2 Samuel 22:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ A deravɨra nan gara nan akurazɨ, kɨ danganir aghuimɨn ikia deravɨra iti. A bar guizbangɨra na gifonge, egha kamaghɨn a ua na ini.

2 Samuel 22:20 ပူးပေါင်းရင်းမြစ်များ

Onger Akaba 31:8

Nɨ nan akurazɨ kɨ apanibar dafaribar itir puvatɨ. Nɨ nan akurazɨ kɨ deragha iti.

Onger Akaba 118:5

Kɨ faragha bar osɨmtɨzir ekiam ikia Ikiavɨra Itir God ko mɨgɨa an deima, a na baregha nan osɨmtɨzir kam agɨfa.

2 Samuel 15:26

Kɨ pura iti. Eghtɨ Ikiavɨra Itir God na gakueghan kogham, a dera, a bizir tizimɨn na damusɨ a puram a damu.”

Onger Akaba 22:8

Me ghaze, “Nɨ nɨghnɨzir gavgavim Ikiavɨra Itir Godɨn iti. A manmaghsua nɨn akuragha ua nɨ inizir puvatɨ? God nɨ gifongegha nɨ bagha bar akonge, egha manmaghsua a nɨn akurazir puvatɨ?”

Onger Akaba 149:4

Ikiavɨra Itir God uan gumazamizibagh ifonge. Gumazir uari abɨra igharaz darazir apengan itiba, a men ziaba fava, me gami me mɨdorozim gamua uan apaniba abɨri.

Onger Akaba 147:11

A gumazamizir an atiatiava, nɨghnɨzir gavgavim an apangkuvir arazimɨn itiba, a me baghavɨra bar akonge.

Matyu 27:43

A nɨghnɨzir gavgavim Godɨn ikia, egha ghaze, kɨ Godɨn Otarim. Eghtɨ God guizbangɨra ifongiam an ikɨva, datɨrɨghɨn an akuraghtɨ, e ganika!”

Matyu 17:5

Pita mɨgɨavɨra itima, ghuariam angazangarimɨn mɨn isiragha me avara. Ezɨ ghuariar kamɨn aven me tiarir mam barazima a kamaghɨn mɨgei, “Kar nan Otarir kɨ bar ifongezim. Ia anarɨram oragh!”

Matyu 3:17

Ezɨ tiarir mam Godɨn Nguibamɨn ikia dɨa ghaze, “Kar nan Otarim, kɨ bar a gifonge. Kɨ a bagha bar akonge.”

Hosea 4:16

Israelian dapaniba bar gavgafi, mati bulmakaun amebar igiar akaba batoziba. Me ghaze, Ikiavɨra Itir God me geghuvam, mati sipsipbagh eghuvir gumazim uan sipsipɨn nguzibagh eghufi. Kɨ garima, me puv akaba batosi, eghtɨ kɨ manmaghɨn me geghuvam? Ti puvatɨgham!

Aisaia 42:1

Ikiavɨra Itir God ghaze: Ia gan! Kar nan ingangarir gumazim, kɨ uabɨ anemɨsefe, egha kɨ bar a gifuegha, a bagha bar akonge. Egha uan Duam isa a gatɨ. Eghtɨ a nguazir kamɨn kantribar gumazamiziba guizɨn arazimɨn gɨn mangɨsɨ me tuisɨgham.

1 Eghaghaniba 4:10

Ezɨ dughiar mamɨn Jabes kamaghɨn Israelian Godɨn dɨa ghaze, “O God, kɨ kamaghsua, nɨ deravɨra na damuva nguazir avɨriba na danɨngtɨ, da nguazir kɨ datɨrɨghɨn itim gafiragham. Eghtɨ nɨn gavgavim na ko ikɨva nan akurvagh! Egh nɨ bar deravɨra na geghuvtɨ, arazir kuraba mɨzaziba na danɨngan kogham.” Ezɨ God Jabesɨn azangsɨzim baregha Jabes an azarazɨ moghɨram ami.

Jenesis 26:22

Egha gɨn Aisak danganir kam ategha egha mozir par igharazim gɨkui. Ezɨ dughiar kamɨn gumaziba uam a bagha uari adozir puvatɨ. Ezɨ Aisak ghaze, “Ikiavɨra Itir God deragha e gami, eghtɨ e datɨrɨghɨn nguazir kamɨn deragh daperagh egh bizir avɨriba kagh ikiam.” Egha a mozir pam ziar kam a gatɨ, “Dabirabim derazir danganim.”

2 Samuel 22:37

Nɨ bar tuavir aghuim na ganɨngizɨ, kɨ an ghua, apɨghsigha irɨzir puvatɨ.

Onger Akaba 31:9

O Ikiavɨra Itir God, kɨ osɨmtɨzir ekiam ikia, egha azia ghua nan damazimning bezɨ, nan gavgaviba bar gɨfa. Kamaghɨn, nɨ nan apangkufigh.