2 Samuel 22:25 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁵ Kɨ Ikiavɨra Itir Godɨn damazimɨn zuegha iti. Kamaghɨn amizɨ a nan arazir aghuir kamɨn ganigha, a ikaragha arazir aghuimɨn na gami.

2 Samuel 22:25 ပူးပေါင်းရင်းမြစ်များ

2 Samuel 22:21

Kɨ arazir aghuimɨn gɨn zui. Ezɨ bizir kam bagha, Ikiavɨra Itir God bizir bar aghuir avɨribar na gami. Kɨ Godɨn damazimɨn zue, ezɨ a ivezir aghuim isa na ganɨdi.

2 Korin 5:10

Guizbangɨra, e bar moghɨra Kraisɨn kotɨn otivightɨ, an en araziba tuisɨgham. Dughiar e nguazimɨn inivafɨzimɨn aven itim, e arazir aghuibagh ami, o arazir kurabagh ami, eghtɨ kotiamɨn dughiam e bar vaghvagh uan arazir amizibar ivezim iniam.

Aisaia 3:10

Gumazir Godɨn damazimɨn deraziba, ia me mɨkemegh, Me uan ingangaribar ivezir aghuim iniam, kamaghɨn, me bar akongegh.

Aghuzir Akaba 5:21

Nɨ fogh, Ikiavɨra Itir God nɨ amir biziba a bar dar gari, egha bar deraghavɨra nɨn arazibar gara dagh fo.

Aghuzir Akaba 11:31

E fo, gumazir aghuiba me nguazir kamɨn ikia uan araziba bagha ivezir aghuim isi. Ezɨ e bar fo, gumazir arazir kurabagh amiba me uan ivezir kuram gitaghan kogham. Ikiavɨra Itir God guizbangɨra me danɨngam.

1 Samuel 26:23

E fo, Ikiavɨra Itir God gara, gumazir zurara nɨghnɨzir gavgavim an ikiava, arazir aghuibagh amiba, a deraghavɨra me gami. Guizbangɨra, Ikiavɨra Itir God datɨrɨghɨn nɨ isa nan dafarim gatɨ, ezɨ kɨ fo Ikiavɨra Itir God ua bagha mɨsevezir gumazim, kɨ uan dafarim a datɨghan kogham.

1 Atriviba 3:6

Ezɨ Solomon kamaghɨn an akam ikaragha ghaze, “Nan afeziam Devit, nɨn damazimɨn zurara guizɨn araziba bar deraghavɨra dar gɨn ghua, egha arazir aghuir voroghɨra itim gami. Ezɨ kamaghɨn amizɨ, nɨ zurara bar an apangkuvigha, bar deravɨram a gami. Egha datɨrɨghɨn nɨ uaghan kamaghɨn amuavɨra iti, ezɨ kɨ an otarim, nɨ na ataghizɨ, kɨ an danganim inigha atrivimɨn iti.