2 Samuel 18:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Apsalom fomɨra angamɨra itir dughiamɨn, a dagɨar ruarir ekiar mam inigha Atrivimɨn Danganir Zarimɨn uan ziamɨn ababanim gamuava, anesara. Egha a kamaghɨn mɨgei, “Kɨ otarir nan danganim iniamba puvatɨ, eghtɨ a Israelia damutɨ, me na gɨnɨghnɨgham.” A bizir kam bagha uan ziam isa dagɨar kam gatɨ. Ezɨ datɨrɨghɨn gumazamiziba uaghan dagɨar kam dɨbora ghaze, “Apsalomɨn Dagɨam.”

2 Samuel 18:18 ပူးပေါင်းရင်းမြစ်များ

Daniel 4:30

Egha kamaghɨn mɨgei, “Ia gan, Babilon a nguibar bar ekiam egha bar dera. Nan gavgavimɨn kɨ uabɨ an ingari, kɨ nguibar kam gamizɨ an otogha, uan gavgavim ko ziar ekiam isɨ gumazamizibar akakaghasa.”

2 Samuel 14:27

Apsalom amuimɨn ikia otarir 3pla ikia egha guivir vamɨra iti, an ziam Tamar. A bar amizir dirim.

1 Samuel 15:12

Bar mɨzaraghara Samuel dɨkavigha Sol bagha zui. Ezɨ me a mɨgɨa ghaze, Sol Karmelɨn nguibar ekiamɨn ghugha, mɨdorozim gafiragha ziar ekiam ini. Bizir kam bagha, a dagɨar ababanim asara. An anesaragha gɨvagha Gilgalɨn nguibar ekiamɨn ghu.

Jenesis 14:17

Ezɨ Abram, Kedorlaomer uan namakaba ko, me mɨsogha me abɨni. Egha a uamategha izima, Sodomɨn atrivim ghua danganir zarir me kamagh dɨborim, “Save,” an a bato. Ezɨ an ziar mam kamakɨn: Atrivibar Danganir Zarimra.

Onger Akaba 109:13

Kɨ kamaghsua, an ovavir boriba uaghan bar arɨmɨghiregham, eghtɨ gɨn otivamin adarazi ua gumazir kamɨn ziam gɨnɨghnɨgh a dɨponan kogham.

Onger Akaba 49:11

Gumazamizir kaba faragha uari nguaziba iti. Datɨrɨghɨn matmatiaba men nguibar me zurara ikiamibar mɨn ikiam.

Jenesis 11:9

Dughiar kam, Ikiavɨra Itir God gumazamizir kabar akar me mɨgeiba abɨagharɨghizɨ, me tintinibar nguazimɨn danganiba bar adar ghue. Kamaghɨn me nguibar ekiar kam dɨbora ghaze, “Babel.”

Jenesis 11:4

Egha me ghaze, “E datɨrɨghɨn uari uari bagh nguibar ekiatamɨn ingaram, egh an aven tauan bar ruaritam asaraghtɨ, an ruarim mangɨ overiamɨn suiragham. Egh kamagh, e uari abɨgh mangɨ tintinibar nguazimɨn nguibar igharazibar ikian kogham. E kamaghɨn damutɨ, gumazamiziba bar ziar bar ekiam e danɨngam.”

Jeremaia 22:30

Ikiavɨra Itir God kamaghɨn mɨgei: “Nɨ kamaghɨn gumazir kamɨn eghaghanim osirigh. Gumazir kam, mati gumazim boriba puvatɨzɨ moghɨn, bizir an amiba bar deragh otivan kogham. Bizir kam bangɨn, an boritam an danganim inigh, Devitɨn atrivir dabirabim daperagh, Judan nguazim gativaghan kogham.”

Dɨboboniba 32:42

Ezɨ gumazir mam, an ziam Noba, a uan adarazi ko ghua Kenatɨn nguibam ko nguibar dozir an boroghɨn itiba ko mɨsogha, men agɨntɨgha men nguibaba ini. Egha a uan ziam, “Noba,” Kenat gatɨ.

Aisaia 22:16

“Sepna, nɨ nguaziba ko ikɨziba kagh itir puvatɨ. Tinara nɨn amamangatɨzɨ, nɨ uabɨ fa pɨn itir mɨghsɨamɨn ghua, ua bagha dagɨam abigha torim okore, eghtɨ dagɨar torir kam, nɨ bagh mozir bar aghuimɨn otogham?