2 Samuel 21:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ezɨ gumazir aremezir kabar pumuningɨn amebam Rispa, a azir inir ghurir maba inigha, mɨghsɨar kamɨn ghuavanabo. A inir kabar purirpenir muziarir mam dagɨar mam gisɨn an ingari. Egha gumazir kabar kuaba iakɨnir mabar dar garavɨra ikia ghua amozim izir dughiam oto, ezɨ amozim arigha gumazir 7plan kabar aghariba rue. Rispa dɨmagariba ko aruebar gumazir kuar kaba deraghavɨra dar gara iti, puvatɨghtɨ, kuaraziba ko asɨzir atiaba izɨ dar amegham.

2 Samuel 21:10 ပူးပေါင်းရင်းမြစ်များ

Godɨn Araziba 21:23

eghtɨ me an kuam ateghtɨ, a guragh ikɨ mangɨtɨ amɨnim dutughan markɨ. Gumazir ter ighuvimɨn duiba God ghaze, me gumazir kuraba. Ia gumazir kuam an aremezir aruemram a inigh mangɨ mozim datɨgh. Puvatɨghtɨ, nguazir Ikiavɨra Itir God, ian God ia ganɨdir kam an damazimɨn bar mɨzegham.”

Sekaraia 10:1

Dagheba aghungamin dughiamɨn, ia amozim bagh Ikiavɨra Itir Godɨn azangsɨgh. Ikiavɨra Itir God overiar pɨzim ko, ghuariam akuvima, amozim izi, ezɨ dagheba ko, biziba aghui.

Joel 2:23

“Ia nan damazimɨn deraghasa, kɨ ian akurvagha amozir avɨriba ia ganɨdi. Amozir dughiabar iakɨnir faragha zuiba, kɨ amoziba ia ganɨga, egha uaghan amozir dughiabar gɨn izir iakɨniba, kɨ amoziba ia ganɨdi. Kamaghɨn amizɨ, ia Saionɨn gumazamiziba, ia bar akongegh. Kɨ Ikiavɨra Itir God, ian God, kɨ ian akurvaghasa amizir biziba, ia da bagh bar akongegh.

1 Atriviba 21:27

Ezɨ Ahap, Elaijan akam baregha gɨvagha bar oseme. Egha uan korotiam abigha, azirakar korotiam arugha uan dakozim girɨghav ikia, dagheba ataki. A nɨghnɨzir avɨribagh amua, egha deragha uan ingangaribagh amir puvatɨ.

2 Samuel 3:7

Ezɨ dughiar mamɨn, Isboset kamaghɨn akar mam Apner gasa ghaze, “Nɨ nan afeziam Solɨn amuir dozim koma akui. Amizir kamɨn ziam Rispa, a Aian guivim. Nɨ tizim bagha kamaghɨn ami?”

Joel 1:18

Graziba puvatɨzɨ, bulmakaun okoruaba mɨtiriam puvɨra men azi, kamaghɨn amizɨ, me arai, egha dar okoruaba pura tintinibar aruava ongani. Ezɨ sipsipɨn okoruaba uaghan mɨtiriam men azi, ezɨ me aghariba gunigha bar amɨra.

Hosea 6:3

E Ikiavɨra Itir God gɨfoghsɨ, bar puvɨra ingaram. E fo, mɨzarazibar, aruem zuraram anadi. E fo, aruem garir dughiaba gɨvaghtɨ, amozir dughiabar, amoziba nguazim giri. Kamaghɨra, e fo, Ikiavɨra Itir God izɨva deravɨra e damuam.”

Esekiel 39:4

Eghtɨ Gok, nɨ uan mɨdorozir gumaziba ko nɨn akurazir darasi, ia Israelɨn mɨghsɨabar arɨghiregham. Eghtɨ ian kuaba, kuarazir guar avɨriba, ko asɨzir atiaba dar amam.

Jeremaia 14:22

Kantrin igharazitamɨn aser kuratam amozim damightɨ an arigham ti? Puvatɨ. O overiam uabɨ amozim e danigham ti? Bar puvatɨ. Ikiavɨra Itir God, en God, nɨrara nɨ bizir kamagh garibagh ami da otifi. Kamaghɨn amizɨ, e nɨghnɨzir gavgavim nɨn iti.”

Godɨn Araziba 11:14

Egh ia kamaghɨn damutɨ, an amozim amadaghtɨ amozim izamin dughiabar a izam. Azeniba oparir dughiam ko dagheba asir dughiam sara amozim izam. Eghtɨ ia dagheba ko wain ko, olivɨn boreba izɨvagham.

1 Samuel 17:44

Egha a kamaghɨn Devit mɨgei, “Nɨ izɨtɨ, kɨ nɨ mɨsuegh nɨn kuam isɨ kuarazir isaba ko asɨzir atiabar anightɨ, me nɨ amam.”

Jenesis 40:19

Eghtɨ dughiar 3pla tɨghar gɨvtɨ, atrivim kalabusɨn nɨ inigh azenan mangɨ, egh mɨdorozir gumazibav kemeghtɨ, me nɨn fɨrim atugham. Egh me nɨ isɨ ter akɨnitamɨn nɨn kuam aguraghtɨ, kuaraziba izɨ nɨn namnamra amam.”

1 Samuel 17:46

Nɨ oragh. Datɨrɨghɨn dughiar kamra, Ikiavɨra Itir God nɨ isɨ nan dafarim datɨgham. Eghtɨ kɨ nɨ mɨsuegh nɨn dapanim atugham. Egh e ian mɨdorozir gumazibav suegh, men namnaba isɨ kuarazir isaba ko asɨzir atiabar anɨngam. Kɨ kamaghɨn damightɨ, kantribar gumazamiziba bar kamaghɨn fogham, Israelian God, a guizbangɨra God.

2 Samuel 21:11

Ezɨ Devit gɨn Aian guivim Rispa amizir arazir kam baraki.

Godɨn Araziba 21:22

Egha Moses ua kamagh mɨgei, “Gumazitam arazir bar kuram damutɨ, bizir kam bagh me a mɨsueghtɨ an aremegh, eghtɨ me an kuam isɨ tememɨn aneguragham,