2 Samuel 12:15 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁵ Natan Devitɨn arazir kurabar gun a mɨkemegha gɨvagha, uamategha uan dɨpenimɨn ghu. Ezɨ gɨn, Devitɨn borim, Ikiavɨra Itir God a gamizɨ, a puvɨram arei.

2 Samuel 12:15 ပူးပေါင်းရင်းမြစ်များ

1 Samuel 25:38

Egha a kamaghɨra irɨghav ikia ghua 10plan dughiaba gɨvazɨ, Ikiavɨra Itir God Nabal mɨsoghezɨma an areme.

Onger Akaba 104:29

Guizbangɨra, nɨ akɨrim ragha me gasarazɨ me atiati. Men angamɨra itir ikɨrɨmɨrim, nɨ me dama a inizɨ me ariaghire, egha men mɨkarziba ua nguazir mɨnemniamɨn oto.

Aposel 12:23

Herot Godɨn ziam fer puvatɨ, kamaghɨn amizɨ, Ekiamɨn ensel maghɨra a mɨsoghezɨ a irɨ. Ezɨ apiziba angamɨra anepa zuima, an areme.

2 Eghaghaniba 13:20

Egha Abiya atrivir bar gavgavimɨn oto. An amuir 14plan iti, ezɨ me otarir 22pla ko guivir 16pla bate. Ezɨ Abiya atrivimɨn ikia ghua aremezir dughiamɨn, Jeroboam uam atrivir gavgavimɨn ikezir puvatɨ. Ezɨ Ikiavɨra Itir God gɨn Jeroboam gasɨghasɨghizɨ, an areme.

2 Atriviba 15:5

Dughiar mamɨn Ikiavɨra Itir God lepan arɨmariam gamizɨ, a Usian mɨkarzim bato, eghtɨ arɨmariar kam gɨvaghan kogham. Ezɨ an atrivir dɨpenim ategha ghua dɨpenir igharazimɨn iti, ezɨ an otarim Jotam, an atrivir ingangarim gami, egha atrivimɨn dɨpenimɨn gara, egha kantri gativagha ikia ghuav itima, Atrivim Usia areme.

1 Samuel 26:10

Egha Devit ua kamaghɨn mɨgei, “Ikiavɨra Itir Godɨn zurara itimɨn ziamɨn, kɨ kamaghɨn nɨ mɨgei, Ikiavɨra Itir God, uabɨ Solɨn mɨsuegham, o Sol uabɨ uan dughiamɨn aremegham, o an apaniba mɨdorozir tamɨn a mɨsueghtɨ an aremegham.

Godɨn Araziba 32:39

Ia oragh. Ia kamaghɨn fogh, kɨ uabɨra, kɨ guizbangɨra God. Ezɨ godɨn tam ua itir puvatɨ. Kɨ uabɨ, kɨ ikɨrɨmɨrir angamɨra itim gumazamizibagh anɨga, egha men duaba isi me ovei. Kɨ gumazim gasɨghasigh ua anekɨrightɨ a deragham. Egh kɨ bizitam damutɨ gumazitam nan anogoreghan kogham.

2 Samuel 12:14

Ezɨ nɨn arazir kurar kam bangɨn, apaniba akar kurabar Ikiavɨra Itir God mɨgei. Kamaghɨn amizɨ, nɨn otarir Batseba otezim aremegham.”

2 Samuel 12:16

Devitɨn otarim arei, ezɨ otarim ghuamaghasa, Devit dagheba tagha God ko mɨgɨa a gaghori. A dɨmagaribar uan dɨpenimɨn ghua pura nguazim girav iti.