2 Samuel 22:42 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴² Gumazir kaba, uarir akurvaghasa diava arai, ezɨ men akurvaghamin gumaziba puvatɨ. Me Ikiavɨra Itir Godɨn diava arai, ezɨ a men dɨmdiaba barazir puvatɨ.

2 Samuel 22:42 ပူးပေါင်းရင်းမြစ်များ

Aisaia 1:15

“Egh ia uan dafariba fegh na ko mɨkɨmtɨ, kɨ ian ganan kogham. Egh ia dughiar avɨribar na ko mɨkɨmtɨ, kɨ uan kuarimning mɨgorogham. Guizbangɨra, gumazir ia mɨsoghezir ariaghireziba, men ghuziba ian dafaribar pueghavɨra iti.

1 Samuel 28:6

Kamaghɨn amizɨ a Ikiavɨra Itir Godɨn azangsɨsi, “Kɨ bizir tizim damuam?” Ezɨ Ikiavɨra Itir God irebamɨn bizitam an akazir puvatɨ. Egha dagɨar Ikiavɨra Itir Godɨn ifongiam gɨfoghamim ko Ikiavɨra Itir Godɨn akam inigha izir gumazibar akatoribar akatam inizir puvatɨ. Ikiavɨra Itir God an akatam ikarazir puvatɨ. Bar puvatɨ.

Maika 3:4

Eghtɨ dughiatam gɨn izɨtɨ, ia akurvazim bagh Ikiavɨra Itir Godɨn arangtɨ, a ia bareghan kogham. Ia arazir kurabagh ami, kamaghɨn amizɨ, a ian azangsɨziba bareghan kogham, mati a uan guam ian modo.”

Aghuzir Akaba 1:28

“Dughiar kamɨn ia uarir akurvaghsɨ nan dɨmtɨ, kɨ oreghan kogham. Ia na buriva, egh ia nan apighan kogham.

Esekiel 20:3

“O nguazir kamɨn gumazim, nɨ nan akamɨn gun gumazir dapanir kabav kɨm suam, kɨ Ikiavɨra Itir Godɨn Ekiam kamaghɨn ia mɨgei. Ia manmaghsua nan ifongiam gɨfofoghasa nan azangsɨghasa izi? Kɨ Ikiavɨra Itir Godɨn Ekiam, kɨ zurara angamɨra ikia mamaghɨra iti, kɨ uan ziamɨn bar guizbangɨra ia mɨgei, ia pura ize. Kɨ bizitamɨn ian azangsɨzitam ikaraghan kogham. Bar puvatɨgham.

Jopɨn Akɨnafarim 27:9

Osɨmtɨzim me bativamin dughiamɨn, me uarir akurvaghsɨ Godɨn dɨmtɨ a me baragham, o? Bar puvatɨgham.

Aisaia 17:7

Dughiar kamɨn, gumazamiziba navibagh iragh, Israelɨn Godɨn ziam fɨ nɨghnɨzir gavgavim an ikiam, a Godɨn men ingarizim, a Israelian Godɨn Bar Zuezim.

Aisaia 17:8

Egh me uamategh uari ingarizir ofa gamir dakoziba bagh mangan kogh, egh ua aser amizim Aseran ziam fan kogh, egh temer guarir aser amizim Aseran nedazim itiba, dar ziaba fan kogham. Egh pauran mughuriar aghuim zuim isɨ aser amizim Asera bagh me ofa gamir dakozibar uam a tuan kogham. Me uari uan dafaribar ingarigha asebar ziaba fer bizir kaba, me bar da agɨvagham.