2 Samuel 22:21 - Godɨn Eghaghanim: Akar Gavgavir Dɨkɨrɨzir Ghurim ko Igiam

²¹ Kɨ arazir aghuimɨn gɨn zui. Ezɨ bizir kam bagha, Ikiavɨra Itir God bizir bar aghuir avɨribar na gami. Kɨ Godɨn damazimɨn zue, ezɨ a ivezir aghuim isa na ganɨdi.

2 Samuel 22:21 ပူးပေါင်းရင်းမြစ်များ

Onger Akaba 24:4

Gumazamizir kamagh amiba, merara an aven mangam. Men navir averiaba ko, me amir araziba ko, nɨghnɨziba zue, egha asebar ziaba fer puvatɨgha, igharaz darazi ko akam akɨrigha egha gɨn me gifarir puvatɨ.

1 Samuel 26:23

E fo, Ikiavɨra Itir God gara, gumazir zurara nɨghnɨzir gavgavim an ikiava, arazir aghuibagh amiba, a deraghavɨra me gami. Guizbangɨra, Ikiavɨra Itir God datɨrɨghɨn nɨ isa nan dafarim gatɨ, ezɨ kɨ fo Ikiavɨra Itir God ua bagha mɨsevezir gumazim, kɨ uan dafarim a datɨghan kogham.

Onger Akaba 7:8

O Ikiavɨra Itir God, nɨ gumazamizibar araziba tuisɨsi. Nɨ fo, kɨ guizɨn arazir aghuibara ami. Kamaghɨn amizɨ, nɨ nan araziba tuisɨghamin dughiamɨn nan akuragh.

1 Atriviba 8:32

O Ikiavɨra Itir God, nɨ uan nguibamɨn ikɨ, uan ingangarir gumazamizibar akaba baragh, deraghvɨra men kotiam akɨrigh. Egh nɨ mɨzazim isɨ gumazir osɨmtɨzim gamizim gasɨ, egh osɨmtɨzir kuramɨn uam a ikaragh. Egh nɨ deraghvɨra osɨmtɨziba puvatɨzir gumazim damightɨ, gumazamiziba bizir kamɨn ganigh fogh suam an arazir kuram gamizir puvatɨ.

Jems 4:8

Ia Godɨn boroghɨra mangɨtɨ, a ian boroghɨra izam. Ia arazir kurabagh amir gumazamiziba, ia uan navir averiabar amightɨ da zuegh, mati gumazamiziba uan dafariba ruezɨ da bar zue. Ezɨ ia gumazamizir nɨghnɨzir pumuning itiba, nɨghnɨzir kurar ian navibar itiba, ia da atakigh.

1 Korin 15:58

Kamaghɨn, nan namakar bar aghuiba, ia tuivigh gavgavightɨ, bizitam ia munamangan kogham. Ia kamaghɨn fo, ingangarir ia Ekiam bagha amiba pura zuir puvatɨ. Kamaghɨn, ia zurara Ekiam bagh ingarsɨ bar gavgafigh.

Onger Akaba 19:11

Kɨ nɨn ingangarir gumazim. Nɨn akaba fofozim na ganɨdi, kɨ dar gɨn zuima, nan dabirabim bar dera.

Jopɨn Akɨnafarim 17:9

Ezɨ gumazamizir aghuiba uan arazir aghuibar suiragh mamaghɨra ikiam. Me arazir aghuibara damuam, mati men dafariba bar zuegha, gavgavigha mamaghɨra iti.

2 Samuel 22:25

Kɨ Ikiavɨra Itir Godɨn damazimɨn zuegha iti. Kamaghɨn amizɨ a nan arazir aghuir kamɨn ganigha, a ikaragha arazir aghuimɨn na gami.

Aghuzir Akaba 11:31

E fo, gumazir aghuiba me nguazir kamɨn ikia uan araziba bagha ivezir aghuim isi. Ezɨ e bar fo, gumazir arazir kurabagh amiba me uan ivezir kuram gitaghan kogham. Ikiavɨra Itir God guizbangɨra me danɨngam.

1 Atriviba 3:6

Ezɨ Solomon kamaghɨn an akam ikaragha ghaze, “Nan afeziam Devit, nɨn damazimɨn zurara guizɨn araziba bar deraghavɨra dar gɨn ghua, egha arazir aghuir voroghɨra itim gami. Ezɨ kamaghɨn amizɨ, nɨ zurara bar an apangkuvigha, bar deravɨram a gami. Egha datɨrɨghɨn nɨ uaghan kamaghɨn amuavɨra iti, ezɨ kɨ an otarim, nɨ na ataghizɨ, kɨ an danganim inigha atrivimɨn iti.