2 Samuel 22:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Nan God mati dagɨar ekiam, ezɨ kɨ an ghuava an uan apanibar modi. A nan oramɨn mɨn ikia na avara, ezɨ kɨ an uabɨ modi. A ua na isir gavgavim ikia egha na geghufi. Kɨ an deima, an nan akurazɨma, apaniba na gasɨghasɨghizir puvatɨ. A nan akuragh deragh nan ganamin gavgavim iti, egha nan dɨvazir bar gavgavimɨn mɨn iti. O Ikiavɨra Itir God, nɨ nan Akurvazir Gumazim. Kɨ an deima, a nan akurazɨma, apaniba na gasɨghasɨghizir puvatɨ.

2 Samuel 22:3 ပူးပေါင်းရင်းမြစ်များ

Onger Akaba 9:9

Ikiavɨra Itir God osɨmtɨziba itir gumazamiziba bagha dɨpenir gavgavir mamɨn mɨn iti. Eghtɨ apaniba osɨmtɨzibar anɨngamin dughiabar, me an aven mangegh muegham.

Aisaia 12:2

“Ia oragh! God nan akuragha ua na ini. Eghtɨ kɨ nɨghnɨzir gavgavim an ikɨva atiatingan kogham. Ikiavɨra Itir God, a Godra, a na gamima, kɨ gavgavigha iti. Guizbangɨra, a nan Akurvazir Gumazim, ezɨ kɨ an ziam fava onger akam gami.”

Aghuzir Akaba 18:10

Ikiavɨra Itir Godɨn ziam mati dɨpenir gavgavim. Eghtɨ gumazir aghuiba, ivemarɨva an mangɨva deraghvɨra ikiam.

Aghuzir Akaba 30:5

Godɨn akam, a bar guizbangɨra. Ezɨ bizir a damuasa mɨgeiba, da bar guizɨn otifi. Egha a bar deraghavɨra gumazamizir a bagha zuiba, dɨvazimɨn mɨn me avɨnigha men gari, mati oram, mɨdorozir gumaziba modorozimɨn ghua an suigha uarir pɨsi.

Onger Akaba 46:11

Ikiavɨra Itir Godɨn Gavgaviba Bar Itim, an e ko iti. A Jekopɨn God, a en danganir mogomem. (Ighiam gamua an suiam atugha avughsegha ua ighiam gami.)

Onger Akaba 18:2

Ikiavɨra Itir God, a nan dɨvazir bar gavgavim mɨn iti. A nan dagɨar kɨ aven uabɨ modimɨn mɨn ikia, nan akuragha nan apaniba da ua na ini. Nan God, a dagɨar ekiamɨn mɨn iti, ezɨ kɨ uan apanibar ara ghua an modi. A nan oramɨn mɨn ikia na avara, ezɨ kɨ an uabɨ modi. A nan akuragh nan ganamin gavgavim ikia, egha nan dɨvazir bar gavgavimɨn mɨn iti.

Godɨn Araziba 33:29

O Israelian gumazamiziba, ia bar akongegh! Ikiavɨra Itir God ian akurvazi moghɨn, a ikɨzir igharazitaba kamaghɨn men akurvaghizir puvatɨ. Ikiavɨra Itir God mati oramɨn mɨn ian pɨgha ian akurvasi. Egh a mati mɨdorozir sabamɨn mɨn, ian apanibav soghɨrarightɨ me arɨmɨghiram. Eghtɨ ian apaniba izɨ uarir apangkuvsɨ ian azangsɨgham. Eghtɨ ia me dɨkɨ me abɨnam.”

Jenesis 15:1

Ezɨ bizir kabar gɨn, Ikiavɨra Itir God irebamɨn mɨn bizimɨn aven akam isa Abram ganɨga egha ghaze: “Abram nɨ atiatingan markɨ. Kɨ nɨn oramɨn mɨn ikiam, eghtɨ nɨ nan apazangɨn deravɨra ikiam. Eghtɨ kɨ nɨ damightɨ nɨn ziam bar pɨn ikiam.”

Hibru 2:13

Egha a ua ghaze, “Kɨ datɨrɨghɨn, God damuasa mɨkemezir biziba, kɨ puram a mɨzuam da bagh gan ikɨtɨ God damuasa amir biziba, a mɨkemezɨ moghɨn dar amuam.” Egha ua ghaze, “Ia gan, kɨ borir God na ganɨngiziba me ko iti.”

Luk Osirizir Akar Aghuim 1:69

God en akurvaghasa uan ingangarir gumazim Devitɨn adarazir aven gumazir bar gavgavim amɨsefe.

