2 Samuel 1:24 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁴ “Ia, Israelian amiziba, ia Sol bagh azirakabar amuva an aghuimazimɨn ikɨ. A korotiar aghevir aghuiba isa ia ganɨngizɨ ia uari asɨngi. Dar iveziba bar pɨn iti. A golɨn adiarir aghuir guar avɨriba isa ia ganɨngi.

2 Samuel 1:24 ပူးပေါင်းရင်းမြစ်များ

2 Samuel 1:23

Gumazamiziba bar Sol ko Jonatan gifonge. Aning gumazir bar aghuimning. Aning zurara roroamningɨn mɨn uaningɨn poroghav ikia, kamaghɨra ikia ghuava areme. Aning pamtemɨn uan apanibar agɨntɨsi, egha aning kuarazir isaba asɨzibar agɨntɨzir ivemarir arazim gafira. Egha aning gavgavir ekiam ikia laionɨn gavgavim gafira.

2 Samuel 1:25

“Mɨdorozir gumazir gavgaviba mɨdorozimɨn ariaghire. Ezɨ Jonatan uaghan areme, ezɨ an kuam mɨghsɨamɨn pɨn iti.

Onger Akaba 68:12

Akar me kurir kam kamaghɨn mɨgɨa ghaze, “Atriviba uan mɨdorozir gumaziba ko, me bar moghɨra aregha gɨfa.” Ezɨ amizir nguibamɨn itibara, gumaziba mɨsogha inizir biziba uarigh anɨdi.

Aghuzir Akaba 25:12

Gumazir nɨghnɨzir aghuim itim, uan anav akɨri, ezɨ gumazir kam oregha ghaze, akar kam bar guizbangɨra. Egha ghaze, nan namakar kamɨn akam mati golɨn kurukazir bar aghuim.

Aghuzir Akaba 31:21

Egha a uan pam ko boriba bagha korotiar bar aghuiba isamigha gɨvazɨ da bar deragha iti. Eghtɨ amozir orangtɨzir dughiam izɨtɨ, a ua korotiaba me bagh dagh nɨghnɨghan kogham.

Jeremaia 2:32

Egha ia ti ghaze, guivir igiaba me uan kurkazir aghuiba ategham, o puvatɨgham? Eghtɨ amizir igiar pamɨn ikiamim, uan kurkazir korotiar aghuiba bakɨnɨghnigh dar aghuan kogham, o? Puvatɨgham. Ezɨ ia nan gumazamiziba, fomɨra iza datɨrɨghɨn ia na gɨnɨghnɨzir puvatɨ. Gumazitam ti, dughiar ia na bakɨnɨghnɨghavɨra itibar dɨbobonim, mengɨva avegham.