2 Samuel 22:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ighiar kamɨn mɨgɨrɨgɨaba kamakɨn: Ikiavɨra Itir God, a nan dɨvazir bar gavgavimɨn mɨn iti. A nan dagɨar kɨ an aven uabɨ modimɨn mɨn ikia, nan akuragha nan apaniba da ua na ini. Nan God, a dagɨar ekiamɨn mɨn iti, ezɨ kɨ uan apanibar ara ghua an modi. A nan oramɨn mɨn ikia na avara, ezɨ kɨ an uabɨ modi. A nan akuragh deragh nan ganamin gavgavim iti, egha nan dɨvazir bar gavgavimɨn mɨn iti.

2 Samuel 22:2 ပူးပေါင်းရင်းမြစ်များ

Onger Akaba 71:3

Nɨ dagɨar ekiamɨn mɨn na modogh. Nɨ dɨvazir gavgavimɨn mɨn ikɨ na ekɨarughtɨ, nan apaniba na abɨnan kogham. Kɨ nɨn aven modogh ikiam. Nɨrara deragh na geghuv nan gantɨ, kɨ deragh ikiam.

Onger Akaba 31:3

Guizbangɨra, nɨ uabɨ nan dagɨar ekiamɨn mɨn iti. Nɨ nan dɨvazir bar gavgavimɨn mɨn ikia deragha na geghufi. Nɨ uan ziar ekiam bangɨn, nɨ fomɨra mɨkemezɨ moghɨn, kɨ zui naghɨn, nɨ nan faragh mangɨ nan akua na geghuv.

Onger Akaba 144:2

A dagɨar ekiamɨn mɨn itima, kɨ an aven modi. Egha dɨpenir gavgavimɨn mɨn itima, kɨ an aven iti. Egha a nguibar gavgavimɨn mɨn ikia nan akurvasi. Egha nan oramɨn mɨn itima, kɨ an uabɨ apazagha deragha iti. Kɨ nɨghnɨzir gavgavim an itima, a na ko ikia nan akurvazi kɨ deravɨra iti. A gumazamizir igharazibagh amizɨ me nan apengan iti.

Onger Akaba 91:2

Gumazir kam Ikiavɨra Godɨn mɨkɨm suam, “Nɨ nan dɨvazir gavgavimɨn mɨn itima, kɨ nɨn aven uabɨ moga deravɨra iti. Nɨ nan God. Kɨ nɨghnɨzir gavgavim nɨrara iti.”

Godɨn Araziba 32:4

En God zurara kamaghɨra iti. A zurara guizɨn arazibaram ami. A mati dagɨar ekiar mamɨn mɨn gavgavigha kamaghɨra iti. A zurara uan akamɨn gɨn ghua egha ifarir puvatɨ. Ezɨ an araziba bar deragha egha voroghɨra iti. A guizɨn arazimɨn gɨn ghua biziba tuisɨgha egha ifarir puvatɨ.

1 Samuel 2:2

O Ikiavɨra Itir God, tav nɨn mɨn, bar zuezir puvatɨ. Egha godɨn igharazitam nɨn mɨn itir pu. Bar puvatɨ. Nɨ bar dagh afira. Nɨ uabɨra, dagɨar ekiamɨn mɨn gavgavim ikia e moga en akurvagha e geghufi.

Matyu 16:18

Ezɨ kɨ nɨ mɨgei, nɨ Pita. Egh dagɨar kam gisɨn kɨ uan siosɨn ingaram, eghtɨ Ovevemɨn Gavgavim an suiragh anepɨrighɨva a gasɨghasighan kogham.

Onger Akaba 42:9

God, a dagɨar ekiamɨn mɨn gavgavim na ganɨdi, ezɨ kɨ kamaghɨn a mɨgei, “Nɨ manmaghsua na gɨnɨghnɨzir puvatɨ? Nɨ manmaghsua nan apaniba ataghizɨ me na abɨrazɨ, nan navir averiam bar na baseme?”

1 Samuel 23:25

Sol oregha gɨvagha, uan gumaziba ko me danganir kamɨn ghua Devit buri. Ezɨ gumazir maba iza Devit mɨkeme. Ezɨ a ghua danganir kurar dagɨar avɨriba itimɨn, Maonɨn gumazamiziba puvatɨzir danganir vuemɨn iti. Sol oraghtɨ, Devit danganir manamɨn mangɨtɨ, a uaghan danganir kamɨn mangam.

1 Samuel 24:2

Kamaghɨn amizɨ, Sol Israelian 3,000plan mɨdorozir gumaziba amɨsevezɨma, me Devit ko an gumaziba buri. Me danganir kurar kamaghɨn dɨborim, Memen Atiaba Itir Danganir Kuram, me an me buri.

2 Samuel 22:32

Ikiavɨra Itir God, a bar uabɨra guizbangɨra God. A bar uabɨra dagɨar ekiamɨn mɨn ikia e apasa.

2 Samuel 22:33

Godra nan daroribar na akumakui, egha gavgavim na ganɨga deragha nan garima, kɨ zui.

2 Samuel 23:3

Israelia en God, a mati dagɨar ekiar e modim, a kamaghɨn na mɨgei, “Atrivim Godɨn apengan ikɨva, guizɨn araziba ko Godɨn atiatim sara gumazamizibagh eghuv men gan.

Aghuzir Akaba 18:10

Ikiavɨra Itir Godɨn ziam mati dɨpenir gavgavim. Eghtɨ gumazir aghuiba, ivemarɨva an mangɨva deraghvɨra ikiam.