2 Samuel 1:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² “Jonatanɨn barir pim a paza zuir puvatɨ. Ezɨ Solɨn mɨdorozir sabam pura itir puvatɨ. A mɨdorozir gumazir gavgavibav soghezɨ me ariaghire, ezɨ apanibar ghuziba ko oviba bar a noke.

2 Samuel 1:22 ပူးပေါင်းရင်းမြစ်များ

Jeremaia 50:9

Kɨ notɨn gumazamizir gavgavizir avɨriba feghɨva, Babilonɨn mɨsoghsɨ men aku izam. Me tuivigh uarir akuigh, egh Babilonia ko mɨsogh me dɨkabɨragham. Apanir kaba barir pibar asa bar fo, egha me asavamadir dughiamɨn, me nɨ gitaghan kogham. Kamaghɨn, ia Babilon atakigh.

Godɨn Araziba 32:42

Na ko mɨsoghamin gumaziba, kɨ bar me gasɨrarightɨ, men ghuziba nan afuzibar emɨr magɨram. Eghtɨ kɨ uan mɨdorozir sabam inigh apanibar namnabar ghoram. Kɨ apanir gumazir kalabusɨn itiba, bar me mɨsoghɨrarigham, egh apanir dapanir arɨzir ruariba itiba kɨ bar men fɨribar ghoreghtɨ, men dapaniba iregham.’

1 Samuel 14:47

Sol Israelian atrivimɨn otogha gɨvagha, uan mɨdorozir gumaziba ko me Israelian apanir tintinimɨn danganibar itibav sosi. Me Moapia ko Amonia, Idomia ko Filistiaba ko Soban kantrin atrivibav sosi. Me mɨdorozibar zurara uan apaniba mɨzazim me gasa me abɨri.

1 Samuel 14:48

Egha Sol uan mɨdorozir gumazibar naviba fema, me pamtemɨn mɨsogha uaghan Amalekia abɨni. Kamaghɨn amizɨ, men apaniba ua iza Israelia mɨsozir puvatɨ.

1 Samuel 18:4

Ezɨ Jonatan uan korotiar aghuir ruarim ko mɨdorozir korotiaba sara sue. Egha bizir kaba ko an mɨdorozir sabam ko an barir pim ko an benir uabɨ amɨghɨrim sara da isa Devit ganɨngi.