2 Pita 2:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ifavarir tisan kaba dagɨar avɨriba baka, kamaghɨn me eghaghanir ifavarir avɨribar amuva, ian dagɨaba ko biziba iniam. Fomɨra God me isɨ kot darɨghasa dughiam atɨgha, ghaze, me bar ikuvigham. Ezɨ God akuir puvatɨ. A fomɨra me mɨkemezɨ moghɨn me gasɨghasɨghasa me bagha gara iti.

Godɨn Akar Aghuim; Akar Dɨkɨrɨzir Gavgavir Igiam

³ Ezɨ ifavarir tisan kaba dagɨar avɨriba bagha, kamaghɨn me eghaghanir ifavarir avɨribar amuva, ian dagɨaba ko biziba iniam. Fomɨra God me isɨ kot darɨghasa dughiam atɨ, a ghaze, me bar ikuvigham. Ezɨ God akuir puvatɨ. A fomɨra me mɨkemezir moghɨn egha me gasɨghasɨghasa me bagha gara iti.

2 Pita 2:3 ပူးပေါင်းရင်းမြစ်များ

2 Korin 2:17

Ezɨ e gumazamizir mabar mɨn amir puvatɨ, me danganiba bar dagh aruava Godɨn akam mɨgɨa, mati me dagɨaba bagha biziba amadi. God uabɨ ingangarir kam e ganɨngizɨ e ifarir puvatɨ, e guizbangɨra mɨgei. E Krais ko porogha, Godɨn damazimɨn deravɨram an akaba akuri.

Godɨn Araziba 32:35

Ikiavɨra Itir God ghaze, Arazir kuraba ikarvaghamin ingangarim, kar nan bizim. Kɨ uabɨ men arazir kuraba ikarvagh egh ivezir kuraba me danɨngam. Eghtɨ dughiar bar ovezimɨn me iregh bar ikuvigham.

1 Tesalonika 2:5

Ia fogha gɨfa, God en garava e gɨfozɨma e kamaghɨn ia mɨgei, e akar ifavaritamɨn ia gifarazir puvatɨ, egha e ian bizibagh ifuegha ia apezepera mɨgeir puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 16:18

Me en Ekiam Krais Iesusɨn ingangarim gamir pu. Puvatɨ. Me uan inivafɨzim ifongezir arazibar gɨn zui. Me mɨgɨrɨgɨar aghuiba ko mɨgɨrɨgɨar navibagh inivibagh amuava, gumazamizir arazir kurabagh ifozir puvatɨziba me gifara, men nɨghnɨzibagh amima, me okam nɨghnɨsi.

Jut Osirizir Akɨnafarim 1:15

A gumazamiziba bar men araziba tuisɨgham. Gumazamizir an gɨn zuir puvatɨziba, a me damutɨ, me bar uan arazir kurar me amizibar osɨmtɨziba ateram. Gumazamizir arazir kurabagh amiba, me akɨrim ragha God gasa ghuavɨra iti. Kamaghɨn amizɨ, akar bar kurar igharazir me God gamiziba bangɨn, God me damutɨ, me bar ivezir kuram iniam.”

Taitus 1:11

Gumazamizir kurar kaba arazir kuram damuva gumazamizibar biziba ko men dagɨaba uari bagh da iniasa. Kamaghɨn amizɨ, me arazir e damuan koghamibar men sure gami. Egha arazir kamɨn me gumazamizir mabar men adarazi sara, men nɨghnɨzir gavgavibagh asɨghasɨsi. Kamaghɨn amizɨ, nɨ me mɨkemeghtɨ me akar katam mɨkɨman markɨ.

1 Timoti 6:5

egha me zurara pura uarir atari. Ezɨ gumazamizir arazir kabagh amiba, men nɨghnɨziba derazir puvatɨzɨ me bar onganigha guizɨn akam gɨfozir puvatɨ. Me ghaze, Godɨn gɨn zuir arazim, mati biziba isir tuavim.

2 Pita 2:9

Ekiam amizir biziba, e dagh nɨghnɨgha kamaghɨn fo, osɨmtɨzitam gumazamizir Godɨn Arazibar gɨn zui taba batogham, God osɨmtɨzir kam uam me da a iniamin tuavim gɨfo. Ezɨ God arazir kurabagh amir gumazamizibagh fo, egha men arazir kuraba ikarvaghamin tuavim gɨfo, mamaghɨra ikɨ mangɨva Godɨn Kotɨn Ekiamɨn Dughiam otogham.

