2 Samuel 22:36 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁶ O God, nɨ uan oram na ganɨngizɨma, kɨ an gɨrakɨrangɨn modozɨ, nɨ nan apanibar dafaribar ua na ini. Nɨ uan gavgavimɨn nan akura. Nɨ nan dɨmdiam baregha nan akurazɨ, kɨ gumazamizibar damazimɨn ziar ekiam iti.

2 Samuel 22:36 ပူးပေါင်းရင်းမြစ်များ

Efesus 6:16

Egh dughiaba bar ia oramɨn mɨn nɨghnɨzir gavgavim uaghan an suiragh, eghtɨ gumazir kuram, Satan, a barir avim itiba ia gasavamangɨtɨ, ia orar kamɨn amodoghɨn barir avir kaba mungam.

Onger Akaba 115:14

Kɨ ghaze, Ikiavɨra Itir God borir bar avɨriba, ia ko ian gɨn otivamin ovavir boribar anɨngam.

Onger Akaba 84:11

Ikiavɨra Itir Godɨn Gavgavim, an aruemɨn mɨn tuavim en akakagha, oramɨn mɨn e modi. A en apangkuva egha ziar ekiam e ganɨdi. A gumazir an damazimɨn deraziba, a uan bizir aghuiba men anogorozir puvatɨ.

Onger Akaba 18:35

O God, nɨ uan oram na ganɨngizɨ, kɨ an gɨrakɨrangɨn modozɨ, nɨ nan apanibar dafaribar ua na ini. Nɨ uan gavgavimɨn nan akura. Nɨ nan dɨmdiam baregha nan akurazɨ, kɨ gumazamizibar damazimɨn ziar ekiam iti.

Jenesis 22:17

Kamaghɨn kɨ guizbangɨra nɨ mɨgei, kɨ deragh nɨ damuva, nɨn ovavir boribar amightɨ me bar avɨrasemegham. Eghtɨ men dɨbobonim, mɨkoveziba ko gigimɨn dɨbobonimɨn mɨn otivigham. Eghtɨ nɨn ovavir boriba uan apaniba abɨnigh, egh men nguibaba iniam.

Jenesis 15:1

Ezɨ bizir kabar gɨn, Ikiavɨra Itir God irebamɨn mɨn bizimɨn aven akam isa Abram ganɨga egha ghaze: “Abram nɨ atiatingan markɨ. Kɨ nɨn oramɨn mɨn ikiam, eghtɨ nɨ nan apazangɨn deravɨra ikiam. Eghtɨ kɨ nɨ damightɨ nɨn ziam bar pɨn ikiam.”

Jenesis 12:2

“Eghtɨ kɨ nɨn ovavir boribar amightɨ, me bar avɨrasemegh, mangɨva gɨn ikɨzir gavgavir mam otogham. Egh kɨ deravɨra nɨ damu nɨ damightɨ nɨn ziam bar ekevegham. Eghtɨ nɨ bangɨn kɨ gumazamiziba deravɨra me damuamin tuavim ikiam.

Efesus 6:17

Ia God ian akurazir arazim gɨnɨghnɨgh, egh nɨghnɨzir kam, dapanir asuar gavgavimɨn mɨn anerughtɨ a ian dapaniba avɨ. Egh Godɨn akam, an Duam ia ganɨngizir mɨdorozir sabamɨn mɨn ia an suiragh.