2 Samuel 22:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Ikiavɨra Itir God, a nan God. Kɨ akɨrim ragha a gasarazir puvatɨ. Kɨ guizbangɨra an Akar Gavgavibar gɨn zui.

2 Samuel 22:22 ပူးပေါင်းရင်းမြစ်များ

Aghuzir Akaba 8:32

Ezɨ nɨghnɨzir aghuim ua kamaghɨn mɨgei, “Nan boriba, ia deraghvɨra nan akam baragh egh nan arazibar gɨn mangɨ. Ia kamaghɨn damuva, ia bar akuegham.

Jenesis 18:19

Kɨ kamaghɨn ifonge, Abraham uan boriba ko uan ovavir boribar sure damightɨ me Ikiavɨra Itir Godɨn akamɨn gɨn mangam. Egh me arazir aghuiba ko arazir nan damazimɨn derazibara darara gɨn mangam. Kamaghɨn, kɨ ua bagha Abraham ginaba. Egh gɨn kɨ uan akar dɨkɨrɨzimɨn gɨn mangɨ, Abraham deravɨram a damuam.”

Onger Akaba 128:1

Gumazamizir Ikiavɨra Itir Godɨn atiatia an apengan ikia, an akaba baragha dar gɨn zuiba, me bar akongegh.

2 Korin 1:12

Bizir kam na gamima kɨ bar akonge. Nan navir averiamɨn, kɨ uan araziba deravɨra da tuisɨgha kamaghɨn fo, kɨ nguazir kamɨn ikia arazir aghuim gami, egha guizbangɨra ian damazibara e arazir bar aghuim gami. Kɨ arazir God nan akazir kam gamua God baghavɨra itir arazibar gɨn ghua, bizitam ian modozir puvatɨ. Kɨ nguazir kamɨn fofozim isa arazir kam gamizir pu. Puvatɨ, kɨ Godɨn apangkuvimɨn gavgavim isa, arazir kam gami.

Jon Osirizir Akar Aghuim 15:10

Kɨ uan Afeziamɨn Akar Gavgavibar gɨn zui, egha an porozɨ a na gifongezɨ moghɨn, ia uaghan nan Akar Gavgavibar gɨn mangɨva nan poroghtɨ, kɨ ia gifuegh mamaghɨra ikiam.

Sefanaia 1:6

Gumazamiziba akɨrim na gasa, ua nan gɨn zuir puvatɨ, egha tuavim uarir akakaghasa na bagha iza, nan azangsɨzir puvatɨ. Kɨ uaghan gumazamizir kabagh asɨghasigham.”

Onger Akaba 125:5

Nɨ gumazir kurabagh asɨghasɨgh, egh gumazir ifara uan nɨghnɨzibar gɨn zuiba sarama asɨghasɨkigh. Eghtɨ Israelia deraghvɨra ikiam.

Onger Akaba 119:1

Gumazamizir, men daroriba Ikiavɨra Itir Godɨn damazimɨn osɨmtɨziba puvatɨziba, Ikiavɨra Itir Godɨn Arazibar gɨn zui, me bar akongegham!

Onger Akaba 36:3

Men akatoribar akaba ikuvizɨ, me zurara bizibagh ifari. Egha arazir aghuibara amuamin fofozir aghuitam itir puvatɨ.

1 Samuel 12:3

Kɨ uabɨ kɨr kara. Ia bar deragha nan arazibagh fo. Kɨ arazir kuratam ia damightɨ, ia Ikiavɨra Itir God ko atrivir a ia bagha inabazimɨn damazimɨn, nan gun mɨkɨm. Kɨ ti gumazitamɨn bulmakaun tam o donkin tam ini, o? Kɨ ti tav gifaragha an biziba okeme, o? Kɨ ti tav pazava a gami, a? Kɨ ti gumazitamɨn amamangatɨzɨ, a modogha dagɨabar na givezegha, na gakaghorima kɨ kotiaba paza dar suisi, a? Kɨ arazir katam damightɨ, ia na mɨkemeghtɨ, kɨ anekɨrigh uam a ikarvagham.”

Dɨboboniba 16:15

Ezɨ Moses kamaghɨn oregha, a puvɨra atara an navim bar ikuvizɨ a kamaghɨn Ikiavɨra Itir God mɨgei, “Nɨ gumazir kabar ofaba inian markɨ. Bar guizbangɨra, kɨ paza bizitam me gamizir puvatɨ. Kɨ men donkin tam inizir puvatɨ. Bar puvatɨ.”

1 Atriviba 9:4

Eghtɨ nɨ uan afeziam Devit amizɨ moghɨn, nɨ navir averiamɨn aven na baghvɨra nɨghnɨgh nan damazimɨn deravɨra daru, egh arazir kɨ ifongeziba ko bizir kɨ damuasa ia mɨkemeziba, kɨ nɨ mɨkemezɨ moghɨn bizibar amu.

Onger Akaba 18:1

O Ikiavɨra Itir God, nɨ gavgavim na ganɨdi, ezɨ kɨ nɨ bagha bar ifonge.