2 Samuel 11:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ezɨ Devit foghasa, munar amizir manamra rue, egha gumazir mam amadazɨma a foghasa ghu. Ezɨ gumazim ghua an ganigha kamaghɨn fo, kar Batseba, Eliamɨn guivim. A Hitian adarazir gumazir mam Uria, an amuim.

2 Samuel 11:3 ပူးပေါင်းရင်းမြစ်များ

1 Eghaghaniba 3:5

A kagh itima, an amuim Batseba otarir 4pla bate. Batseba an Amielɨn guivim. Ezɨ an otaribar ziabar kara: Simea, Sobap, Natan, ko Solomon.

Jeremaia 5:8

Gumazir kabar naviba, gumazir igharazibar amuiba bagha dɨkafi, mati afiar apurir gavgaviba, afiar amebaba bagha naviba dɨkafi.

2 Samuel 12:3

Ezɨ gumazir biziba puvatɨzim, sipsipɨn nguzir amebar vamɨra ua bagha a givezegha an akuaghapi, ezɨ an a ko iti. Egha a deraghavɨra sipsipɨn nguzir amebar kamɨn garima, an an boriba ko dɨpenimɨn ikia ghuava ekefe. A dagher muziarir a itiba, ana da abɨgha dar naba isa uan sipsip ganɨga anetaghɨrazima, a an dɨpaba apir kavɨn dɨpar naba api. Egha an a isa uan evarim garɨgha a muagha akui. Ezɨ sipsipɨn kam mati an guivimɨn mɨraram oto.

1 Atriviba 15:5

Devit Ikiavɨra Itir Godɨn damazimɨn arazir aghuibagh ami, egha zurara an Akar Gavgavibar gɨn zui. Dughiar bar vamɨra, Devit pazav Hitian gumazim Uria gami.

Aghuzir Akaba 6:25

Nɨ amizir munamɨn mɨkarzir ganganir aghuimɨn ganɨva a gakongan markɨ. A nɨn ganɨva nɨ gekuightɨ nɨ a bagh mangan markɨ.