2 Samuel 22:27 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁷ Gumazir nɨn damazimɨn zuezir arazibagh amim, nɨ uaghan uan arazir zueziba an akakasi. Eghtɨ gumazir arazir kuramɨn gɨn zuim, nɨ uaghan arazir kuramɨn a ikarvasi.

2 Samuel 22:27 ပူးပေါင်းရင်းမြစ်များ

Matyu 5:8

Ia gumazamizir navir averiaba zueziba, ia Godɨn ganam. Kamaghɨn ian naviba deragh.

Onger Akaba 18:26

Gumazir nɨn damazimɨn zuezir arazibagh amim, nɨ uaghan uan arazir zuezibar an akakasi. Eghtɨ gumazir arazir kuramɨn gɨn zuim, nɨ uaghan arazir kuramɨn a ikarvasi.

Aisaia 45:9

E gumazamiziba, God en ingari, e mati pura bizir kɨniba. Kamaghɨn gumazir Godɨn atara a mɨgeim, a bar ongani. Gumaka, a bar ikuvigham. God mati gumazir nguazir mɨnebar ingarimɨn mɨn iti. Ezɨ e nguazir mɨnebar mɨn, bɨaghiregha pura tintinibar nguazim gireghav iti. Ia bizir kam gɨnɨghnɨgh. Nguazir mam ti dɨkavigh mangɨ gumazir a inigha mɨnemɨn ingarizim, kamaghɨn an azaragham, “Manmaghɨn ami? Nɨ na inigha bizir tizimɨn ingari?” Eghtɨ nguazim ti kamaghɨn atar mɨkɨmam, “Nɨ tizim bagha bizir nɨ ingarizir kam, an suighamin agharimningɨn ingarizir puvatɨ?”

Onger Akaba 125:5

Nɨ gumazir kurabagh asɨghasɨgh, egh gumazir ifara uan nɨghnɨzibar gɨn zuiba sarama asɨghasɨkigh. Eghtɨ Israelia deraghvɨra ikiam.

Ua Me Ini 18:11

Ezɨ kɨ datɨrɨghɨn fo, Ekiam bar godɨn igharazibagh afiragha kamaghɨn ami. Isipia akaba batoghava paza ia gamima, Ikiavɨra Itir God ian akura. Ezɨ kɨ datɨrɨghɨn fo, Ikiavɨra Itir God bar gavgavizɨ, an gavgavim godɨn igharazibar gavgavibagh afira.”

Akɨnafarir Pol Romɨn Nguibar Ekiamɨn Itir Sios Bagha Osirizim 1:28

Me Godɨn guizɨn fofozim suiragh a gɨnɨghnɨghan aghua, kamaghɨn God me ataghizɨ, me uan nɨghnɨzir kurar mɨzɨrɨzibar gɨn ghua arazir bar kurar e damuan koghamibagh amua, nɨghnɨziba bar ikufi.

1 Jon 3:3

Gumazamizir an mɨn otivamin dughiam bagha mɨzua gariba, me Iesus zuezɨ moghɨn me uari zue.