2 Samuel 2:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁶ Ezɨ Apner aningɨn apigha, Joapɨn diagha ghaze, “Manmaghɨn ami? Mɨdorozir kam gɨvaghan kogham? Nɨ ti kamaghɨn fozir puvatɨ, arazir kam osɨmtɨzir bar ekiam e danɨngam? E ikɨzir vamɨra. Nɨ dazoghɨn uan gumazibav kemeghtɨ, me uam en agɨntɨghan kogham?”

2 Samuel 2:26 ပူးပေါင်းရင်းမြစ်များ

Jeremaia 46:14

“Ia Mikdol ko Memfis, ko Tapanes ko, Isipɨn itir nguibar maba sara akam akun. Egh kamaghɨn me mɨkɨm, ‘Apaniba otivigh puv ia mɨsoghɨrarigh, egh ian kantrin aven bizir avɨribagh asɨghasigham. Kamaghɨn amizɨ, ia Isipia, uan mɨdorozir biziba akɨrigh tuivigh mɨsoghsɨ ikɨ.

Aposel 7:26

Egha amɨmzaraghan Moses garima Israelɨn gumazimningra uaning mɨsosi. Ezɨ aning uaning gifueghasa a navir amɨrizimɨn aning mɨgei, ‘Maning, gua orakigh, gua avetinganing, egha gua tizim bagha kaghɨra uaning mɨsosi?’

Jeremaia 46:10

“Isipia kamaghɨn mɨkemegha gɨfa. Ezɨ mɨdorozir kam, kar Godɨn Gavgaviba Bar Itimɨn bizim. A en Ekiam. Egha dughiar kamɨn a uan apaniba ivezir kuram me ikarvasi. Mɨdorozim bar gavgavizɨ, gumaziba pura tintinibar ariaghiri. Mati mɨdorozir sabam mɨtiriam puv an azima, a gumazibar mɨkarziba ko ghuziba apava, bar izɨfa. Ikiavɨra Itir Godɨn Gavgaviba Bar Itim, gumazamizir kabav soghezɨ me ariaghire. Egha mati, a uabɨ notɨn amadaghan, Yufretisɨn Fanemɨn boroghɨn ofa gami.”

Hosea 11:6

Mɨdorozir ekiam otoghtɨ, apaniba nguibar ekiam avɨnizir dɨvazimɨn tiar akar ekiam akarigh, ivemar nguibar ekiamɨn aven mangɨ me ko mɨsogham. Nan gumazamiziba uan ifongiamɨn gɨn zui, kamaghɨn amizɨ, mɨdorozir kam me agɨvagham.

Jeremaia 12:12

Eghtɨ apanir avɨriba otivigh, gumazamiziba puvatɨzir danganir mɨghsɨabar tuavimɨn izɨ, biziba bar dagh asɨghasɨgham. Guizbangɨra, kɨ Ikiavɨra Itir God, kɨ apanibar amutɨ, me ian kantrin otevir mamɨn ikegh, mangɨ otevir igharazimɨn gumazamiziba bar me gasɨghasɨgham. Eghtɨ gumazitam ua deragh ikian kogham.

Jeremaia 4:21

Eghtɨ dughiar manatamra apaniba e ategh ua uan nguibabar mangam. Egh me manadɨzoghɨn sɨgham givia, nir avɨzim ghufer arazim ategham? Kɨ arazir kamra ikia ghua bar amɨra!”

Jeremaia 2:30

Ian marazi kɨ ivezir kuram me ganɨga, me mɨsoghezɨ me ariaghire, ezɨ ian avɨriba kɨ ia gamizir bizir kamɨn ganigha, me uan arazir kuraba ataghizir pu. Bar puvatɨ. Ia mati laionba asɨziba zuamɨra dar suigha dav sozi da ariaghiri moghɨn, ia nan akam inigha izir gumaziba, mɨdorozir sabamɨn me mɨsoghezɨ me ariaghire.

Aisaia 1:20

Egh ia aghuagh nan akam batueghtɨ, ian apaniba izɨ ia mɨsoghtɨ, ia arɨghiregham. Kɨ Ikiavɨra Itir God, kɨ mɨkemegha gɨfa.”

Aghuzir Akaba 17:14

Gumazim akam adarir mam gamizɨ an oto, a mati gumazim dɨpam apɨrizir dɨvazir ekiam torim a gatɨ. Kamaghɨn an arazir kam ateghtɨ, adarir ekiaba otivan kogham.

Onger Akaba 4:2

O gumaziba, dughiabar manmaghɨn, ia akar aghumsɨziba na gasɨ nan ziam gasɨghasɨvɨra ikiam? Egh dughiabar manmaghɨn, ia nguazir kamɨn bizir kɨnibagh ifueghvɨra ikiam? Ia dughiabar manmaghɨn arazir ifavarim gifueghɨvɨra ikiam? (Ighiam gamua an suiam atugha avughsegha ua ighiam gami.)

Jopɨn Akɨnafarim 19:2

“Ian mɨgɨrɨgɨaba mɨzazir ekiam na ganɨga, puvɨra na abɨra na gasɨghasɨsi. Ia dazoghɨn mɨgɨrɨgɨar kaba ategham?

Jopɨn Akɨnafarim 18:2

“Jop, nɨ dazoghɨn uan akam dukuagham? Nɨ deravɨra uan mɨgɨrɨgɨaba tuisɨghtɨ, e nɨ ko mɨkɨmam.

2 Samuel 11:25

Ezɨ Devit a mɨgɨa ghaze, “Nɨ uamategh mangɨ Joapɨn mɨkɨm suam, A mɨdorozimɨn aven otivizir bizibagh nɨghnigh, egh da bagh pamtemɨn nɨghnɨghan markɨ. Gumazitam foghan kogham, tinara mɨdorozimɨn aven ovegham. Kamaghɨn amizɨ, an Amonia mɨsogh me abɨnigh, egh men nguibar ekiam bar a gasɨghasɨkigh.”

2 Samuel 2:16

Me vaghvagha mɨdorozimɨn uari abɨnasava amua, egha me vaghvagha uan apanibar dapanibar suigha, mɨdorozir sababar uan apanibar navibagh inifi. Egha 24plan gumazir kaba bar moghɨra iregha ariaghire. Kamaghɨn amizɨ, gumazamiziba danganir kam dɨbora ghaze, “Mɨdorozir Sababar Danganim.”

2 Samuel 2:14

Ezɨ Apner kamaghɨn Joapɨn azara, “E mɨdorozir gumazir igiar aghui taba inightɨ, me en damazibar ikararang uariv sogham.” Ezɨ Joap ghaze, “A dera, me mamaghɨra damuam.”

2 Samuel 2:25

Aning garima, Benjaminɨn gumaziba Apner ko mɨghsɨar dozir mamɨn uari akuvagha, pura mɨdorozim bagha uari arɨgha iti.

2 Samuel 2:27

Joap kamaghɨn oregha a ikara, “Ikiavɨra Itir Godɨn ziamɨn kɨ guizbangɨra nɨ mɨgei, nɨ ti akar kamɨn na mɨkemezir puvatɨzɨ, nan gumaziba ian agɨntɨgha ghua gurum mɨzaraghan otoghan koghai.”