2 Samuel 22:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ O Ikiavɨra Itir God, nɨ men atarir adarir kam, mati amɨnir ekiam nɨn atinimɨn otogha me gɨva me munamadi. Nɨn adarir kam ongarim gamizɨ, a bar mɨsɨngi, ezɨ bizir nguazir mɨngarimɨn suiraziba, bar azenim gire.

2 Samuel 22:16 ပူးပေါင်းရင်းမြစ်များ

Nahum 1:4

An ongarim dagarvagh an atartɨ, ongarim dakegham. Egha uaghan fanebagh ami da dati. Egh a suam, biziba ikuvigham, eghtɨ azeniba ko, grazir aghuariba mɨsɨngigh arɨmɨghiregham. Basanɨn nguazir aghuimɨn itir azeniba ko, Karmelɨn Mɨghsɨamɨn itir temeba ko, Lebanonɨn kantrin itir akɨmariba, da bar mɨdiava ariaghiri.

Onger Akaba 106:9

An Akar Gavgavim Ongarir Aghevim ganɨngi, ezɨ a dakegha mɨsɨngi. Ezɨ a gumazamiziba inigha ongarir torir kamɨn apengan itir nguazimɨn tuavir dakɨrtɨzimɨn zui.

Onger Akaba 74:1

O God, nɨ manmaghsua akɨrim ragha e gasara? E nɨn gumazamiziba, nɨ navim en ikuvigh en atar kamaghɨra ikiam, o?

Jopɨn Akɨnafarim 38:11

Kɨ ongarim mɨgɨa ghaze, ‘Nɨ ongarir ekiam, nɨ dɨkav bar pɨn mavanang dɨpɨr izɨ kaghɨra tugh. Nɨ mɨtaghniar kam fagh vongɨn mangan markɨ.’

2 Samuel 22:9

Ikiavɨra Itir God, mɨgharim an atinimɨn otivaghiri, ezɨ avim an akamɨn otivaghira bizir avɨribar isi. Egha mɨzariaba ira tintinibar zui.

Maika 6:2

Eghtɨ ia mɨghsɨaba ko, dagɨar bar gavgavir nguazimɨn apengan ikia, an suirazɨ a gavgavigha ikia mamaghɨra itiba, ia Ikiavɨra Itir Godɨn kotiam baragh. Eghtɨ Ikiavɨra Itir God, kotɨn aven uan gumazamiziba ko uari adoghodoghɨva, egh an akam me gasam.