2 Samuel 12:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Ezɨ nɨn arazir kurar kam bangɨn, apaniba akar kurabar Ikiavɨra Itir God mɨgei. Kamaghɨn amizɨ, nɨn otarir Batseba otezim aremegham.”

2 Samuel 12:14 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 2:24

Ia fo, Godɨn Akɨnafarim bizir kamɨn mɨgɨrɨgɨam iti, “Ia Judaba, ian arazir kuraba bangɨn, Kantrin Igharazibar Gumazamiziba Godɨn ziam gasɨghasɨsi.”

Aisaia 52:5

Ezɨ kɨ garima, Babilonia uaghan arazir kamram ami. Me pura nan gumazamiziba inigha ghua kalabuziam gatɨ, egha nan adarazir gumazir dapanibagh amizɨ, me bar puvɨram azi. Ezɨ kɨ bizitam inizir puvatɨ. Gumazamiziba zurara na dɨpovava, nan ziam gasɨghasɨsi.

Akar Mogomem 3:19

“Gumazamizir kɨ ifongeziba, kɨ men atar men arazibar kɨram. Kamagh amizɨ, ia uan araziba akɨrsɨ gavgavigh uan navibagh iragh.

Onger Akaba 94:12

O Ikiavɨra Itir God, nɨ uan Akar Gavgavimɨn gumazitamɨn sure damightɨ, gumazir kam bar akuegham.

1 Korin 11:32

Ekiam kamaghɨn ifonge, e nguazimɨn itir gumazamiziba ko ovengan kogham. Egha kamaghɨn a en arazir kuraba akɨrasa osɨmtɨziba e ganɨdi.

Matyu 18:7

“Kɨ ghaze, gumazamizir nguazimɨn ikiava igharaz darazigh amima me arazir kurabagh amiba, mevzika! Me kuram iniam! Arazir kuraba guizbangɨra otifi, ezɨ arazir kurabagh amima da otivir gumazamiziba, kɨ ghaze, Iavzika! Ia kuram iniam!

Amos 3:2

A kamaghɨn mɨgei: “Ikɨzir avɨriba nguazir kamɨn iti. Ezɨ kɨ men tongɨn iarara inabazɨ, ia nan gumazamizibara iti, ezɨ kɨ bar deravɨra ia geghufi. Kamaghɨn amizɨ, kɨ ian gantɨ, ia arazir kurabar amutɨ, kɨ bar ada ikarvagh ivezir kuram isɨ ia danɨngam.”

Onger Akaba 74:10

O God, dughiaba manmagh apaniba nɨ dɨpovam? Me nɨn ziam akar kurabar a mɨkɨmvɨra ikiam?

Nehemia 5:9

Kɨ ghaze, “Arazir ia amizim, derazir puvatɨ. Ia Godɨn atiating egh an apengan ikɨva, arazir aghuibar gɨn mangɨ. Ia kamaghɨn damutɨ, en apaniba dɨbovir akabav kɨman koghɨva, en araziba dɨkabɨnan kogham.

2 Samuel 12:15

Natan Devitɨn arazir kurabar gun a mɨkemegha gɨvagha, uamategha uan dɨpenimɨn ghu. Ezɨ gɨn, Devitɨn borim, Ikiavɨra Itir God a gamizɨ, a puvɨram arei.

Onger Akaba 69:6

O Ekiam, nɨ Ikiavɨra Itir Godɨn Gavgaviba Bar Itim, nɨ nan dɨmdiam baragh, nɨ na baraghan koghtɨ, nɨghnɨzir gavgavim nɨn iti darasi aghumsɨzim iniam. O Israelian God, nɨ nan dɨmdiam baragh, puvatɨghtɨ, gumazamiziba nɨn ziam fe darazi dɨpova, akar kurabar me mɨkɨmam.

Onger Akaba 99:8

O Ikiavɨra Itir God, nɨ en God, nɨ uan gumazamizibar azangsɨziba barasi. Nɨ men arazir kuraba ikarvagha mɨzazim me gasi. Nɨ uabɨ men akazɨ me fogha ghaze, nɨ Godɨn men arazir kuraba gɨn amadim.