2 Samuel 22:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ God overiam kuigha izaghiri, ezɨ mɨgharir pɨziba an dagarimningɨn apengan iti.

2 Samuel 22:10 ပူးပေါင်းရင်းမြစ်များ

1 Atriviba 8:12

Ezɨ Solomon kamaghɨn Ikiavɨra Itir God ko mɨgɨa ghaze, “O Ikiavɨra Itir God, nɨ ghaze, nɨ ghuariar bar mɨtarmemɨn aven ikiam.

Onger Akaba 97:2

Overiar mɨgharir pɨziba an okarizɨ, an arazir aghuimɨn gumazamizibagh ativagha men gari.

Onger Akaba 144:5

O Ikiavɨra Itir God, nɨ overiam abigh izighirɨ. Egh uan agharim mɨghsɨabar amadaghtɨ dar mɨturir ekiaba otiv.

Ua Me Ini 20:21

Egha gumazamiziba saghon tuivighavɨra itima, Moses uabɨra ghua God aven itir ghuariar pɨzimɨn boroghɨn zui.

Matyu 27:45

Ezɨ aruem iza pazaghar torim gatima, mɨtatem nguazimɨn itir nguibaba bar da avaragha ghua, dughiam 3 kloghɨn guaratɨzimɨn tu.

Nahum 1:3

Ikiavɨra Itir God a zuamɨram atarir puvatɨ. A Godɨn Gavgavir Ekiaba Itim, egha a zurara arazir kurabagh amir gumazamiziba mɨzazim me gasi. Ikiavɨra Itir God, danganir manamɨn mangɨtɨ, amɨnir ekiam ko amozim otivam, eghtɨ ghuariaba mati an dagarimning nguazim dɨtima, nguazim mɨneziba mɨzi.

Onger Akaba 104:3

Nɨ uan dɨpenim dɨpar pɨn itibagh isɨn an ingari. Ezɨ overiamɨn mɨghariba, da mati nɨn karis, ezɨ amɨnim nɨ atera zui.

Godɨn Araziba 4:11

“God mɨkemegha gɨvazɨ, ia mɨghsɨamɨn boroghɨn ghuegha, an apengan zarimɨn tuivighav ikia gari, mɨghsɨam isia avivzariaba bɨgha pɨn ghuavanaga overiamɨn suighasava amima, ghuariar bar pɨzim mɨghsɨam avara.

Ua Me Ini 19:16

Ezɨ dughiar namba 3ɨn mɨzarazimɨn arariba dagarvazi onɨmariba taghtazima, ghuariar mɨtiar pɨzir mam izaghira mɨghsɨam avara. Ezɨ me sɨghar ararer gavgavir mam baraki. Egha gumazamizir danganir kamɨn itiba, bar atiatigha nɨsi.

Aisaia 63:19

Ezɨ e datɨrɨghɨn mati gumazamizir nɨ fomɨra me gativazir puvatɨziba. Egha mati gumazamizir nɨ uan ziam me gatɨzir puvatɨzibar mɨn iti.