Onger Akaba 144:2

A dagɨar ekiamɨn mɨn itima, kɨ an aven modi. Egha dɨpenir gavgavimɨn mɨn itima, kɨ an aven iti. Egha a nguibar gavgavimɨn mɨn ikia nan akurvasi. Egha nan oramɨn mɨn itima, kɨ an uabɨ apazagha deragha iti. Kɨ nɨghnɨzir gavgavim an itima, a na ko ikia nan akurvazi kɨ deravɨra iti. A gumazamizir igharazibagh amizɨ me nan apengan iti.

Onger Akaba 59:16

Osɨmtɨzir bar avɨriba faragha na bativizɨ, nɨ nan dɨvazimɨn mɨn iti. Kɨ nɨn aven modogha itima nɨ bar deragha nan gari. Kamaghɨn, kɨ mɨzarazibar vaghvagh nɨn gavgavim ko apangkuvir arazim gɨnɨghnɨgh, ighiabar amu nɨn ziar ekiam fam.

Onger Akaba 14:6

Gumazamizir onganarazibagh amiba, Ikiavɨra Itir God me akumakua deragha men garima, me an aven modi. Kamaghɨn, gumazir arazir kurabagh amiba, me onganarazibagh amir gumazamiziba damuasa mɨgeir bizibar ingaravati.

Jeremaia 16:19

O Ikiavɨra Itir God, nɨ gavgavim na ganɨga, nan danganir mogomemɨn mɨn ikia, egha osɨmtɨzibar dughiabar nɨ nan akurvasi. Nguazir kamɨn oteviba bar dar gumazamiziba bar, nɨ bagh izɨ kamaghɨn mɨkɨmam: En inazir afeziabar aseba, da pura bizir kɨniba, da e gifara, en akuraghan kogham.

Aisaia 32:2

Gumazamiziba akurvazim bagh izɨtɨ, gumazir dapanir kaba deravɨra vaghvagh bar deravɨra men akurvagham. Gumazir dapanir kaba, gumazamizibar danganir mogomemɨn mɨn ikiam, eghtɨ dughiar amozir ekiaba ko amɨnir ekiaba izɨtɨ, me mangɨ men uari mongam. Eghtɨ me mati dɨpaba puvatɨzir danganimɨn, dɨpam ivemara an zui moghɨn ikɨ, egh mati dagɨar ekiam aruem apazagha, danganir orangtɨzimɨn mɨn iti. Aruem bar gavgavightɨ, gumazamiziba mangɨ an apazangɨn dapiagh ikɨ avughsam.

Onger Akaba 140:4

O Ikiavɨra Itir God, nɨ deragh nan gantɨ, gumazir kurabar gavgavim na abɨraghan kogham. Nɨ uan dafarimɨn na avaraghtɨ gumazir mɨsoziba na gasɨghasɨghan kogham.

Onger Akaba 55:9

O Ekiam, kɨ gari, gumazamiziba nguibar ekiamɨn aven mɨdoroziba fora dagh ami da otifi. Kamaghɨn nɨ nan apanir kabar mɨzebar amightɨ, da osemeghtɨ me deragh bizibav kɨman kogham.

Onger Akaba 46:7

Ikiavɨra Itir Godɨn Gavgaviba Bar Itim, an e ko iti. A Jekopɨn God, a en danganir mogomem. (Ighiam gamua an suiam atugha avughsegha ua ighiam gami.)

Luk Osirizir Akar Aghuim 1:71

An en apaniba ko en atara pazav e gamibar dafaribar e iniasa ize.

Onger Akaba 140:11

Gumazir akaba igharaz darazi gasiba, men akatam guizbangɨram otoghan kogham. Kamaghɨn dera, gumazir mɨsoziba, bizir bar kuratam me batogh bar me agɨfagh.

Onger Akaba 140:1

O Ikiavɨra Itir God, nɨ nan akuraghtɨ, gumazir kuraba ko mɨdorozibagh amir gumaziba, na gasɨghasɨghan kogham.

Onger Akaba 86:14

O God, akaba batozir gumazir maba datɨrɨghɨn iza na ko mɨsoghasa. Gumazir kurar kaba nɨn akabar gɨn zuir puvatɨgha, uari akuvagha na mɨsueghtɨ kɨ aremeghasa.

Onger Akaba 84:11

Ikiavɨra Itir Godɨn Gavgavim, an aruemɨn mɨn tuavim en akakagha, oramɨn mɨn e modi. A en apangkuva egha ziar ekiam e ganɨdi. A gumazir an damazimɨn deraziba, a uan bizir aghuiba men anogorozir puvatɨ.

