2 Samuel 22:43 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴³ Kɨ bar me gasɨghasɨghizɨ, me mati amɨnim nguazir mɨnemeniam giveragha ghu. Kɨ me dɨkabɨra me abɨni, mati kɨ tuavimɨn nguazir beghneaziba dɨka zui.

2 Samuel 22:43 ပူးပေါင်းရင်းမြစ်များ

Maika 7:10

Apaniba faragha kamaghɨn e mɨgɨa ghaze, “Ikiavɨra Itir God, ian God managh iti?” Egh me gɨn gantɨ Ikiavɨra Itir God en akuraghtɨ, me bar aghumsigham. E gantɨ Ikiavɨra Itir God me dɨkɨtɨ, mati gumazamiziba tuavimɨn beghneazim dɨti moghɨn, a me dɨkabɨnigham.

Aisaia 10:6

Nan gumazamizir kaba na ategha uamategha nguazir kamɨn bizibagh amua, na gamizɨ kɨ bar men anɨngaghe. Kamaghɨn amizɨ, kɨ Asiriaba amadaghtɨ, me mangɨ gumazamizir kɨ anɨngaghavɨra itir kabagh asɨghasɨgh, egh me dɨkɨtɨ me mati gumazim tuavir beghneazim dɨti moghɨn me magɨram. Egh me uan ifongiabar gɨn mangɨ men bizir aghuiba me dama da mɨkegh, da inigh uan kantrin mangam.

2 Atriviba 13:7

Ezɨ Sirian mɨdorozir gumaziba Israelian mɨdorozir gumazir avɨribav soghezɨ me ariaghire. Sirian mɨdorozir gumaziba bar puvɨra me gamua, me dɨkabɨra me gamima me nguazir mɨnemniamɨn mɨn otifi. Kamaghɨn amizɨ, dughiar kamɨn, Joahas mɨdorozir gumazir avɨriba puvatɨ. Israelia datɨrɨghɨn 50plan mɨdorozir gumazir hoziabagh apia mɨsozibara iti. Egha me mɨsoghamin 10plan karisba ikia, egha 10,000plan mɨdorozir gumazir igharaziba iti.

Sekaraia 10:5

Me mɨdorozir gumazir gavgavibar mɨn uari inigh, uan apaniba abɨntɨ, mati mɨdorozir gumaziba nguibar ekiamɨn zuir tuavimɨn uan apaniba, nguazir beghneazibar me dɨkabɨri. Kɨ Ikiavɨra Itir God me ko ikiam. Kamaghɨn amizɨ, me bar pamtemɨn mɨsogh mangɨ, hoziabagh apiazir mɨdorozir gumazibav sogh me abɨnigham.

Luk Osirizir Akar Aghuim 21:24

Eghtɨ mɨdorozir gumaziba mɨsozir sababar tarazigh inivtɨ me arɨghirɨtɨ, me tarazi suighɨva, me amangɨtɨma me nguibar Israelɨn azenan itibar mangam. Eghtɨ Kantrin Igharazibar Gumazamiziba bar pazɨva Jerusalem damu mangɨ dughiar me Jerusalemɨn ganamin dughiam gɨvagham.”

Malakai 4:1

Ikiavɨra Itir Godɨn Gavgaviba Bar Itim ghaze, “Ia deragh oragh. Dughiatam izɨtɨ, gumazamizir akaba batogha uan ziaba fava arazir kurabagh amiba, avir ekiam tuzibar isi moghɨn, otogh bar men isitɨ, me bar gevegham. Eghtɨ temer aguatam, o ter bitam ikian kogham.

Sekaraia 2:6

Ikiavɨra Itir God uan gumazamiziba kamaghɨn me mɨgei, “Ia izɨ! Ia izɨ! Kɨ fomɨra tintinibar ia aghamsɨghizɨ, ia nguazir kamɨn danganiba bar dar ghue. Ezɨ datɨrɨghɨn, ia kalabusɨn itiba, ia Babilonɨn nguibar ekiam ategh arɨ ua Saionɨn izɨ. Ia dɨkavigh zuamɨra izɨ!”

Daniel 2:35

Ezɨ ainba, ko nguazim, ko bras, ko silva, ko gol, da bar bɨaghiregha mati raizɨn mɨseviba, nɨ da isa da makuri. Ezɨ amɨnim dagh ivavamadi, ezɨ mɨnezir taba ua itir puvatɨ. Ezɨ dagɨar marvir guar kam mɨsoghezim, an aghua mɨghsɨar ekiamɨn otoghava nguazir kam bar anevara.

Aisaia 26:15

O Ikiavɨra Itir God, nɨ en kantri gamima, a bar ekefe. Nɨ en kantrin gumazamizibagh amizɨ, men dɨbobonim bar ghuavanabo. Nɨ en nguazimɨn mɨtaghniaba aruegha bar dagh isɨfa. Ezɨ bizir kam bangɨn, nɨn ziar ekiam ghua bar ekefe.

Onger Akaba 35:5

O Ikiavɨra Itir God, amɨnim pipiabagh ivai da mɨgha zui moghɨn, nɨn ensel gumazir kurar kabar agɨntɨgh me batokegh.

Onger Akaba 18:42

Kɨ bar me gasɨghasɨghizɨ, me mati amɨnim nguazir mɨnemeniam giveragha ghu. Kɨ me dɨkabɨra me abɨni, mati kɨ tuavimɨn nguazir beghneaziba dɨka zui.

Godɨn Araziba 32:26

Ikiavɨra Itir God ghaze, nan nɨghnɨzim kamakɨn, kɨ ti me gasɨghasigh bar me kuvaremeghtɨ, gumazamiziba bar me gɨn amadagh ua me gɨnɨghnɨghan kogham.

Aisaia 41:2

Tinara aruem anadi naghɨn atrivim garugha a fezɨ, a kantriba ko mɨsogha ghua egha bar moghɨra me abɨni. Godra kantriba an agharim gatɨgha, a gamima, an atrivir igharaziba abɨri. An mɨdorozir sabam ko pim bar me agefi, ezɨ me mati nguazir mɨneziba ko raizɨn afezibar mɨn otozɨ, amɨnim me gɨva zui.

Aisaia 41:25

“Kɨ aruem anadi naghɨn itir gumazir mam amɨsefe. Gumazir kam ziar ekiam na ganɨdi. Ezɨ kɨ datɨrɨghɨn notɨn amadaghan a inigha izi. Ezɨ a mati, gumazir nguazir mɨnebar ingarim, a mɨnemɨn ingarasa nguazim dɨkabɨri moghɨn, an atriviba dɨkabɨra me abɨri.

2 Samuel 7:9

Nɨ zuir danganiba bar, kɨ nɨ ko iti. Egha kɨ nɨn apaniba abɨrazɨma, nɨ me gasɨghasɨki. Nguazir kamɨn gumazibar ziaba ekevezɨ moghɨn, kɨ nɨn ziam damightɨ a bar ekevegham.