2 Samuel 14:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Ezɨ amizim kamaghɨn mɨgei, “Ga uaning, nan atrivir ekiam, kɨ nɨn ingangarir amizir kɨnim. Nɨ na ateghtɨ kɨ tong ua mɨkemeka?” Ezɨ Devit ghaze, “A dera nɨ mɨkɨm.”

2 Samuel 14:12 ပူးပေါင်းရင်းမြစ်များ

Aposel 26:1

Ezɨ Agripa kamaghɨn Pol mɨgei, “Nɨ uabɨ uabɨ geghan.” Ezɨ Pol uan agharim fegha uan akabav gɨa ghaze,

Jeremaia 12:1

O Ikiavɨra Itir God, nɨ kotiaba tuisɨzir arazim a bar dera, ezɨ kɨ zurara uan osɨmtɨzim akɨrsɨ akamadarim nɨ ko a damuan kogham. Ezɨ arazir kɨ fozir puvatɨzir maba iti, ezɨ guizɨn nɨn arazir kotiaba tuisɨzim, kɨ a bagh nɨn azangsɨghasa. Manmaghɨram amizɨ gumazamizir arazir kurabagh amiba me zurara deragha iti? Ezɨ manmagh amizɨ, ifavaribagh amir gumaziba deraghavɨra ikia ghuavɨra iti?

Jenesis 44:18

Ezɨ Juda Josepɨn boroghɨn ghua kamaghɨn mɨgei, “Gumazir ekiam, nɨ uan ingangarir gumazimɨn akam barakigh. Kɨ gumazir kɨnim, ezɨ nɨ gumazir bar ekiam, egha Isipɨn atrivimɨn mɨn iti. Egh nɨ nan apangkuvigh nan ataran markɨ.

Jenesis 18:32

Ezɨ Abraham ua ghaze, “Ekiam, kɨ akatam ua nɨ mɨkɨmasa. Nɨ nan ataran markɨ. Eghtɨ gumazir aghuir 10pla ikɨtɨ, manmakɨn?” Ezɨ Ekiam ghaze, “Kɨ gumazir aghuir 10plan ganigh egh nguibam gasɨghasighan kogham. Eghtɨ gumazir aghuir kaba ovengan kogham.”

Jenesis 18:27

Ezɨ Abraham ua kamaghɨn mɨgei, “Ekiam, kɨ bizir avɨribav kɨmtɨ, nɨ nan ataran markɨ. Kɨ pura gumazir kɨnim, egh bizitam mɨkɨman kogham.

2 Samuel 14:11

Ezɨ amizim ua kamaghɨn mɨgei, “Ga uaning, atrivim, kɨ kamaghɨn ifonge, Ikiavɨra Itir God, a nɨn God, nɨ an ziamɨn mɨghvɨra a mɨkɨmtɨma, me nan otarir igharazim mɨsueghtɨ an aremeghan markɨ. Bar markiam. Guizbangɨra, en arazim kamakɨn, gumazim uan aveghbuam mɨsueghtɨ an aremeghtɨ, gumazir kamɨn anababara a mɨsueghtɨ an aremegham. Ezɨ nɨ arazir kamɨn gɨn mangan markɨ, eghtɨ gumazitam nan otarim mɨsueghtɨ an aremeghan markɨ.” Ezɨ Devit ghaze, “Kɨ, Ikiavɨra Itir Godɨn ziamɨn guizbangɨra nɨ mɨgei, nɨn otarimɨn dapanir arɨzitam tong nguazim girɨghan kogham. An aremeghan kogham.”

2 Samuel 14:13

Ezɨ amizim kamaghɨn Devit mɨgei, “Nɨ tizim bagha bizir kurar kamɨn Godɨn gumazamizibagh ami? Nɨ uabɨ uan otarim batuegha anetaghizɨ, a ua izezir puvatɨ. Kamaghɨn amizɨ, akar nɨ datɨrɨghɨn na mɨkemezir kam, nɨ uabɨ uabɨ isa kotiam gatɨ.

2 Samuel 20:17

Ezɨ Joap roghɨra izima, amizim an azara, “Nɨ Joapra?” Ezɨ Joap ghaze, “Are, kar kɨrara.” Ezɨ amizim a mɨgɨa ghaze, “Kɨ nɨn ingangarir amizim, kɨ akar mam nɨn iti. Kɨ kamaghsua, nɨ bar deraghvɨra kuarim atɨgh na baragh.” Ezɨ Joap ghaze, “A dera, kɨ nɨn akam baragham.”

1 Atriviba 2:14

Egha a kamaghɨn mɨgei, “Kɨ akar bar muziarir mam iti.” Ezɨ Batseba a mɨgɨa ghaze, “A dera, nɨ na mɨkɨm.”