2 Samuel 14:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ezɨ Atrivim Devit, amizimɨn akam baregha kamaghɨn a ikaragha ghaze, “A dera, kɨ nɨn osɨmtɨzim nɨ bagh anekɨram. Nɨ uamategh uan dɨpenimɨn mangɨ.”

2 Samuel 14:8 ပူးပေါင်းရင်းမြစ်များ

Aghuzir Akaba 18:13

Nɨ faragh oregh, egh gɨn akam ikaragh. Nɨ kamaghɨn damighan kogh, nɨ arazir onganim damigh, aghumsigham.

Jopɨn Akɨnafarim 29:16

Kɨ mati onganarazibagh amir gumazibar afeziam, egha men akurvasi. Gumazir kɨ fozir puvatɨziba, kɨ kotɨn aven men akurvasi. Igharaz darazi kotɨn aven akabar me abɨri, ezɨ kɨ men akaba isa me bagha mɨgei.

2 Samuel 16:4

Ezɨ Atrivim Devit kamaghɨn oregha Siba mɨgɨa ghaze, “A dera, kɨ datɨrɨghɨn Mefibosetɨn biziba bar nɨ danɨngam.” Ezɨ Siba kamaghɨn Devit ikara, “Atrivim, nan gumazir ekiam, kɨ nɨn damazimɨn tevimning apɨrigha ziar ekiam nɨ ganɨdi. Kɨ kamaghsua, bizir kɨ damuamiba nɨ damutɨ, nɨ na gifueghɨvɨra ikiam.”

2 Samuel 14:7

Ezɨ datɨrɨghɨn nan pamɨn ikɨzimɨn adarazi bar dɨkavigha nan atara ghaze, otarir uan aveghbuam mɨsoghezɨ an aremezim, nɨ a isɨ en dafarim datɨghtɨ, e a mɨsueghtɨ an aremegh, uan aveghbuamɨn ovevem ikaragham. Kɨ men akamɨn gɨn mangɨva, kɨ otariba puvatɨgham. Mati kɨ avivkɨar mam iti, ezɨ me anemungasa. Me kamaghɨn damightɨ, nan pam ko an ikɨzimɨn ziam nguazir kamɨn ikian kogham.”

2 Samuel 14:9

Ezɨ Tekoan amizim kamaghɨn atrivim mɨgei, “Atrivim, nan gumazir ekiam, osɨmtɨzir kam na ko nan afeziamɨn adarazir izam. Eghtɨ nɨ ko nɨn dɨpenimɨn itir darazi osɨmtɨziba puvatɨgham.”