2 Pita 2:1

Ezɨ fomɨra Godɨn akam inigha izir gumazir ifavarir maba, me Israelian gumazamizibar tongɨn iti. Ezɨ kamaghɨra ifavarir tisaba uaghan ian tongɨn ikiam. Egh me nɨmɨra ia gifar, Godɨn bizitaba ian sure damuam. Egh me mongɨva akar ifavaribar amutɨ, da ian tongɨn otivam, kar akar ian nɨghnɨzir gavgavim gasɨghasɨziba. Ekiam ua me ini, eghtɨ me uamategh akɨrim ragh, Ekiam gasaragham. Me kamaghɨn damutɨ, God zuamɨra me gasɨghasigham.

2 Pita 1:16

Ezɨ dughiar e Kraisɨn akar kamɨn ia mɨkemezim, e pura gumazitamɨn eghaghanitam ko nɨghnɨzimɨn gɨn ghua ia mɨgeir puvatɨ. E uan Ekiam Krais Iesusɨn gavgavim ko a ua izamin akamɨn gun ia mɨkeme. E faragha guizbangɨra uan damazibar Godɨn angazangarim ko gavgavimɨn garima da Krais Iesusɨn iti, kamaghɨn amizɨ e mɨgei.

1 Pita 5:2

Ia Godɨn gumazamiziba deravɨra men gan. Me sipsipbar mɨn ian agharimɨn iti. Tav ia ingangarir kam damusɨ ia abɨntɨma, ia ingaran markɨ. Ia ingangarir kam damuasa God ifonge. Kamaghɨn, ia ifueghɨva ingangarir kam damu. Ia ivezim baghɨva akongɨva ingangarim damuan markɨ. Egh ia gumazamizibar akurvaghsɨ bar ifongegh.

Taitus 1:7

E fo, Kraisɨn adarazir garir gumazamizir dapaniba, me Godɨn ingangaribar garir gumazamiziba. Kamaghɨn me deraghvɨra daru, egh gumazamizibar damazimɨn deraghvɨra ikɨ, kamaghɨn nɨghnɨghan kogh suam, me ziar ekiam inisɨ me gativagh men ganam. Egh me zuamɨram anɨngaghan markɨ. Egh dɨpar onganir avɨribar aman markɨ. Egh me tintinibar gumazamizibav soghan markɨ, egh me uari baghvɨra dagɨar avɨriba inisɨ, nɨghnɨghan markɨ.

Jut Osirizir Akɨnafarim 1:11

Me bar ikuvigham! Me Kein aruizɨ moghɨn arui. Me ivezim baghavɨra nɨghnɨsi, egha Balam amizɨ moghɨn ami. Egha me dagɨaba iniasa bar ikufi. Egha me Koran mɨn Godɨn akabar gɨntɨzir puvatɨ, egha arazir kam bangɨn me bar ovegha ikuvigha gɨfa.

Jut Osirizir Akɨnafarim 1:7

Kamaghɨra, fomɨra Sodom ko Gomoran gumaziba ko nguibar ekiar aningɨn boroghɨra itibar gumaziba, me uaghan enselba amizir arazimɨn mɨrara ami. Me uari isa arazir kurabagh anɨga, egha me arazir bar kurar gumaziba ko gumaziba uari isava akuibagh ami. Kamaghɨn amizɨ, God me isa avir zurara isia mamaghɨra itimɨn, me akunizɨ, me ivezir kuram ini. Bizir otivizir kaba, ia dagh nɨghnɨghɨva arazir kurabar gɨn mangan kogham.

Jut Osirizir Akɨnafarim 1:4

Gumazamizir maba muega Kraisɨn adarazir aven ize. Fomɨra fomɨra God kamaghɨn mɨgɨa ghaze, gumazamizir kamaghɨn amiba me an damazimɨn mɨtivigh ovengam. Me akɨriba ragha God gasi. Egha me Godɨn apangkuvimɨn akabagh iragha dagh amima, da afiar arazibar akabar mɨn oto. Gumazamizir kaba akɨrim ragha Atrivir vamɨran kam gasara. An en Ekiam Krais Iesus.

1 Pita 2:8

Egha Godɨn Akɨnafarim uaghan ghaze: “Dagɨar kam a gumazamizibagh amima, me asaghpora daighiri.” Me akam barazir puvatɨ, kamaghɨn amizɨ, me daighiri. God fomɨra fo, bizir kam me bativam.

