2 Samuel 12:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Ezɨ Devit me ikaragha ghaze, “Kɨ ghaze, Ikiavɨra Itir God ti nan apangkuvigh nan borim damightɨ an aremeghan kogham. Kamaghɨn borim angamɨra ikiavɨra itima, kɨ aziava dagheba ta.

2 Samuel 12:22 ပူးပေါင်းရင်းမြစ်များ

Aisaia 38:5

“Nɨ mangɨ kamaghɨn Hesekia mɨkemegh, ‘Kɨ Ikiavɨra Itir God, nɨn inazir afeziam Devitɨn God, kɨ nɨn azangsɨzim baregha nɨn temeribar ganigha gɨfa. Kamaghɨn amizɨ, kɨ nɨ ateghtɨ, nɨ ua 15plan azenibar ikegh gɨn ovengam.

Jona 1:6

Ezɨ kurimɨn suizir gumazir ekiam a bagha ghuava a mɨgɨa ghaze, “Nɨ manmaghsuava akui? Nɨ osegh dɨkavigh uan asemɨn dɨm! Eghtɨ aser kam ti en apangkuvigh en akuraghtɨ e ovengan kogham.”

Joel 2:14

Ia ua Ikiavɨra Itir God, ian God, ia a bagh izɨtɨ, a ti uan nɨghnɨzim giragh, deraghvɨra ia damuam, egh dagher avɨriba ia danɨngam. Eghtɨ ia a bagh ofa damuamin dagheba ko wainba ikiam.

Joel 1:14

Ia gumazamiziba bar me mɨkemeghtɨ, me dagheba atakigh. Egh Judan nguazimɨn itir gumazamiziba bar men diaghtɨ, me izɨ Ikiavɨra Itir God, ian Godɨn Dɨpenimɨn uari akuvagh, an dɨmɨva arang.

Amos 5:15

Ia arazir kuraba ategh, arazir aghuibara ifongegh dar gɨn mangɨ. Ia kotiamɨn tugh guizbangɨra mɨkɨm. Ia kamaghɨn damutɨ, Ikiavɨra Itir God, a Godɨn Gavgaviba Bar Itim, ia Josepɨn ovavir borir ikiavɨra itir varazira, a ti ian apangkuvam.

2 Samuel 12:21

Devit arazir kam gamizɨma, ingangarir gumaziba kamaghɨn a mɨgei, “Nɨ arazir manmaghɨn amizim gami? Nɨn borim aremezir puvatɨzir dughiamɨn, nɨ a bagha aziava dagheba ta. Ezɨ borim aremezɨ, nɨ datɨrɨghɨn dɨkavigha dagheba api. Nɨ mɨngarir manam gatava arazir kam gami?”

2 Atriviba 20:3

“O Ikiavɨra Itir God, kɨ uan navir averiamɨn aven nɨ baghavɨra ikia, nɨn ifongiamɨn gɨn ghua, bar guizbangɨra zurara nɨn ingangarim deravɨra a gamuavɨra iti. Kamaghɨn amizɨ, kɨ amizir ingangariba, nɨ dagh nɨghnɨgh na ateghtɨ, kɨ ovengan kogham.” Egha Hesekia Ikiavɨra Itir God ko mɨkemegha gɨvagha, bar puvɨram azi.