Onger Akaba 84:9

O God, nɨ en atrivimɨn gan deragh a damu. A uabɨ oramɨn mɨn e moga deravɨra e geghufi. Nɨ uabɨ ua bagha a ginabazɨ, an atrivimɨn iti. Nɨ deravɨram a damu.

Onger Akaba 72:14

Gumazamizir arazir kurabagh amiba, me gasɨghasɨgh me abɨnsɨ damutɨ, a men akuragh ua me iniam. An ifongiam bar men ekevezɨ, an arazir kabar me gami.

Onger Akaba 71:7

Na bativizir biziba, gumazamizir avɨriba dar ganigha fo, nɨ na geghuv nan ganasa gavgafi.

Onger Akaba 61:3

Nɨrara nɨ nan dɨvazir bar gavgavimɨn iti, ezɨ kɨ an modima, nan apaniba na abɨnamin tuaviba puvatɨ. Nɨrara dɨpenir ruarir gavgavimɨn mɨn bar deragha nan gara na geghufi.

Onger Akaba 46:1

God en danganir mogomemɨn mɨn ikia, e akumakua deragha en gara, gavgavim zurarama e ganɨdi. Dughiar e osɨmtɨzir ekiabar aven itibar, a en akurvaghasa gara iti.

Onger Akaba 28:7

Ikiavɨra Itir God uabɨ gavgavim isa na ganɨga, nan oramɨn mɨn ikia na modi. Ezɨ kɨ nɨghnɨzir gavgavim an iti. A nan akurvagha na gamima, kɨ uan navir averiamɨn, a bagha bar akuegha onger akabagh amua a mɨnabi.

Onger Akaba 27:5

Eghtɨ osɨmtɨziba otivamin dughiamɨn a uan Dɨpenimɨn bar deravɨra na modogham. A na isɨ uan Purirpenimɨn aven na modogham. A na isɨ dagɨar gavgavimɨn pɨn mar na afagham.

Onger Akaba 5:12

O Ikiavɨra Itir God, gumazamizir nɨn akamɨn gɨn zuiba, nɨ bar deraghavɨra me gami. Nɨn ifongiam oramɨn mɨn me avaragha me modima, me bar deraghavɨra iti.

Onger Akaba 3:3

Ezɨ men akar me mɨgeir kam a guizbangɨra puvatɨ. Ikiavɨra Itir God, nɨrara nan mɨdorozir oramɨn mɨn iti, ezɨ kɨ nɨn uabɨ modi. Nɨrara nan akurvazima kɨ uan apaniba abɨri. Nɨ nan osɨmtɨziba agevima, kɨ tugha gavgavighavɨra iti.

2 Samuel 22:51

Kɨ Devit, Ikiavɨra Itir God atrivimɨn ikiasa na ginabagha na mɨsefe. A nan akurvazima, kɨ uan apanibav sogha me abɨri. A zurara nan apangkuva mamaghɨra iti. A nan gɨn otivamin ovavir boriba, a kamaghɨra me damu mangɨvɨra ikiam.

2 Samuel 22:49

A nan apaniba da ua na ini. Bar guizbangɨra, Ikiavɨra Itir God, nɨ nan apanibar damazibar ziar ekiam na ganɨngi. Nɨ nan akurazɨ, mɨdorozir gumaziba na mɨsoghezɨ kɨ aremezir puvatɨ.

1 Samuel 2:1

Egha Hana kamaghɨn God ko mɨgei: “O Ikiavɨra Itir God, nɨ na gamima, kɨ bar akonge. Ikiavɨra Itir God, nɨ gavgavim ko ziar ekiam na ganɨngizɨ, kɨ bar akonge. Nɨ nan akurazir bizim bangɨn, kɨ bar akonge. Nɨ bangɨn kɨ uan apanibar ingaravati.

Godɨn Araziba 32:37

Egh Ikiavɨra Itir God, kamaghɨn uan gumazamizibar azangam, ‘Ia ti ghaze, aser kaba ian akurvaghamin gavgaviba iti. Ia fomɨra uarir akurvaghasa da bagha ghue. Ezɨ datɨrɨghɨn da manmaghɨn ami?

Taitus 3:6

Krais Iesus, a Gumazir en Akurvazim, an ingangarimɨn God uan Duamɨn gavgavir avɨriba bar e ginge.

