2 Samuel 22:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ E Ikiavɨra Itir Godɨn ziam feka! Kɨ an deima, a nan akurazɨma, apaniba na gasɨghasɨghizir puvatɨ.

2 Samuel 22:4 ပူးပေါင်းရင်းမြစ်များ

Onger Akaba 18:3

E Ikiavɨra Itir Godɨn ziam feka! Kɨ an deima a nan akurazɨma, apaniba na gasɨghasɨghizir puvatɨ.

Akar Mogomem 5:12

Me pamten dia kamaghɨn ighiam gami: “Sipsipɨn Nguzir me mɨsoghezɨ aremezir kam, e an uarir torogha an ziam bar pɨn anetɨ. A ziar ekiam ko bizir aghuir avɨriba ko fofozir aghuiba ko gavgavir ekiam iti. E an ziam fɨva a bagh bar akongegh a mɨnamam.”

Onger Akaba 116:2

Dughiaba bar a nan azangsɨziba baraghavɨra iti, kamaghɨn dughiar kɨ angamɨra itir kam, kɨ a ko mɨkɨmvɨra ikiam.

Onger Akaba 96:4

Ikiavɨra Itir God a bar faraghavɨra ikia bar gavgafi. Ezɨ e an ziam fɨ mangɨvɨra ikiam. Aseba bar, me Ikiavɨra Itir Godɨn mɨn itir puvatɨ. E an apengara ikɨva an atiatingam.

Onger Akaba 48:1

Ikiavɨra Itir God, ziar ekiam iti. E Godɨn mɨghsɨamɨn ghuavanang, egh an nguibar ekiamɨn aven mangɨ an ziar ekiam pɨrafam.

Akar Mogomem 4:11

“Nɨ en Ekiam, en God. Nɨ biziba bar dar ingari. Egha nɨ uan ifongiamɨn, biziba bar dar ingarizɨma da otifi, ezɨ datɨrɨghɨn biziba bar iti. Kamaghɨn amizɨ, nɨrara e uari nɨn torogha nɨn ziam bar pɨn anetɨ. Gumazamiziba bar nɨ bagh bar akuegh, egh nɨn ziam fɨva, nɨn gavgavimɨn apengan ikiam.”

Onger Akaba 116:17

Kɨ nɨ mɨnabɨsɨ nɨ bagh ofa damuam, egh nɨn ziamɨn dɨmɨva a fam.

Onger Akaba 116:13

Kɨ ti wainɨn kavɨn tam a danigham, eghtɨ ofan kam kamaghɨn akagh suam, Ikiavɨra Itir God ua na ini. A ua na inizir bizir kam bagh kɨ an ziamɨn dɨmɨva a mɨnamam.

Onger Akaba 116:4

Kɨ Ikiavɨra Itir Godɨn ziam dɨbora a mɨgɨa ghaze, “O Ikiavɨra Itir God, kɨ nɨ gaghori, nɨ nan akuragh ua na inigh, puvatɨghtɨ kɨ ovegham!”

Onger Akaba 106:2

Tina an ingangarir ekiar an amiziba bar, dagh eghanam? Tina an arazir aghuir an amiba bar da bagh an ziam fam? Gumazamiziba puvatɨgham.

Onger Akaba 66:2

E ighiaba bangɨ an ziar ekiamɨn gun mɨkɨm, an ziar ekiam fɨtɨ, a bar pɨn ikɨ.

Onger Akaba 56:9

O God, kɨ kamaghɨn fo, nɨ na baghavɨra iti. Egh kɨ nɨn dɨmamin dughiamɨn, nɨ nan apanibar amightɨ me aregham.

Onger Akaba 55:16

God nan akuraghasa kɨ an dei. Eghtɨ Ikiavɨra Itir God, nan akuragh ua na iniam.

Onger Akaba 50:15

Osɨmtɨzim ia bativamin dughiamɨn, ia nan dɨmtɨ kɨ ian akuragham. Eghtɨ ia nan ziam fam.”

Onger Akaba 34:6

Gumazamizir onganarazibagh amiba Ikiavɨra Itir God ko mɨgeima, a me baragha men osɨmtɨzibar aven deragha men akurvasi.

Nehemia 9:5

Livain marasi, men ziabar kara: Jesua, Katmiel, Bani, Hasapnea, Serebia, Hodia, Sebania, ko Petahia, me Ikiavɨra Itir God ko mɨkɨmasa gumazamizibav gɨa ghaze, “Ia dɨkavigh Godɨn ziam fɨ, a ian Ikiavɨra Itir God, e zurara an ziam fɨ mamaghɨra ikiam.”

2 Eghaghaniba 20:22

Jehosafat uan mɨdorozir gumaziba ko zuir dughiamɨn, gumazir ighiam batiba, me dɨkavigha Ikiavɨra Itir Godɨn ziam famin ighiabagh ami. Ezɨ Ikiavɨra Itir God, Amonia ko Moapia ko Idomian mɨdorozir gumazibagh amizɨma, me uarira uarir atara uariv sosi. Amonia ko Moapia, faragha Idomia ko mɨsogha, bar me mɨsoghezɨ me ariaghire. Egha gɨn Amonia ko Moapia uari uariv sogha bar uarigh asɨghasɨki.