2 Samuel 22:29 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁹ O Ikiavɨra Itir God, nɨ angazangarim na ganɨdi. Egha mɨtarmem na dama a batosi.

2 Samuel 22:29 ပူးပေါင်းရင်းမြစ်များ

Onger Akaba 27:1

Ikiavɨra Itir God, a nan angazangarim ko nan Akurvazir Gumazim. Ezɨ kɨ gumazitamɨn atiatingan kogham. Ikiavɨra Itir God, a dɨpenir gavgavimɨn mɨn na modogha na geghuva nan garima, kɨ atiatir puvatɨ.

Jon Osirizir Akar Aghuim 8:12

Egha Iesus ua gumazamizibav gɨa ghaze, “Kɨ uabɨ, kɨ gumazir angazangarim nguazir kamɨn itir gumazamizibagh anɨdim. Gumazim nan gɨn izɨ, a mɨtatemɨn daruan kogham. Puvatɨ. An angazangarir gumazamizibagh amima me angamɨra itim, an an aven ikiam.”

Akar Mogomem 21:23

Godɨn angazangarir gavgavimra angazangarim nguibar ekiar kam ganɨdi. Ezɨ Sipsipɨn Nguzim uabɨ nguibar ekiar kamɨn lamɨn mɨn iti. Kamaghɨn amizɨ nguibar ekiar kamɨn angazangariba anɨngamin arueba ko iakɨniba puvatɨgham.

Jopɨn Akɨnafarim 29:3

A lamɨn mɨn itima, an angazangarim na gisira. A dɨmagaribar angazangarimɨn mɨn tuavim nan akakazima, kɨ zui.

Jon Osirizir Akar Aghuim 12:46

Kɨ kamaghsua, gumazir nɨghnɨzir gavgavim nan itiba, me bar mɨtatemɨn ikian kogham. Bizir kam bagha kɨ angazangarimɨn mɨn nguazir kamɨn ize.

Maika 7:9

E datɨrɨghɨn Ikiavɨra Itir Godɨn damazimɨn arazir kuram gami. Eghtɨ Ikiavɨra Itir God bar dughiar otevimra uan anɨngagharim akagh, e gasɨghasɨgham. Egh a gɨn ua en akuragh guizɨn arazimɨn gɨn mangɨva, pazavɨra e gamir darazir arazir kuraba ikarvagham. Egh a mɨtatemɨn e inigh angazangarimɨn e atɨghtɨ, e angamɨra ikɨ an gantɨ, an en apanibar dafaribar uam e iniam.

Onger Akaba 112:4

E fo, mɨtarmem iti, ezɨ gumazir aghuim, gumazir aghuir igharazibar akurvaghasa angazangarimɨn mɨn anagava otogha, men apangkuvigha, amɨnirbɨrim gisira.

Aisaia 50:10

Ia Ikiavɨra Itir Godɨn atiatia an apengan ikia, an ingangarir gumazimɨn akabar gɨntɨziba, ia atiatingan markɨ. Ia angazangarim puvatɨgha mɨtarmemɨn arui darasi, ia nɨghnɨzir gavgavim Ikiavɨra Itir Godɨn ikɨva a mɨzuam ikɨ.

Onger Akaba 97:11

God angazangarim isa gumazamizir aghuibagh anɨga, me gamizɨ men naviba bar akonge.

Onger Akaba 84:11

Ikiavɨra Itir Godɨn Gavgavim, an aruemɨn mɨn tuavim en akakagha, oramɨn mɨn e modi. A en apangkuva egha ziar ekiam e ganɨdi. A gumazir an damazimɨn deraziba, a uan bizir aghuiba men anogorozir puvatɨ.

Onger Akaba 18:28

O Ikiavɨra Itir God, nɨ nan God, nɨ angazangarim na ganɨdi. Egha na da mɨtarmem batosi.

Onger Akaba 4:6

Gumazamizir avɨriba bizir aghuibar gan, bar akueghasa ifonge. O Ikiavɨra Itir God, nɨn guamɨn angazangarim e gisirazɨ moghɨn, nɨ bar e gifuegh en boroghɨra ikɨ, egh en apangkuvigh en akurvagh.

2 Samuel 21:17

Ezɨ Seruian otarim Abisai, Devit bagha iza an akuragha Filistian kam mɨsoghezɨma an areme. Ezɨ mɨdorozir gumaziba akar gavgavim Devit mɨgɨa ghaze, “E mangɨ mɨsoghamin dughiamɨn nɨ e ko mangan kogham. Nɨ mati lamɨn angazangarir Israelia e ganɨdim, nɨ lamɨn kam damightɨ, a mungeghan markɨ.”

Malakai 4:2

Eghtɨ dughiar kamɨn, ia gumazamizir nan ziam fa nan atiatia nan apengan itiba, ia bagh amɨnim tiraghtɨ, aruem anang ia gisiragh, ian arazir aghuiba akakagham. Mati aruem ia gisiragha gara fefem ian mɨkarzibagh anɨdi moghɨn, a ia damutɨ ian arɨmariaba gɨvaghtɨ ia ghuamaghegham. Egh ia mati bulmakaun nguziba bar akuegha uari akura dɨvazim ategha ivemara azenan zui moghɨn, ia bar akuegh mangɨ.

1 Atriviba 11:36

Egh kɨ Solomonɨn otarim ateghtɨ, a Israelian anabar vamɨran ganam. Eghtɨ nan ingangarir gumazim Devitɨn lam mungueghan kogham. Bar puvatɨgham. An ovavir boriba atrivibar ikɨ mangɨvɨra ikiam. Devitɨn ikɨzimɨn adarazir tongɨn gumazitam zurara Jerusalemɨn atrivimɨn ikiam. Nguibar ekiar kam, gumazamiziba an izɨva nan boroghɨn izɨ nan ziam fasa kɨ a ginaba.