1 Timoti 3:8

Kamaghɨra siosɨn ingangarir gumaziba, gumazibar damazibar me ziar aghuim ikɨ. Egh me mɨzer pumuningɨn ikian markɨ, egh wainɨn dɨpar avɨribar amɨva onganan markɨ. Egh dagɨaba bagh bar ikuvigh ifar da inian markɨ.

1 Timoti 3:3

A wainɨn dɨpar avɨribar amɨva onganan markɨ. A zuamɨra anɨngaghɨva gumazibav soghan kogham, a men asughasugh. Egh biziba bagh gumazamiziba adoghan markɨ, egh a dagɨaba baghvɨra ikian markɨ.

1 Tesalonika 5:3

Gumazamiziba kamaghɨn mɨkɨmam, “Datɨrɨghɨn dughiar amɨrizim e batozɨ, e deravɨra iti.” Eghtɨ bizir me gasɨghasɨghamim bar zuamɨra me batogham, mati mɨzazir amizir naviba adaiba borim batasa isir mɨzaziba. Men tav osɨmtɨzir kam gitagh arɨ mangan kogham.

Jon Osirizir Akar Aghuim 2:16

Ezɨ a kamaghɨn gumazir dagɨaba bagha kuaraziba amadiba pamten me mɨgei, “Ia kuaraziba inigh mangɨ! Ia nan Afeziamɨn Dɨpenim biziba amadir danganimɨn mɨn a damuan markɨ.”

Luk Osirizir Akar Aghuim 22:47

Egha Iesus mɨgɨavɨra itima maburan gumazir bɨzim oto. An 12plan suren gumazir mam Judas, a men faragha iza tuavim men aka. A Iesusɨn boroghɨra izegha an torasava ami.

Luk Osirizir Akar Aghuim 20:20

Egha me bar deravɨra a bagha gara, egha moga garir gumaziba amadazɨ, me ifara mati me guizɨn mɨgei. Me kamaghsua, me Iesusɨn mɨgɨrɨgɨar otevitamɨn suiraghɨva, egh a isɨ Romɨn gavmanɨn gumazir ekiam danigham.

Luk Osirizir Akar Aghuim 18:8

Kɨ ia mɨgei, a men osɨmtɨzibar ganɨva, zuamɨra men akuragham. Kamaghɨn amizɨma, Gumazamizibar Otarim uamateghamin dughiamɨn, a gantɨ, nguazimɨn itir gumazamiziba nɨghnɨzir gavgavim an ikiam, o puvatɨgham?”

Malakai 1:10

Ezɨ Ikiavɨra Itir Godɨn Gavgaviba Bar Itim ghaze, “Kamaghɨn ti deragham, gumazitam nan Dɨpenimɨn tiar akaba asegham, eghtɨ gumazitam aven mangɨ ofan mɨngariba puvatɨzir kabar amusɨ ofa gamir dakozimɨn avim arɨghan kogham. Kɨ ian arazir kabagh ifongezir puvatɨ. Egh ofan ia na bagha inigha iziba, kɨ da inian kogham.

Habakuk 3:3

God Idomɨn nguazim ategha uamategha izi. Godɨn Bar Zuezim, a Paranɨn Mɨghsɨamɨn dɨkavigha izi. (Ighiam gamua an suiam atugha avughsegha ua ighiam gami.) An gavgavim ko, ziar ekiam ko, an angazangarim otogha, overiamɨn danganiba, bar da avara. Ezɨ nguazir kamɨn itir gumazamiziba bar an angazangarir ekiamɨn garima, arazir an ziam fem, bar me gizɨfa.

Maika 3:11

Ezɨ Jerusalemɨn gumazir dapaniba kotɨn dughiamɨn, gumazamizibar amamangatɨzɨ, me modogha dagɨaba me givezegha me gakaghorima, me paza kotiaba tuisɨsi. Ezɨ ofa gamir gumaziba, gumazibar amamangatɨghtɨ me dagɨaba me danɨngtɨ, me Godɨn Akar Gavgavibar mɨngariba abɨgh me mɨkɨmam. Ezɨ akam inigha izir gumaziba uaghan ghaze, me dagɨaba inighɨva, akar mogomebar mɨngariba deragh da abɨgham. Jerusalemɨn gumazir ekiar kaba bar, me kamaghɨn amua ghaze, “Ikiavɨra Itir God e ko iti. Ezɨ bizitam e gasɨghasighan kogham.”

