2 Samuel 19:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ “Nɨ oragh, nɨ dɨkavigh zuamɨra mangɨ mɨdorozir gumaziba deravɨra me mɨkɨmɨva, men navibar amightɨ da deraka. Kɨ Ikiavɨra Itir Godɨn ziamɨn guizbangɨra nɨ mɨgei, nɨ kamaghɨn damighan koghtɨ, datɨrɨghɨn dɨmangan me nɨ ateghtɨ, nɨ bar osɨmtɨzir ekiam iniam. Eghtɨ osɨmtɨzir kam osɨmtɨzir nɨ uan igiamra ikia iza datɨrɨghɨn tuzir osɨmtɨziba, bar dagh afiragham.”

2 Samuel 19:7 ပူးပေါင်းရင်းမြစ်များ

Aghuzir Akaba 14:28

Atrivim gumazamizir avɨrim gativaghtɨ, gumazamiziba ziar ekiam a danɨngam. Eghtɨ atrivim gumazamizir vabaram ativagham, egh a gumazir kɨnimɨn mɨn ikiam.

Jenesis 34:3

Sekem, a Jekopɨn guivim Dainan gari, an ganganiba bar an derazɨma, a bar a gifuegha anepezepera mɨgɨrɨgɨar otevir bar isɨngtɨzibar a gamuavɨra iti.

Hosea 2:14

Egha Ikiavɨra Itir God uam akar isɨn zuimɨn kamaghɨn mɨgei: “Kɨ akar aghuimɨn amizir kam mɨkɨmɨva, egh uam a gekuigh gumazamiziba puvatɨzir danganimɨn mangɨgham. Egh an asughasugh anepezeperɨva, kamaghɨn a mɨkɨmam, ‘Kɨ bar nɨ gifonge.’

Aisaia 40:1

Ian God ghaze: “Ia gavgavim isɨ nan gumazamizibar anɨngtɨ, me navir amɨrizimɨn ikɨ.

Aghuzir Akaba 19:15

Gumazir amɨraziba zurara akuavɨra iti. Gumazir puram apiav itim, a dagheba puvatɨgh egh mɨtiriabara ikiam.

2 Samuel 19:6

Ezɨ gumazir nɨ gifongeziba, nɨ me gifongezir puvatɨ. Ezɨ gumazir nɨ gifongezir puvatɨziba nɨ me gifonge. Nɨn arazim bighavɨra kamaghɨn en akagha ghaze, nɨn ingangarir gumazir dapaniba ko mɨdorozir gumaziba, me pura biziba. Ezɨ kɨ fo, Apsalom ti angamɨra itima e bar ariaghirezɨ, nɨ ti bar akongeghai.