2 Samuel 1:27 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁷ Mɨdorozir gumazir gavgaviba mɨdorozimɨn ariaghiregha gɨfa, ezɨ mɨdorozim gamir biziba da bar ikuvigha gɨfa.”

2 Samuel 1:27 ပူးပေါင်းရင်းမြစ်များ

2 Samuel 1:25

“Mɨdorozir gumazir gavgaviba mɨdorozimɨn ariaghire. Ezɨ Jonatan uaghan areme, ezɨ an kuam mɨghsɨamɨn pɨn iti.

2 Samuel 1:19

“Gumazir en faragha zuiba, me Israelia en gumaziba, me mɨghsɨabagh isɨn ariaghire. En mɨdorozir gumazir gavgaviba ariaghiregha gɨfa.

Onger Akaba 46:9

A nguazimɨn oteviba bar dar mɨdoroziba agefi. Egha barir piba ko afuzibar suigha da apɨragharigha, oraba aviba dagh arɨzi da isi.

2 Atriviba 13:14

Ezɨ Jehoas atrivimɨn itir dughiamɨn, Elisa arɨmariar bar ekiam ini. A bar aremeghasava ami, ezɨ Atrivim Jehoas ghua an gari. Jehoas an apangkuvigha azia a mɨgɨa ghaze, “Nan afeziam! Nan afeziam! Nɨ Israelian akurvazir gumazir bar gavgavim, mati mɨdorozir hoziaba ko mɨdorozir karisba.”

2 Atriviba 2:12

Ezɨ Elisa Elaijan gari a zuima a kamaghɨn dɨa mɨgɨavɨra iti, “Nan afeziam! Nan afeziam! Nɨ Israelian akurvazir gumazir bar gavgavim, mati mɨdorozir hoziaba ko mɨdorozir karisba.” Ezɨ Elaija ghugha gɨvazɨ, Elisa uam an gari puvatɨ. Kamaghɨn amizɨ, Elisa bar oseme, egha uan korotiar ruarimɨn suiragha anebɨghizɨ, an akuar pumuningɨn irɨ, kar a uan osɨmtɨzim akakagha amizir arazim.

Aisaia 13:5

Me kantrin bar saghon itimɨn ikegha ize, egha me mati Ikiavɨra Itir Godɨn piba ko bariba. A bar anɨngaghegha, me akuvagh me damutɨ, me nguazir kamɨn itir kantribagh asɨghasɨgh, bar me agɨvagham.