨpon suam, ia nan adarasi. Kantrin kɨ fomɨra aghuazir kam, kɨ gɨn me mɨkɨm suam, ia kɨ bar ifongezir darasi.

Hosea 2:23

Egh kɨ uan gumazamiziba nguazir kamɨn me arightɨ, me aghung azenir aghuir kɨ ingarizimɨn mɨn ikiam. Kɨ faragha kamaghɨn uan gumazamizibav gɨa ghaze, ‘Kɨ Ia Gifongezir Puvatɨ.’ Egh gɨn kɨ bar me gifuegham. Kɨ faragha kamaghɨn me mɨgei, ‘Ia Nan Gumazamiziba Puvatɨ.’ Egh gɨn kɨ kamaghɨn me mɨkɨm suam, ‘Ia nan gumazamizibara.’ Eghtɨ me kamaghɨn nan akam ikaragham, ‘Nɨ en God.’ ”

Daniel 7:14

Ezɨ Fomɨra Fomɨra Itir Gumazir Kam uabɨ a gamizɨ an atrivimɨn otozɨ, a gavgavim ko ziar ekiam a ganɨngi. Eghtɨ ana atrivimɨn ikɨtɨ, an gavgavim mamaghɨra ikiam. Eghtɨ an atrivir ingangarim gɨvaghan kogham. Eghtɨ nguibaba bar dar gumazamiziba, ko kantriba bar dar gumazamiziba ko nguibabar akaba bar, me bar an apengan ikɨ a bagh ingaram.

Aisaia 65:1

Ikiavɨra Itir God kamaghɨn mɨgei, “Gumazamizir na bagha azai puvatɨziba, kɨ men dɨmdiaba baragh, men akurvaghasa me mɨzua iti. Gumazamizir na burir puvatɨziba, na bagh izasa kɨ me mɨzua iti. Kɨ fo, me bar nan saghon ikia nan ziamɨn nan dɨman aghua. Ezɨ kɨ kamaghɨn men dɨa ghaze, ‘Kɨrara kagh iti. Kɨ kagh iti.’

Aisaia 60:12

Ezɨ kantrin nɨn apengan ikia nɨn ingangaribar amuan aghuaziba, me bar moghɨra ikuvigh bar gɨvagham.

Onger Akaba 110:6

A nguazimɨn gumazamizibar arazir kuraba ikarvagh, egh mɨdorozir danganibar a gumazir avɨribav soghtɨ me arɨmɨghiram. An atrivir avɨriba ko mɨsogh me abɨnam.

Onger Akaba 18:43

Nɨ gumazir na gasɨghasɨzibar dafarimɨn uam nan akura. Nɨ na gamizɨ, kɨ Kantrin Igharazibar Gumazamizibar dapanimɨn oto. Gumazamizir kɨ fozir puvatɨziba, nɨ men kantriba na ganɨngizɨ, kɨ dagh ativagha dar gari.

Onger Akaba 2:8

Nɨ nan azaraghtɨ kɨ ikɨziba bar nɨ danɨngam. Nɨ nguazir kamɨn itir kantriba bar me gativagh men ganam.

2 Samuel 20:22

Kamaghɨn amizɨ, amizim nguibar ekiamɨn ghua uan nɨghnɨzir aghuim gumazamiziba bar me mɨgei. Ezɨ me an nɨghnɨzimɨn gɨn ghua, Seban fɨrim atugha an dapanim isa dɨvazimɨn azenan, Joap bagh anekuni. Ezɨ Joap sɨgham givima an mɨdorozir gumaziba nguibar ekiam ategha vaghvagha uamategha uan nguibabar zui. Ezɨ Joap Atrivim Devit bagha uamategha Jerusalemɨn ghu.

2 Samuel 5:1

Ezɨ bizir kamɨn gɨn, Israelian anababa vaghvagha dar gumazir dapaniba bar iza Hebronɨn nguibamɨn Devitɨn gara, kamaghɨn a mɨgei, “Nɨ oragh. E bar inivafɨzir vamɨra ko ghuzir vamɨra.

Aisaia 55:4

Ia oragh, kɨ Devit gamizɨ, a gumazir ekiamɨn otogha, Kantrin Igharazibar Gumazamizibagh ativagha men gari. Anarɨra, nan gavgavim isa gumazamizibar aka.