2 Samuel 15:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁶ Kɨ pura iti. Eghtɨ Ikiavɨra Itir God na gakueghan kogham, a dera, a bizir tizimɨn na damusɨ a puram a damu.”

2 Samuel 15:26 ပူးပေါင်းရင်းမြစ်များ

1 Samuel 3:18

Kamaghɨn amizɨ, Samuel Ikiavɨra Itir Godɨn akaba bar dar gun a mɨkeme, egha bizitam an ghuarazir pu. Bar puvatɨ. Ezɨ Eli oregha kamaghɨn mɨgei, “A uabɨ Ikiavɨra Itir God, a bizir tizim damuasa ifonge ana damu.”

1 Atriviba 10:9

Kɨ Ikiavɨra Itir God, nɨn Godɨn ziam fe. A navir aghuim nɨn ikia nɨ gamizɨ, nɨ Israelian atrivimɨn iti. A bar Israelia ia gifongegha, an ifongiar kam ian ikiavɨra iti. Nɨ guizɨn arazim ko arazir aghuimɨn deraghvɨra Israelian gan me geghuvam. A kamaghsua nɨ gamizɨ, nɨ atrivimɨn oto.”

2 Samuel 22:20

A deravɨra nan gara nan akurazɨ, kɨ danganir aghuimɨn ikia deravɨra iti. A bar guizbangɨra na gifonge, egha kamaghɨn a ua na ini.

Aisaia 62:4

Eghtɨ gumazamiziba ua kamaghɨn nɨ dɨponan kogh suam, “Ekiam nɨ ategha gɨfa.” Eghtɨ nɨn nguazim gumazamiziba ua kamaghɨn a dɨponan kogham, “Nguazir kam, gumaki, a bar ikuvigha pura iti.” Puvatɨ. Kamaghɨn amizɨ, me kamaghɨn fogham, Ikiavɨra Itir God navir aghuim nɨn ikiava, nɨ bagha bar akonge. Egh me ziar igiam kamaghɨn nɨ dɨpon suam, “God bar a gakonge.” Ezɨ nɨn nguazim mati amizim, an pam uam a inigha, a bagha bar akonge. Eghtɨ nɨn nguazim me kamaghɨn a dɨponam, “An amizir pamɨn itimɨn mɨn iti.”

2 Eghaghaniba 9:8

Kɨ Ikiavɨra Itir God, nɨn Godɨn ziam fe. A navir aghuim nɨn ikia nɨ gamizɨ, nɨ Israelian atrivimɨn iti. A bar Israelia ia gifongegha an ifongiar kam ian ikiavɨra iti. Nɨ guizɨn arazim ko arazir aghuimɨn deraghvɨra Israelian gan me geghuvam. A kamaghsua nɨ gamizɨ, nɨ atrivimɨn oto.”

Dɨboboniba 14:8

Ikiavɨra Itir God, e bagha bar akongegha, guizbangɨra e inigh nguazir kamɨn aven mangɨ a isɨ e danɨngam. Kar nguazir bar aghuim, ezɨ dagheba an ikiava bar deraghavɨram aghui.

Matyu 1:10

Ezɨ Hesekia Manasen afeziam. Ezɨ Manase Emonɨn afeziam. Ezɨ Emon Josaian afeziam.

Jeremaia 32:41

Egh kɨ uaghan uan navir averiamɨn aven nɨghnɨzir vamɨra ikiam, kar kɨ me gakuegh deraghvɨra me damuam, egh me ateghtɨ me deraghvɨra nguazir kamɨn ikiam.

Jeremaia 22:28

Ezɨ Jeremaia kamaghɨn mɨgei: “Manmagh ami? Gumazir kam Jehoiakin, a mati nguazir mɨner kurar mam bɨghizɨ gumazamiziba an aghuaz, o? Manmaghsua Ikiavɨra Itir God an boriba sara nguazir me fozir puvatɨzimɨn me akunasa?

Aisaia 42:1

Ikiavɨra Itir God ghaze: Ia gan! Kar nan ingangarir gumazim, kɨ uabɨ anemɨsefe, egha kɨ bar a gifuegha, a bagha bar akonge. Egha uan Duam isa a gatɨ. Eghtɨ a nguazir kamɨn kantribar gumazamiziba guizɨn arazimɨn gɨn mangɨsɨ me tuisɨgham.

Onger Akaba 39:9

Nɨ uabɨ osɨmtɨzir kam na ganɨngi. Ezɨ kamaghɨn, kɨ akam akarigh bizitam mɨkɨman kogham. Kɨ uan akam dukuagh pura ikiam.

Gumazir Dapaniba 10:15

Ezɨ Israelia kamaghɨn Ikiavɨra Itir God mɨgei, “E arazir kuram gami. Nɨ bizir tizimɨn e damusɨ, nɨ a damu. Ezɨ e datɨrɨghɨn uarir akurvaghasa nɨn azangsɨsi.”

2 Samuel 11:27

A uan pam gɨbua a bagha ikegha gɨvazɨma, Devit gumazir mabav kemezɨ me Batseban akua a bagha atrivimɨn dɨpenimɨn ize. Ezɨ Devit an itima, an otarir mam bate. Ezɨ Devit amizir arazir kam, Ikiavɨra Itir God bar a gifongezir puvatɨ.

1 Eghaghaniba 21:7

Ezɨ me Israelian gumazamiziba medir arazir kam, God bar a gifongezir puvatɨ. Kamaghɨn amizɨ, a mɨzazim Israelia gase.

Josua 9:25

Egha e datɨrɨghɨn nɨn agharimɨn iti. Nɨ bizir tizim gɨnɨghnɨzi a nɨn dera, nɨ puram a damu.”

2 Samuel 10:12

Ia atiatingan markɨ! E uan gumazamiziba ko nguibar ekiar God e ganɨngiziba bagh nɨghnigh pamtemɨn mɨsogham. Eghtɨ Ikiavɨra Itir God damuasa ifongezir bizir aghuim a mar guizbangɨrama otogh.”

2 Samuel 19:28

Kɨ fo, nɨ nan afeziamɨn adarazir gumazamiziba bar me mɨsueghtɨ me arighireghamin gavgavim iti. Ezɨ puvatɨ, nɨ nan apangkuvigha na ataghizɨ, kɨ zurara nɨn dɨpenimɨn aven itir dagher dakozimɨn api. Kamaghɨn amizɨ, kɨ ua bizir igharaz tam uabɨ danɨngɨsɨ nɨn azangan kogham.”