2 Samuel 14:27 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁷ Apsalom amuimɨn ikia otarir 3pla ikia egha guivir vamɨra iti, an ziam Tamar. A bar amizir dirim.

2 Samuel 14:27 ပူးပေါင်းရင်းမြစ်များ

2 Samuel 18:18

Apsalom fomɨra angamɨra itir dughiamɨn, a dagɨar ruarir ekiar mam inigha Atrivimɨn Danganir Zarimɨn uan ziamɨn ababanim gamuava, anesara. Egha a kamaghɨn mɨgei, “Kɨ otarir nan danganim iniamba puvatɨ, eghtɨ a Israelia damutɨ, me na gɨnɨghnɨgham.” A bizir kam bagha uan ziam isa dagɨar kam gatɨ. Ezɨ datɨrɨghɨn gumazamiziba uaghan dagɨar kam dɨbora ghaze, “Apsalomɨn Dagɨam.”

2 Samuel 13:1

Bizir kamɨn gɨrara, arazir mam oto. Devitɨn otarim Apsalom, a buaramizir mam iti, an ziam Tamar. An ganganiba bar dera. Ezɨ Devitɨn otarir igharazir mam, an ziam Amnon, amebar igharazim a bate. A bar Tamar gifongegha, a bagha navim dɨkafi.

Jeremaia 22:30

Ikiavɨra Itir God kamaghɨn mɨgei: “Nɨ kamaghɨn gumazir kamɨn eghaghanim osirigh. Gumazir kam, mati gumazim boriba puvatɨzɨ moghɨn, bizir an amiba bar deragh otivan kogham. Bizir kam bangɨn, an boritam an danganim inigh, Devitɨn atrivir dabirabim daperagh, Judan nguazim gativaghan kogham.”

Aisaia 14:22

Ikiavɨra Itir Godɨn Gavgaviba Bar Itim kamaghɨn mɨgei: “Kɨ Ikiavɨra Itir God, kɨ uabɨ dɨkavigh mangɨ Babilonia mɨsoghɨva, me gasɨghasɨgh bar me agɨvagham. Kɨ men tav ateghtɨma a ikian kogham. Bar puvatɨ. Gumaziba ko, amiziba ko, boriba, bar gɨvagham.

2 Samuel 11:2

Egha guaratɨzir mamɨn aruem uaghira bar mɨgorima, Devit uan mɨsiamɨn dɨkavigha avughsa uan dɨpenimɨn pɨn itir danganim garui. Egha garima amizir mam uan dɨpenimɨn rua iti. Amizir kam, an ganganiba bar dera.