2 Samuel 22:19 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁹ Kɨ dughiar kuramɨn itima, nan apaniba iza na ko mɨsosi. Ezɨ Ikiavɨra Itir God, na geghuva nan gari.

2 Samuel 22:19 ပူးပေါင်းရင်းမြစ်များ

Onger Akaba 23:4

O God, nɨ na ko iti. Kamaghɨn, kɨ danganir zarimɨn mangɨva ovevemɨn tuavir mɨtarmemɨn mangɨ, egh bizir kurabar atiatingan kogham. Nɨ uan asadivir aghorir sipsipbagh eghuvimɨn suirazɨ, kɨ an gara fo, nɨ na geghuv deragh nan ganam. Kamaghɨn, nan navim bar nan dera.

Aisaia 50:10

Ia Ikiavɨra Itir Godɨn atiatia an apengan ikia, an ingangarir gumazimɨn akabar gɨntɨziba, ia atiatingan markɨ. Ia angazangarim puvatɨgha mɨtarmemɨn arui darasi, ia nɨghnɨzir gavgavim Ikiavɨra Itir Godɨn ikɨva a mɨzuam ikɨ.

Aisaia 26:19

O Ikiavɨra Itir God, nɨ uan gumazamizir oveaghuezibar amutɨ, me ua dɨkavigham. Nɨ uan gumazamizir ovengezibar kuabar amutɨ, me gɨn ua angamɨra ikiam. Ia mozimɨn itir kuaba, ia ua osegh dɨmɨva bar akuegh ighiabar amuam! O Ikiavɨra Itir God, nɨ mati dɨmagarimɨn ghuariam nguazir mɨsɨngizim girima, oghevsevir igiaba a bativi moghɨn, nɨ gumazamizir oveaghuezibar amutɨ, me nguazim ategh ua dɨkavam.

2 Samuel 22:18

Dughiar kamɨn nan apaniba bar gavgavigha na abɨnasava ami. Ezɨ Ikiavɨra Itir God, men dafariba da ua na ini.

Aisaia 41:10

Kɨ ian God, egha kɨ ia ko iti, kamaghɨn amizɨ, ia atiatingan markɨ. Kɨ ia damutɨ ia gavgavightɨ, kɨ ian akuragham. Kɨ bar deravɨra ian ganɨva, uan gavgavir ekiamɨn ian apaniba abɨnam.