2 Samuel 14:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁶ An dapanir arɨzim bar mɨtemegha, aghua ruarvagha a baseir dughiamɨn, an azeniba vaghvagha gevir dughiamɨn an anepɨri. Egha me dapanir arɨzir a dɨpɨrizir kamɨn osɨmtɨzimɨn gari, an atrivimɨn skelɨn a kilogremɨn pumuningɨn tu.

2 Samuel 14:26 ပူးပေါင်းရင်းမြစ်များ

Esekiel 44:20

“Ofa gamir gumaziba uan dapanir arɨziba apɨr, bar adagh isɨtɨ da dapanir tuziba ikian markɨ. Egh me uan dapanir arɨziba ateghtɨ da mangɨ ruarighan markɨ.

1 Korin 11:14

Nguazir kamɨn gumazamizibar arazim, kamaghɨn en aka, gumazimɨn dapanarɨzim ruaraghtɨ, kamaghɨn deraghan kogham.

2 Samuel 18:9

Ezɨ Apsalom donki gaperagha ghua, Devitɨn mɨdorozir gumazir maba batogha ara zui, ezɨ an donki okɨn temer ekiar mamɨn apengan zuima, an dapanir arɨzim temer aguar mamɨn guragha gavgafi. Ezɨ Apsalom guraghav itima, an donki ivemara ghuavɨra iti, ezɨ Apsalom overiam ko nguazimɨn tɨzimɨn guraghav iti.

Aisaia 3:24

Eghtɨ dughiar kamɨn, Saionɨn amiziba, fomɨra deragha kurti moghɨn ua kurukan kogham. Me borer mughuriar aghuim zuiba puvatɨgham, eghtɨ men mɨkarziba bar puvɨra mughagham. Me ua mɨteba uan ivariaba amɨghɨnan kogham, egh uan ivariaba pura benir kɨnibar uari amɨghɨnan. Me ua deraghvɨra uan dapanir arɨzibar akɨrigh da asɨngan kogham, eghtɨ men apaniba izɨ, men dapanir arɨziba bar dagh iseghtɨma, me onariba mɨsegh ikiam. Me korotiar bar diriba ua da aghuan kogham, egh me korotiar bɨbɨzir kurabar aghuam. Eghtɨ men guar bar aghuiba, men apaniba kalabuziabar dɨghoribar mɨn me aghor me tuegham. Eghtɨ me bar aghumsigham.

Ofa Gami 19:36

Puvatɨ. Ia deraghvɨra dar abanɨva da tuisɨgh, egh deraghvɨra biziba meng. Kɨ Ikiavɨra Itir God, ian God, kɨ Isipɨn kantrin ia inigha ian akua azenan ize.

Jenesis 23:16

Ezɨ Abraham akar kam gifongegha, gumazir biziba amaga dagh ivezibar mɨrara, deragha 400plan silvan dagɨaba mengegha, nguazimɨn ivezir kamra isa, Hitian gumazibar damazimɨn nguazim giveza Efron ganɨngi.