Esekiel 13:19

Ia nan gumazamizibagh ifara ghaze, ia ziar ekiam na ganɨdi. Ezɨ puvatɨ, ia nan ziam abɨravɨra iti. Ia akuzir arazim gamua gumazamizir mabav sozi me ariaghiri, egha marazir akurvasi. Gumazir kɨ ovengan ifongezir puvatɨziba, ia me mɨsozi me ariaghiri, egha kɨ ovengasa ifongezir gumazamiziba ia deragha me gami. Ezɨ gumazamiziba ian arazir kam bagha bar ifongegha bretɨn oteviba ko balin muziaribar ia givezima, ia arazir kurar kabagh ami.

Jeremaia 8:10

“Men gumazir ziaba itiba ko ziaba puvatɨziba sara arazir kurar kam gami. Ezɨ men ofa gamir gumaziba ko akam inigha izir gumaziba uaghan gumazamizibagh ifari. Kamaghɨn, kɨ men azeniba ko amuiba isɨ azenan itir gumazir igharazibar anigam.

Jeremaia 6:13

Men gumazamizir ziaba puvatɨzibar ikegha ghua, gumazamizir ziaba itibar tuziba, me bar moghɨra ifara uari baghavɨra nɨghnɨgha, arazir kurar avɨribagh amua dagɨaba ko biziba isi. Ezɨ gumazir ofa gamiba, ko akam inigha izir gumaziba, me uaghan arazir kurar kamɨn gɨn ghua ifavaribagh ami.

Aisaia 60:22

O Jerusalem, gumazir nɨn ikia ziam puvatɨzim, a gumazamizir ikɨzir dafamɨn afeziamɨn otogham. Ezɨ ikɨzir muziariba, me bar avɨrasemegham, mati kantrin bar ekiar gavgavibar gumazamizibar mɨn otivigham. Kɨ Ikiavɨra Itir God, kɨ mɨkemegha mɨsevezir dughiam, kɨ bizir kabar amutɨ, da zuamɨram otivigham.”

Aisaia 56:11

Me afiabar mɨn daghem bagha bar ikufi, egha tong izɨvazir puvatɨ. Me mati sipsipbar garir gumazim uan ingangarim gɨfozir puvatɨ. Me vaghvagha uan ifongiabar gɨntɨsi. Me uarira uarigh nɨghnɨgha bizibagh amua uarira uarir akurvasi.

Aisaia 5:19

Ia kamaghɨn mɨgɨa ghaze, “E kamaghɨn orasi, Israelian Godɨn Bar Zuezim, a bizitamɨn e damusɨ egh a zuamɨram a damuam. Egh e kamaghɨn ganigh, an nɨghnɨzim gɨfogham.”

Onger Akaba 81:15

Nan aghuazir gumazamiziba, me atiatir ekiam sara na bagha izi. Eghtɨ kɨ men apanimɨn ikɨ mamaghɨra ikiam.

Onger Akaba 66:3

E Godɨn mɨkɨm suam, “Bizir nɨ amiba da bar dera. Nɨn gavgavim bar moghɨram ekefe, ezɨ nɨn apaniba bar atiatigha, nɨn damazimɨn uan teviba apɨri.”

Onger Akaba 18:44

Kantrin Igharazibar Gumazamiziba kamaghɨn na baregha zuamɨra iza, nan guamɨn uan teviba apɨrigha nan akam barasi.

Godɨn Araziba 24:17

“Ia ikɨzir igharazibar gumazamiziba, ko borir amebaba ko afeziaba ariaghireziba, pazɨ me damuva, men bizibagh eku da inian markɨ. Eghtɨ amizir pam ovengezim, pura ia da dagɨatam inightɨ, ia dagɨar kaba uam ada ikarvaghsɨ ababanim damu an korotiam inian markɨ.

Jopɨn Akɨnafarim 6:27

Kɨ ghaze, ia ti borir asaghasazibagh eghuvamin gumazim amɨsɨvɨsɨ, satu gikararangam. Egh ia dagɨaba inisɨ, ti uan namakaba amangam.

Jut Osirizir Akɨnafarim 1:16

Gumazamizir kaba, me bativir biziba me da bagha naviba ikufi, egha me puv mɨgei. Me uan navibar arazir kurabar gɨn zui. Me pamtemɨn diava puv uan ziaba fe. Egha me gumazamiziba apezeperima me me ifongezir arazibar gɨn zui.