2 Samuel 13:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Egha a Amnonɨn azara, “Atrivimɨn otarim, nɨ na mɨkɨm, manmaghɨn amizɨ kɨ zurara nɨn garima, nɨ osemegha arei moghɨn gari?” Ezɨ Amnon a ikaragha ghaze, “Kɨ uan avebam Apsalomɨn buaramizim Tamar, bar a gifonge.”

2 Samuel 13:4 ပူးပေါင်းရင်းမြစ်များ

Luk Osirizir Akar Aghuim 12:32

Egha Iesus ua kamaghɨn mɨgei, “Ia sipsipɨn bɨzir muziarim, ian Afeziam ia damightɨ, ia Atrivimɨn otivasa a bar akonge. Kamaghɨn ia atiatingan markɨ.

Maika 7:3

Gumazamizir bar arazir kurabagh fogha dagh amiba, me zuraram arazir kurabagh ami. Gavmanɨn ingarir gumaziba ko, jasba kotɨn dughiamɨn, me gumazamizibar azangsɨzima, me moga dagɨabar me giveza me gakaghorima, me paza kotiaba barasi. Gumazir ziar ekiaba itiba pura uan ifongiabar jasbav geima, jasba guizɨn arazim ategha pura gumazir kurar kabar ifongiabar gɨn zui.

Jeremaia 8:12

“Me ti arazir kurar me amizibar aghumsɨghama? Bar puvatɨ. Me tong aghumsɨzir puvatɨ. Kamaghɨn, kɨ men igharaz darazigh asɨghasɨghizɨ moghɨn, kɨ gumazamizir kaba mɨzazim me danɨng, me gasɨghasɨgham. Kɨ Ikiavɨra Itir God, kɨ mɨkemegha gɨfa.

Aisaia 3:9

Egha me kotiaba barazir dughiabar, me ifongezir gumazamizibaram akurvagha igharaz darazi dɨkabɨri. Ezɨ men arazir kamra, me isa kotiam garɨsi. Sodomia fomɨram amizɨ moghɨra, me gumazamizir igharazibar damazibar arazir kuram damuan aghumsɨzir puvatɨ. Mevzika! Me ikuvigham. Me uari arazir kuram gamigha an osɨmtɨzim ateri. Kamaghɨn amizɨ, me uan arazir kuramɨn ivezim ateram.

Ofa Gami 20:17

“Eghtɨ gumazitam uan buaramizim ko dakuam, kar an afeziamɨn guivim, o an amebamɨn guivim, egh aning bibiamra ikɨ uaningɨn ganɨva, kamaghɨn aning arazir bar kuram damigham. Kamaghɨn amizɨ, ia gumazamizibar damazimɨn bar aningɨn atarɨva, aning batueghtɨ, aning ua ia ko ikian kogham. Gumazir kam uabɨ uan buaramizim koma akui, kar aghumsɨzir arazim, kamaghɨn, a uan arazir kuramɨn osɨmtɨzim ateram.

Ofa Gami 18:9

Nɨ uan buaramizim ko dakuan markɨ, a nɨn afeziam ko amuir igharazim otezir guivim, o a nɨn amebam ko par igharazim otezir guivim, nɨ a ko dakuan markɨ. Kar nɨn amebam nɨn afeziamɨn dɨpenimɨn ikia otezir guivim, o nɨn amebam dɨpenir igharazimɨn ikia otezir guivim, a uaghan nɨn buaramizim, kamaghɨn amizɨ nɨ a ko dakuan markɨ.

1 Atriviba 21:7

Ezɨ Jesebel a mɨgɨa ghaze, “Tinara kantri Israelɨn atrivim? Nɨ, o igharaz tav? Nɨ osɨman markɨ! Nɨ dɨkavigh daghetam amɨ. Kɨ Nabotɨn wainɨn azenim isɨ nɨ danɨngam.”

2 Samuel 13:3

Egha Amnon namakar mam iti, an ziam Jonadap. A Devitɨn avebam Saman otarim, a bizibav kɨmtɨ, dar dagheba guizbangɨrama otivamin fofozir ekiam iti.

2 Samuel 13:5

Ezɨ Jonadap a ikaragha ghaze, “Nɨ ifar arei moghɨn damu, egh uan mɨsiamɨn irɨghɨv ikɨ mamaghɨra ikɨ. Eghtɨ nɨn afeziam nɨn gansɨ aven izɨtɨ, nɨ kamaghɨn a mɨkɨm suam, ‘Ga uaning! Nɨ nan buaramizim Tamar amadaghtɨ an aven izɨ, eghtɨ kɨ gantɨ, a na bagh daghetam tuam. Egh a uabɨ daghem na danɨngtɨ kɨ aneremam.’ ”

1 Atriviba 21:5

Ezɨ an amuim Jesebel a bagha ghua an azara, “Nɨ manmaghsua bar osemegha daghebar aman aghua?”