Taitus 3:4

Ezɨ God, en Akurvazir Gumazim, a bar e gifongegha en apangkuvigha arazir aghuimɨn e gami. Ezɨ an arazir kam azenim girɨzɨ,

Jeremaia 16:9

Kɨ, Ikiavɨra Itir Godɨn Gavgaviba Bar Itim, Israelian God, kɨ guizbangɨra mɨgei, gumazamiziba ua nguazir kamɨn ikian kogham. Eghtɨ bar akongezir arazim ko navim deragha itir arazim ko poroghamiba uarir itir arazim, kɨ bar moghɨra da agɨvagham. Eghtɨ gumazamizir datɨrɨghɨn itiba, uari uan damazibar bizir kamɨn gantɨ, an otivam.

Aisaia 45:21

Ia gumazamiziba bar moghɨra izɨ kotɨn aven uari bagh mɨkɨm. Ia fofoghsɨ uarira uarir azangsɨgh suam, godɨn manamra a fomɨra bizir datɨrɨghɨn otivasa mɨkemeziba, da datɨrɨghɨn guizbangɨrama otifi? Kɨrara, kɨ God, kɨ bizir kabav kemezɨ, da datɨrɨghɨn otifi. Ezɨ ua godba puvatɨ. Kɨ Godɨn arazir aghuibaram amim, egha kɨ ian Akurvazir Gumazim. Ezɨ ua godba puvatɨ, kɨrara kɨ God.

Onger Akaba 32:7

Nɨrara nan mogomer danganim, kɨ nɨn aven modima osɨmtɨziba na abɨrir puvatɨ. Kɨ osɨmtɨzibar aven itima, nɨ na ekɨarugha nan akurvasi. Kamaghɨn kɨ pamten dia ighiabagh amua nɨn ziam fe. (Ighiam gamua an suiam atugha avughsegha ua ighiam gami.)

Onger Akaba 142:4

Kɨ uabɨn boroghɨn gari, gumazir nan akurvaghamiba puvatɨ. Ezɨ gumazir nan gan na geghuvamiba puvatɨ. Kɨ mongamin danganiba puvatɨ.

Godɨn Araziba 32:4

En God zurara kamaghɨra iti. A zurara guizɨn arazibaram ami. A mati dagɨar ekiar mamɨn mɨn gavgavigha kamaghɨra iti. A zurara uan akamɨn gɨn ghua egha ifarir puvatɨ. Ezɨ an araziba bar deragha egha voroghɨra iti. A guizɨn arazimɨn gɨn ghua biziba tuisɨgha egha ifarir puvatɨ.

1 Samuel 2:2

O Ikiavɨra Itir God, tav nɨn mɨn, bar zuezir puvatɨ. Egha godɨn igharazitam nɨn mɨn itir pu. Bar puvatɨ. Nɨ bar dagh afira. Nɨ uabɨra, dagɨar ekiamɨn mɨn gavgavim ikia e moga en akurvagha e geghufi.

2 Samuel 22:31

Godra, an araziba da bar guizbangɨra egha bar aghungi. A bizitam damusɨ akam akɨrigh, egh an a damuam. An oramɨn mɨn iti, eghtɨ gumazitam a bagh izɨ an aven modogh nɨghnɨzir gavgavim an ikɨ, deraghvɨra ikiam.

2 Samuel 22:47

Ikiavɨra Itir God, a zurara ikia mamaghɨra iti. A dagɨar ekiamɨn mɨn na modozɨ kɨ an apazangɨn itima a na geghufi, kamaghɨn amizɨ, kɨ ziar ekiam a danɨngam. God nan akurvazimɨn ikia ua na inizɨ, kamaghɨn, kɨ an ziam fam.

2 Samuel 23:3

Israelia en God, a mati dagɨar ekiar e modim, a kamaghɨn na mɨgei, “Atrivim Godɨn apengan ikɨva, guizɨn araziba ko Godɨn atiatim sara gumazamizibagh eghuv men gan.

Ua Me Ini 15:2

Ikiavɨra Itir God uabɨ na gamizɨma, kɨ gavgavigha, onger akam bangava an ziam fe. A zurara ua na isi, ezɨ kɨ an ziam fasa. A nan God, egha nan akurvazim. Kamaghɨn amizɨ, kɨ an ziar ekiam fasa. Nan afeziamɨn God, kɨ an ziar ekiam fɨ, a isɨ bar pɨn anerɨgh ighiam damuam.

Onger Akaba 9:10

O Ikiavɨra Itir God, gumazamizir nɨ bagha iziba, nɨ akɨrim giragha me gasir puvatɨ. Kamaghɨn gumazamizir nɨ gɨfoziba, me nɨghnɨzir gavgavim nɨn iti.

Onger Akaba 46:2

Mɨkɨmkɨziba otivtɨ, mɨghsɨaba dɨpɨrighɨrɨ ongarir torimɨn magɨrɨtɨ, e atiatingan kogham.