2 Samuel 2:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Ezɨ Seruian otarim Joap, ko Devitɨn ingangarir gumaziba, me bar moghɨra iza Gibeonɨn dɨpar akaremɨn boroghɨn me bato. Isbosetɨn adarazi dɨpar akaremɨn vongɨn apiaghav itima, Devitɨn adarazi vongɨn apiaghav ti.

2 Samuel 2:13 ပူးပေါင်းရင်းမြစ်များ

1 Eghaghaniba 2:16

Jesi uaghan guivir pumuning iti, Seruia ko Abigel. Ezɨ Seruia otarir 3pla iti, Abisai ko Joap ko Asahel.

2 Samuel 8:16

Seruian otarim Joap, a mɨdorozir gumazibar dapanim. Ezɨ Ahilutɨn otarim Jehosafat, a gavmanɨn akɨnafariba osirir gumazir faragha zuim.

Jeremaia 41:12

Kamaghɨn amizɨ, me dɨkavigha uan mɨdorozir gumaziba inigha, Ismael mɨsoghasa an gɨntɨgha zui. Me an gɨntɨgha ghua Gibeonɨn nguibamɨn itir dɨpar akarer ekiamɨn boroghɨram a bato.

1 Eghaghaniba 11:6

Devit faragha nguibar ekiar kam ko mɨsoghasa kamaghɨn uan mɨdorozir gumazibav gei, “Gumazir manam bar faraghɨvɨra Jebusian gumazitam mɨsueghtɨ an aremegham, a nan mɨdorozir gumazibar gumazir dapanimɨn ikiam.” Ezɨ Seruian otarim Joap, a faragha ghua mɨdorozim fore. Kamaghɨn amizɨ, Devit anemɨsevezɨ, a mɨdorozir gumazibar gumazir dapanimɨn oto.

1 Atriviba 1:7

Egha a ghua Seruian otarim Joap, ko ofa gamir gumazim Abiatar, aning ko mɨkemezɨma, aning an akuraghtɨ an atrivimɨn otivasa aning ifonge.

2 Samuel 20:23

Joap datɨrɨghɨn Israelian mɨdorozir gumazibar dapanir bar faragha zuim. Ezɨ Jehoiadan otarim Benaia, a mɨdorozir gumazir atrivim geghuvibar gumazibar dapanim, kar Keretia ko Peletia.

2 Samuel 2:18

Seruian otarir 3plan ziabar kara: Joap, Abisai ko Asahel, me uaghan mɨdorozir kamɨn iti. Asahel, an asɨzir atiabar mɨn bar pamtemɨn ivemari.

2 Samuel 20:8

Me ghua Gibeonɨn dagɨar ekiamɨn otozɨ, Amasa iza me bato. Dughiar kamɨn, Joap mɨdorozir korotiam arugha mɨdorozir sabam inigha uan letiamɨn anemɨghɨrɨ. Mɨdorozir sabar kam uan mɨsevimɨn aven iti, ezɨ Joap Amasan boroghɨn zuir dughiamɨn mɨdorozir sabam suiaghɨrɨgha nguazim girɨ.

1 Atriviba 2:5

“Ezɨ Solomon, nɨ oragh. Nɨ fogha gɨfa, Seruian otarim Joap, an arazir kurar kam, an osɨmtɨzir ekiam na ganɨngi. A Israelian mɨdorozir gumazibar dapanir faragha zuimning mɨsoghezɨ, aning areme. Kar, Nerɨn otarim Apner ko Jeterɨn otarim Amasa. A mɨdorozimɨn dughiamɨn aning mɨsoghezɨ aning aremezir puvatɨ. Bar puvatɨ. A pura gumazir kamning mɨsoghezɨ aning areme, ezɨ aningɨn osɨmtɨzim an ikiavɨra iti.

1 Samuel 26:6

Abisai, a Seruian otarim, egha Joapɨn aveghbuam. Ezɨ Devit kamaghɨn, Hitɨn gumazim Ahimelek ko Israelian gumazim Abisai mɨgei, “Guan tinara na ko dɨmangan Solɨn averpenibar magɨram?” Ezɨ Abisai ghaze, “Kɨ mangam.”

2 Samuel 23:24

Kar 30plan mɨdorozir gumazir gavgavibar ziaba: Asahel, a Joapɨn dozim, Betlehemɨn nguibamɨn gumazim Elhanan, a Dodon otarim, Sama, a Harotɨn nguibamɨn gumazim, Elika, a Harotɨn nguibamɨn gumazim, Heles, a Peletian nguibar ekiamɨn gumazim, Ira, a Ikesɨn otarim, a Tekoan nguibar ekiamɨn gumazim, Abieser, a Anatotɨn nguibar ekiamɨn gumazim, Mebunai, a Husan nguibamɨn gumazim, Salmon, a Ahohin adarazir gumazim, Maharai, a Netofan nguibar ekiamɨn gumazim, Banan otarim Helep, a Netofan nguibar ekiamɨn gumazim, Itai a Ribain otarim, a Gibean nguibar ekiamɨn Benjaminɨn anabamɨn gumazim, Benaia, a Piratonɨn nguibar ekiamɨn gumazim, Hidai a Gasɨn Mɨghsɨamɨn boroghɨn itir danganir zarimɨn gumazim, Abialbon a Araban nguibar ekiamɨn gumazim, Asmavet, a Bahurimɨn nguibamɨn gumazim, Eliaba, a Salbonɨn nguibar ekiamɨn gumazim, Jasen, a Gunɨn nguibamɨn gumazim, Saman otarim Jonatan, a Hararɨn nguibamɨn gumazim, Ahiam, a Sararɨn otarim, a Hararɨn nguibamɨn gumazim, Ahasbain otarim Elifelet, a kantri Makan gumazim, Ahitofelɨn otarim Eliam, a Gilon nguibamɨn gumazim, Hesro, a Karmelɨn nguibar ekiamɨn gumazim, Parai a Arapɨn nguibamɨn gumazim, Natanɨn otarim Igal, a Soban nguibar ekiamɨn gumazim, Bani, a Gatɨn anabamɨn gumazim, Selek, a kantri Amonian gumazim, Naharai a Berotɨn nguibar ekiamɨn gumazim, a Seruian otarim Joapɨn mɨdorozir afuziba ko bizir igharaziba sara aterir gumazim, Ira, a Itran ikɨzimɨn gumazim, Garep, a Itran ikɨzimɨn gumazim, Uria, a Hitian gumazim. Mɨdorozir gumazir kabar dɨbobonim 37ɨn tu.

1 Eghaghaniba 27:7

Ezɨ Asahel, a Joapɨn dozim, a namba 4 iakɨnimɨn ingangarim damuamin 24,000plan gumaziba me geghuva men gari. Ezɨ an otarim Sebadaia, gɨn an danganim ini.