2 Samuel 10:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ezɨ Hanun akar kam baregha, Devitɨn abuir gumazibar suigha, men ghuamasɨziba vaghvagha dar vuebagh isegha vueba ataki. Egha uaghan men korotiar ruariba arɨghara da aghorezɨ da bar otefe, ezɨ men mɨtiarakaba azenimra iti. Egha me amadazɨ me ghue.

2 Samuel 10:4 ပူးပေါင်းရင်းမြစ်များ

Aisaia 20:4

Eghtɨ Asirian atrivim mangɨ, kantri Isip ko kantri Itiopia mɨsogham. Egh a kantrin kamningɨn gumazamizir igiaba ko, gumazamizir ghuriba inigh mangɨ kantrin igharazir tamɨn me kalabuziam darɨgham. Egh me mangamin dughiamɨn, me korotiaba ko dagarir asuataba aghuighan kogham, me pura daruam. Me pura bibiabara ikɨ, bar aghumsigham.

Jeremaia 41:5

ezɨ Sekemɨn nguibam ko, Silon nguibam ko, Samarian nguibamɨn gumazir 80pla arua iza Mispan boroghɨra izi. Me wit ko pauran mughuriar aghuim zuim inigha, Ikiavɨra Itir Godɨn Dɨpenim bagha Jerusalemɨn mangɨ ofa damuasa zui. Gumazir kaba uan ghuamasɨzibagh isava, uan korotiaba abɨgha, tintinibar uan mɨkarzibar ghora uan apangkuvim ko osɨmtɨzim akakaghasa.

Aisaia 15:2

Kamaghɨn amizɨ, Dibonɨn nguibar ekiamɨn itir gumazamiziba, mɨghsɨabar ghuavanabogha, asebar ziaba fer danganibar aziava ara iti. Moapia bar fo, Nebon nguibar ekiam ko, Medeban nguibar ekiam bar ikuvizɨma, kamaghɨn me aningɨn apangkuvigha azi. Me bar aning bagha osemegha, uan dapanir arɨziba ko, ghuamasɨzir arɨzibagh ise.

Ofa Gami 19:27

Ia gumazim o amizir aremezim gɨnɨghnɨgh dapanir arɨzir ian kuaribar boroghɨn itiba apɨran markɨ, egh uan ghuamasɨzibagh isɨ da otɨvan markɨ. Egh ia uaghan uarir akurvaghsɨ, gumazim o amizir aremezim gɨnɨghnɨgh, uan mɨkarzibar ghor, dɨghoribar amuan markɨ. Kɨ Ikiavɨra Itir God, ia arazir kabar amuan, kɨ anogoroke.

2 Samuel 10:5

Ezɨ abuir gumazir kaba bar aghumsigha, uamategh uan nguibabar mangan aghua. Ezɨ Devit Hanun amizir bizir kam baregha, kamaghɨn abuir gumazir kaba bagha akam amaga ghaze, “Ia Jerikon nguibar ekiamra ikɨ mangɨtɨ ian ghumasɨziba uam otivigh gɨvaghtɨ ia Jerusalemɨn izɨ.”