2 Samuel 15:25 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁵ Ezɨ atrivim kamaghɨn Sadok mɨgei, “Nɨ Akar Dɨkɨrɨzir Gavgavimɨn Boksiam inigh uamategh nguibar ekiamɨn mangɨ. Eghtɨ Ikiavɨra Itir God na gifuegh, egh nan amamangatɨghtɨ kɨ ua izɨ, Akar Dɨkɨrɨzir Gavgavimɨn Boksiam ko Purirpenir a itimɨn ganam.

2 Samuel 15:25 ပူးပေါင်းရင်းမြစ်များ

Jeremaia 25:30

“Jeremaia, kɨ nɨ ganɨngizir akaba, nɨ bar adar gun mɨkemegh. Nɨ gumazamizir kaba kamaghɨn me mɨkemegh: “ ‘Ikiavɨra Itir God uan Nguibamɨn overiamɨn ikɨva, pamtemɨn tiarim akarigh uan gumazamizibav kɨmam. A pamtemɨn nguazir kamɨn uan gumazamizibar diagham, mati gumaziba wainɨn dɨpaba otivasa wainɨn ovɨziba dɨka dei moghɨn dɨmam.

Onger Akaba 84:10

Kɨ aruer vamɨran nɨn dɨpenimɨn gumaziba uari akuvi naghɨn iti, a bar dera. Aruer kam, a 1,000plan aruer kɨ nguibar igharazimɨn itibagh afira. Kɨ uan Godɨn Dɨpenimɨn tiar akamɨn tughɨv ikiasa bar akonge. Kɨ gumazir kurabar dɨpenibar ikian aghua.

Onger Akaba 26:8

O Ikiavɨra Itir God, Dɨpenir nɨ itim kɨ bar a gifonge. Danganir kam, nɨn angazangarim ko gavgavir ekiam bar a gizɨvagha iti.

Ua Me Ini 15:13

Nɨ bar uan gumazamiziba men apangkuvigha men akuragha me inigha, men faragha ghua me inigha zui. Nɨ uan gavgavimɨn men darorimɨn faragha ghua, danganir aghuarir nɨ uabɨ itimra, nɨ men akua a bagha zui.

Jeremaia 7:4

Ia kamaghɨn mɨgei, ‘Kar Ikiavɨra Itir Godɨn Dɨpenim. Kar Ikiavɨra Itir Godɨn Dɨpenim. Kar Ikiavɨra Itir Godɨn Dɨpenim.’ Egha ia kamaghɨn mɨgɨa uarira uarigh ifari. Dɨpenir kam tong ian akuragh ia damutɨ, ia Godɨn damazimɨn deraghvɨra ikian kogham.

Aisaia 38:22

Ezɨ Hesekia faragha uaghan kamaghɨn Aisaian azara, “Ikiavɨra Itir God, ababanir manam nan akaghtɨ, kɨ an ganigh fogh suam, kɨ uam an Dɨpenimɨn mangɨ, an ziam fam?”

Onger Akaba 122:9

Kɨ, Ikiavɨra Itir God, en God, an Dɨpenim gɨnɨghnɨsi. Egha Jerusalem bar deraghvɨra ikiasa kɨ a bagha God ko mɨgei.

Onger Akaba 122:1

Kɨ orazi, me kamagh na mɨgɨa ghaze, “Ia dɨkavigh e mangɨ Ikiavɨra Itir Godɨn Dɨpenimɨn mangam.” Kɨ kamaghɨn oregha bar akonge.

2 Samuel 7:2

Egha atrivim kamaghɨn akam inigha izir gumazim Natan mɨgei, “Kɨ dɨpenir aghuir me sidan temebar ingarizim gaperaghav iti. Ezɨ Godɨn Akar Dɨkɨrɨzir Gavgavimɨn Boksiam, a purirpenimɨn iti. Bizir kam ti derazir puvatɨ.”

2 Samuel 6:17

Ezɨ me Ikiavɨra Itir Godɨn Boksiam isava, Devit a bagha ingarizir purirpenimɨn aven anetɨ. Egha Devit ofan bar isia mɨghɨriba ko, gumazamiziba God ko navir vamɨran ikiamin ofabagh ami.

Ua Me Ini 33:12

Moses kamaghɨn Ikiavɨra Itir God mɨgei, “Guizbangɨra, nɨ gumazamizir kaba inigh nguazir kamɨn mangasa na mɨkeme. Egha nɨ gumazir nan gɨn mangɨ nan akurvaghamin tamɨn gun na mɨkemezir puvatɨ. Nɨ ghaze, ‘Kɨ bar deragha nɨ gɨfogha, bar nɨ gifonge.’

Ua Me Ini 33:13

Kamaghɨn, nɨ guizɨn na gifongegh, uan nɨghnɨziba na mɨkemeghtɨ, kɨ deravɨra nɨ gɨfoghɨva arazir nɨ ifongezibar amuvɨra ikiam. Egh nɨ uaghan gumazamizir nɨ ua bagha inabazir kaba gɨn amangan markɨ.”