2 Samuel 21:15 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁵ Ezɨ mɨdorozim uam Israelia ko Filistiabar tongɨn oto. Ezɨ Devit uan mɨdorozir gumaziba ko ghuaghira Filistiaba ko mɨsosi. Me uariv sogha ghua Devitɨn gavgaviba bar gɨvazɨma, a ua mɨsoghan ibura.

2 Samuel 21:15 ပူးပေါင်းရင်းမြစ်များ

Fofozir Gumazim 12:3

Eghtɨ dughiar kamɨn, ian dafariba gavgaviba puvatɨgh inɨgham. Eghtɨ ian sueba gavgaviba puvatɨgh ikɨzɨrigham. Eghtɨ ian atariba bar asighiregh vaghvaziba ikɨtɨ, ia dagher gavgavibar aman kogham. Egh ian damaziba ikuvightɨ, ia deravɨra bizibar ganan kogham.

Onger Akaba 71:9

Kɨ ghurigha gɨvagha gavgaviba puvatɨ, nɨ na ategh akɨrim ragh na gasan markɨ.

1 Eghaghaniba 20:4

Egha Israelia gɨn ua Filistiaba ko mɨsosi. Dughiar kamɨn me Geserɨn nguibamɨn uariv sosi. Ezɨ Israelian mav, a Husan nguibamɨn gumazim, an ziam Sibekai, a Filistian gumazir bar dafar ruarir mam mɨsoghezɨ an areme, an ziam Sipai.

2 Samuel 5:25

Ezɨ Devit Ikiavɨra Itir God a mɨkemezɨ moghɨram amigha, Filistiabar agɨragha bar me mɨsuagharɨki. Israelia me mɨsogha Gibeonɨn nguibar ekiamɨn ikegha ghua Geserɨn nguibar ekiamɨn tu.

2 Samuel 5:22

Ezɨ Filistiaba gɨn ua izegha, Refaimɨn danganir zarimɨn tintinibar uari aghamsigha iti.

2 Samuel 5:17

Filistiaba kamaghɨn oraki, Israelia Devit amɨsevezɨma a men atrivimɨn oto. Ezɨ Filistiaba mangɨ me mɨsogh Devitɨn suighasa zui. Me bizir kam damuasa amima Devit fogha, uan danganir mogomer gavgavimɨn uaghirɨ.

Onger Akaba 73:26

Nan nɨghnɨzim ko nan mɨkarzim ua gavgaviba puvatɨghtɨ, God, nɨ uabɨ gavgavim nan navir averiam danɨng. Kɨ ua gumazir igharazitamɨn ganan kogham. Nɨ bar uabɨra kɨ nɨn ganam.

Onger Akaba 71:18

Kɨ datɨrɨghɨn ghurigha gɨvagha bar ghurapani. God, nɨ na ataghɨraghan markɨ. Nɨ na ko ikɨtɨ, kɨ nɨn gavgavir ekiamɨn gun gumazamizir gɨn otivamibav kɨmam.

2 Samuel 21:16

Ezɨ Filistian gumazir mam an ziam Isbibenop, a gumazir dafabar mam, a Devit mɨsueghtɨ, an aremeghasa mɨgei. An afuzir igiar mɨzer ruarir me brasɨn ingarizim iti, ezɨ an osɨmtɨzimɨn dɨbobonim, 3pla ko akuamɨn kilogremɨn tu. Egha uaghan mɨdorozir sabar igiar mam iti.

2 Samuel 8:1

Ezɨ gɨn, Devit uan mɨdorozir gumaziba ko ghua ua Filistiaba ko mɨsosi. Egha me Filistiabav sogha me abɨni, kamaghɨn amizɨ, Filistiaba ua Israelia gativazir puvatɨ.